I Yudas 1:4 - Tuntu i mPue ri Basa Taa

⁴ Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.

Sura Magali Nuntu Ngkatuwu

⁴ Maka bareʼe tasoro-soro kareʼenya waʼa ntau anu megolowio mesuamo ri oyota. Tau seʼemo waʼa ntau anu majaʼa engkonya anu mantorobalikomo kono puru ndaya i mPue Ala ri kita, tau seʼe mampepali tempo da mampakaʼosa sawoyo ndayanya. Tau seʼe mancapu i Yesu Kerisitu, kapodo Siranya anu makuasa pai Pueta. Montepuʼu ungka ipiamo lawi huku ntau seʼe roomo ndawati ri Sura Magali.

I Yudas 1:4 Referans Kwoze

Galatia 2:4

Pei tempo etu re’e seja bara sawei mba’a to panipu to siromu sindara-ndara pei kami. Tau etu mampoanika pua’i to samba’a pangaya, pei kamonsonya taa. Naka pei sira siromu sindara-ndara pei kami apa rani mangansani ane kita to samba’a pei i Kerisitu Yesu wimba bara tiroowa mangalulu porenta i Musa, bara tamo. Kamonsonya sira rani mampakasaaka kita mangalulu muni porenta i Musa see kita damawali ewa watua mporenta etu. Pasi sira rani mampakasaaka i Titus darasui.

2 Petrus 2:10

Wali samparia tau to maja’a lengkonya darahuku, taa manto’o tau to mangika lengko ngkatuwu to ojo mangaluluka yau pamporani ngkoro nsira to makarika, pasi tau to taa manga’angga i Pue anu bae kayawaNya. Wali tau to mampotunde anu to taa monso, sira makoje pasi mangei. Pasi sira taa meka manganto’o maja’a tau to bose pangkanya.

1 Yohanes 2:22

Wali ane mangkonong wuti, sema kamonsonya to mawuti? Etu semo tau to manganto'o, "I Yesu, Ia si'a i Kerisitu, Makole Parajanji i mPue Allah." Wali tau to ewa wetu gombonya, tau etu semo bali i ngKerisitu apa ia mampobo'o i Pue Allah, Pa'a ngkita, pasi AnaNya.

1 Petrus 2:16

Wali si’a batuanginya kita watua mpomarenta. Kamonsonya kita masanang apa kita taa napowatua ntau. Wali ika lengko ngkatuwu to masipato naika ntau to si’a watua nsa’e. Pei ne’e mampobuuka, “Kami si’a watua nsa’e, wali taa mawei nempo kami mangika palaong to maja’a.” Wali to tao-tao komi ne’e mampobuuka ewa wetu apa komi nempo si’a watua ntau, pei komi to papolaong i mPue Allah. Wali to tao-tao komi mampobuuka, “Kami damangika lengko ngkatuwu to masipato naika nto papolaong i mPue Allah.”

1 Petrus 2:8

Pasi sira mangabanang seja gombo to ratulis yami to manganto’o, “Etu semo watu to nakatisumpul ntau, pasi watu to bae to nakatirombi nsira etu naka pei sira tisiba yau.” Wali etu semo gombo to nabanang ntau to taa mangaya. Sira taa mampalaika tuntu i mPue Allah, see naka sira rato’oka tisumpul. Apa etu semo songka to naika yami i mPue Allah resi sira to taa mangaya.

2 Timotius 3:6

Apa ri oyo ntau etu, re’e tau to mampotundeka anu to taa monso, tau etu biasa mangantipu tau panewa masua ri raya banua ntau etu. Roo see sira mangakal tau we’a to taa bae karoso ndayanya see tau we’a etu mangaluluka yau anu to napotundeka nsira etu. Tau we’a etu sira masusa mampobuuka dosa nsira to malagi kojo, pasi sira ojo mangaluluka yau pamporani ndaya nsira to mpangaya-ngaya.

Galatia 5:13

Wali a’i-a’i, naka pei komi napokio i mPue Allah see komi seja daralapa yako ri ara ngkuasa mporenta i Musa. Pei nempo kita ralapa, si’a batuanginya kita maya mangaluluka yau muni pampobuuka ngkita to masae. Wali ne’e kita mangika ewa wetu. To tao-tao, anu kita masisawang apa saba kita masiporayang.

2 Petrus 3:7

Wali ewa wetu seja ri tempo si’i ane mangkonong parajanji to manganto’o Ia tiroo damangahuku to lino. Apa ojo kuasa nu gombo i mPue Allah semo to manta’amaka huku to damawali ri yangi pasi ri lino si’i. Pei monso pu’u Ia damampakaja’aka yau samparia to etu. Pei tempo etu si’amo ue to Ia damangampake, apu semo. Wali ane ratamo temponya tau to bo’onya mampatimonso Ia darabotus pasi darapakaja’aka yau, tempo etu panewa yangi pasi lino si’i damosi yau. Pei tau to bampokore bo’onya mampobuuka palaong to etu.

I Yudas 1:15

Ia ma’i damangahuku samparia tau to maja’a, pasi damanganto’o sala ntau to baliNya apa saba lengko to naika nsira to taa singkonong pei Ia. Lengko to naika nsira etu sira mangika ojo mangewa i Pue Allah. Pasi ia damangahuku seja baliNya to madosa apa saba gombo nsira to manganto’o maja’a Ia.

1 Petrus 4:18

Wali kono kojo gombo to ratulis ri raya ntuntu i mPue Allah, to manganto’o, “Sakowa tau to lengkonya singkonong pei i Pue Allah masesa nepenya panewa rapalaes. Wali ane ewa see, mapari wo’u huku to danarata ntau to mangewa i Pue Allah pasi to madosa.” (Amsal 11:31) Etu semo to nato’o ntuntu i mPue Allah.

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

Palaong mPomakau i mPue Yesu 15:24

Wali naka pei kami mangantulisika komi sura si’i apa kami mangandonge re’e sawei mba’a tau yako resi kami to rata resi komi seore. Tau etu gombonya ojo mampakasusa raya ngkomi pasi pampobuuka ngkomi. Wali kami rani mampakanasaka komi si’a kami nangampokau tau etu yau resi komi mangika palaong to etu.

Palaong mPomakau i mPue Yesu 11:23

Ojo karata i Barnabas nja’u Antiokhia, ia masanang kojo mangkita kanoto i mPue Allah resi tau etu. Ia mampakaroso raya nsira pasi manganto’oka sira, “Nempo kesaa to mawali resi komi, ne’e rapandooka yau mangaluluka i Pue.”

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Matius 13:25

Pei roo see, tempo tau yore ri raya mburi, ma’i bali nto panawu etu. Balinya etu mangansawu wua nu lee ri oyo mpae to nasawu nto panawu etu. Roo see balinya etu miyai muni yako nja’u ria.

Pangkita 15:4

Samparia tau dameka resi Komi i Pue, pasi samparia tau mangabarong keyawa nsangaMu. Apa ojo Komi semo to tare dosaMu. Wali samparia to lino dama’i damampue mampakabae Komi apa roomo rapaponsanika resi kami samparia palaong ngKomi paka singkonong kojo ewa anu to Komi room manganto’o.”

1 Timotius 5:8

Pei ane re’e tau to taa mampiara tau balu to masipato ia semo mampiara, taa manto’o ane tau to maroo ri banuanya, tau etu ojo mamposapuka pangayanya. Tau etu to ja’a-ja’a lengkonya pei tau to taa mangaya.

2 Timotius 2:12

Pasi ane kita mangainsoka ri raya ngkasesa, kita seja damaporenta sindara-ndara pei Ia. Pei ane kita mamposapuka Ia, Ia seja damamposapuka kita.

2 Petrus 2:7

Pei i Lot napalaes i mPue Allah tempo etu apa ia tau to lengkonya singkonong pei i Pue Allah. Pasi ia masusa rayanya mangkita lengko ngkatuwu to masipato rapokea to naika ntau to maja’a nja’u lipu etu.

I Yudas 1:18

Sira re’e manganto’oka komi seore, to’onya, “Ane mosumo rata ri kapuranya temponya to si’i, tempo etu dare’e tau to bampokore. Tau etu ojo mangaluluka yau pamporani ndaya nsira to taa singkonong pei i Pue Allah.”