I Yudas 1:1 - Tuntu i mPue ri Basa Taa

¹ Sura si’i yako resi aku, i Yudas. Aku semo to papolaong i Yesu Kerisitu pasi tua’i i Yakobus. Wali aku mangantulis sura si’i resi komi to napokio seja mPue Allah, to naporayang i mPue Allah, Pa’a, pasi to nararamaka i Yesu Kerisitu.

Sura Magali Nuntu Ngkatuwu

¹ Ee waʼa ngkasangkompo anu roo ndapeboo pai anu maʼai ndapampotowe i mPue Ala Papa pai anu ndakariani tila i Yesu Kerisitu, ewa sambaʼa watua i Yesu Kerisitu, yaku – i Yudasi – kasangkompo i Yakobu,

I Yudas 1:1 Referans Kwoze

1 Petrus 1:5

Wali apa saba pangaya ngkita, see naka kuasa i mPue Allah mangararamaka kita sampe rata temponya Ia damampalaes kita yako ri lino madosa si’i. Wali songka i mPue Allah damampalaes kita etu, songka etu darapapokitaka ane temponya mosumo danakarata i mPue. Wali masipato kita mangabarong i Pue Allah.

1 Tesalonika 5:23

Wali kami makai-kai resi i Pue Allah to mangawaika kita kasanang see Ia mampasilonga komi see kanjo’u-njo’u kaboro-boros komi mangika lengko to masipato naika ntau to Ia Puenya. Pasi kami makai-kai seja see Ia mangararamaka komi see tonii ngkomi, raya ngkomi, pasi koro ngkomi, samparia paka tare to maya rato’o sala ane ratamo temponya danakama’i i Yesu Kerisitu, Pue ngkita.

2 Timotius 1:9

Apa Ia semo to room mangampalaes kita. Pasi Ia room mampokio kita mawali tau to Ia Puenya, to mangika palaongiNya. Si’a yako palaong ngkita to matao naka pei Ia mangampalaes pasi mampokio kita. Naka pei Ia mangika palaong etu apa saba kanotoNya pasi apa singkonong pei songka to si Ia. Apa yako tempo owi, tempo lino si’i tawa rapapowali, i Pue Allah mansongka damampaponsanika kita kanotoNya apa saba kita samba’a pei i Kerisitu Yesu.

Yohanes 14:22

Wali yako etu i Yudas, to si’a i Yudas Iskariot, ia manganto’o, “Pue, maka pei Komi damampakanasaka kami mangkonong koroMu, pei taa damampakanasaka to lino to boros?”

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Roma 1:1

Sura si’i yako resi aku, i Paulus. Aku semo to papolaong i ngKerisitu Yesu. Ia nangampilis aku mawali pomakaunya pasi Ia seja nangokotaka aku mangangkenika tau kareba matao yako resi i Pue Allah.

Yohanes 17:15

Wali Aku makai-kai resi Komi si’a marapi see Komi damangkeni yau sira yako ri lino si’i. Aku ojo marapi see Komi damangararamaka sira naka ne’e sira dananangi i maja’a, etu semo i Kepala nto pantipu.

2 Petrus 1:1

Sura si’i yako resi aku, i Simon Petrus. Aku to papolaong i Yesu Kerisitu pasi pomakauNya seja. Wali aku mangantulisika komi to yunu mami to mangaya seja anu to monso mangkonong i Yesu Kerisitu. I Yesu Kerisitu, Ia semo Allah ngkita pasi to Pansompo ngkita. Pasi Ia sangkani mangika anu to singkonong pei i Pue Allah. Wali see naka kita mangaya Ia. Pasi pangaya ngkomi resi Ia etu sewaju ewa pangaya mami to bae kojo batuanginya resi kami.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

1 Petrus 1:2

Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

Yakobus 1:1

Sura si’i yako resi aku, i Yakobus. Aku to papolaong i mPue Allah pasi i mPue Yesu Kerisitu. Wali aku mangantulis sura si’i resi wiyaa i Israel to sampuyu pei dua suku to tiga’as yau njo’u sambawo lino. Wali aku taa mangkalingan komi.

2 Timotius 4:18

Wali Ia damangalapa seja aku yako samparia anu to maja’a. Pasi Ia damampalaes aku see aku damasua ri raya ngkasanang ndate saruga. Ndate ria Ia semo Makole. Wali anu kita mangabarong Ia rataka ri singkasaenya. Amin.

1 Tesalonika 2:12

see komi damangika lengko ngkatuwu to singkonong pei i Pue Allah. Apa Ia roomo mampokio komi damawali seja tau to Ia Makolenya pasi to mangarata seja kayawaNya.

Epesus 5:26

Naka pei Ia mangkapateka kita see kita damawali i Pue Allah puenya. Pasi ia mampakayongongika raya ngkita yako dosanta. Anu to Ia mangampake mampakayongongika raya ngkita, etu semo tuntuNya anu raporapaka ewa ue to rapake mangariu tau.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

1 Korintus 1:2

Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.

Roma 16:18

Apa tau to ewa wetu taa kojo mangika palaong i ngKerisitu, Pue ngkita. Sira ojo mangika palaong to mangabanang pamporani ndaya nsira semo. Pasi sira mangampake gombo to magaya pasi to mangamomis raya ntau see mangantipu tau to taa pande mampasisala anu to monso pasi to taa monso.

Roma 9:24

Wali kita semo to damangarata kayawaNya etu, apa Ia roomo mampokio kita. Pei Ia si’a ojo mampokio tau yako ri oyo nto Yahudi, Ia mampokio seja tau to yako ri oyo ntau to si’a to Yahudi.

Palaong mPomakau i mPue Yesu 27:23

Naka pei kunsani palaong to damawali etu apa ri raya mburi rata samba’a pomakau i mPue Allah yako ri saruga. I Pue Allah etu, Ia semo Puengku pasi Ia semo to kupampue mampakabae. Wali Ia mampokau pomakauNya etu ma’i makore ri awengku.

Lukas 6:16

Pasi re’e seja i Yudas, ana i Yakobus pasi Yudas Iskariot to mamposora yau i Yesu resi baliNya.

Palaong mPomakau i mPue Yesu 20:32

Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

Palaong mPomakau i mPue Yesu 1:13

Wali tempo sira rata muni nja’u Yerusalem, sira mangampago banua to nakaroos nsira ri rayanya mangampeas sora to naparajanjika i mPue Allah, singkonong ewa to nato’oka i Yesu sira etu. Nja’u banua etu re’e wo’u songi to kadua ntampenya wali sira mapone ndate ria pasi siromu ndate ria semo. Sanga nsira to siromu etu i Petrus, i Yohanes, i Yakobus, i Andreas, i Pilipus, i Tomas, i Bartolomeus, i Matius, pasi re’e wo’u i Yakobus, ana i Alpeus, i Simon to mangangewa to Roma to mangamporentang to Yahudi, pasi i Yudas, ana i Yakobus.

Yohanes 17:19

Wali Aku rani mangansawang sira, see naka Aku damangawaika korongKu damangkapateka sira. Aku mangika ewa wetu see sira maya seja mawali tau to rani mampolaika tuntu ngKomi anu to monso.” Wali etu semo gombo i Yesu mampokai-kaika anaguruNya.

Yohanes 17:17

Wali Pa’angKu, pake tuntuMu mangampotundeka sira apa tuntuMu etu, etu semo anu to monso. Wali ane sira rapotundeka anu to monso etu, sira damawali tau to rani mampolaika songka ngKomi.

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

Yohanes 12:26

Wali tau, nempo to Yahudi pasiwa tau to si’a to Yahudi etu, ane rani mawali to papolaongingKu, tau etu taa maya taa damangalulu Aku see nempo imbare Aku re’e, nja’u seja ia. Wali i sema tau to mawali to papolaongingKu, tau etu dana’angga mPa’angKu.”

Yohanes 6:39

Wali pamporani mPa’angKu to nampokau Aku, etu semo Ia rani Aku mangararamaka kojo samparia tau to isarumakakaNya resi Aku, see samparia sira darapalaes. Kasimbalinya yako etu, Ia rani Aku mangawangu muni samparia tau etu yako ri kapatenya ane rata ri kapuranya temponya to si’i. Apa ane ewa pamporani to si Ia, etu semo samparia tau to mangansani i sema kamonsonya Aku to AnaNya, pasi to mangaya Aku, tau etu damangarata katuwu to singkasaenya.”

Markus 3:18

Panewa re’e wo’u i Andreas, Pilipus, Bartolomeus, Matius, Tomas pasi Yakobus. I Yakobus etu ia ana i Alpeus. Panewa re’e seja i Tadeus pasi i Simon. I Simon ia tau to seore nangewa to Roma to mamporentang to Yahudi. Pasi re’e seja Yudas Iskariot to mamposora yau i Yesu resi baliNya. Wali tau to sampuyu pei dua etu napilis i Yesu mawali anaguruNya.

Matius 10:3

Panewa re’e wo’u i Pilipus sira dua Bartolomeus, i Tomas, pasi aku, i Matius, to seore to pantagi asele. Pasi re’e wo’u i Yakobus, ana i Alpeus, pasi re’e seja i Tadeus.

Matius 13:55

Tau si’i ojo ana ntau to mampasilonga kaju. Sanga nu indoNya i Maria, pasi tua’iNya i Yakobus, i Yusup, i Simon pasi i Yudas.

Markus 6:3

Ngkai si’i ojo tau to mampasilonga kaju, ana i Maria. Ia tukaka Yakobus, i Yoses, i Yudas pasi i Simon. Pasi re’e seja tua’iNya to we’a sira maroo rire.” Wali tau boros etu sira taa mangaya i Yesu Ia to pantuntu tuntu i mPue Allah apa sira mampobuuka Ia ojo tau biasa semo.

Roma 1:6

Wali komi to Roma, komi semo sangga’a tau to si’a to Yahudi to kami mampotundeka etu, wali komi seja nawaika i mPue Allah jaya see maya mangaya pei mawali i Yesu Kerisitu puenya.

I Yudas 1:3

Wali a’i-a’i to kuporayang, aku re’e mansongka mangantulisika komi sura mangkonong samparia to nawaika i mPue Allah kita tempo Ia mampalaes kita. Wali tongo-tongonya aku mansongka damangantulis sura to ewa wetu, aku mangepe taa maya taa mangantulisika komi sura to mangawaika komi paposia. Etu semo see komi mampoewaka anu to kita mangaya to nasarumakaka i mPue Allah kita to Ia Puenya. Ia sangkanija mangawaika kita pangaya etu see kita mangajagai rataka ri singkasaenya.

I Yudas 1:21

Pasi anu kita sangkani mampobuu-buuka pamporayang i mPue Allah. Pobuuka pamporayangiNya etu ri rayanya kita mangampeas temponya i Yesu Kerisitu, Pue ngkita, damangkeni kita ri katuwu to singkasaenya. Ia damangika ewa see apa saba pamporayangiNya etu.