Ibrani 9:9 - Tuntu i mPue ri Basa Taa

⁹ Wali samparia palaong etu ewa tondong to napake i mPue Allah ri tempo etu apa tawa temponya Ia mangika jaya to monso. Wali sora pasi pampue to napampueka ntau tempo etu resi i Pue Allah taa nakoto mampakayongo raya nsira to mangkeni. Wali see naka sira tiroo mangepe sala ri tango i mPue Allah.

Sura Magali Nuntu Ngkatuwu

⁹ Inceʼe ndapaporapaka tempo wawaseʼi; posokinya waʼa mpinatuwu anu ndapanyombaka ri Pue Ala, bareʼe nakoto mampatimamasi raya ntau anu mangkeni panyomba.

Ibrani 9:9 Referans Kwoze

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

Ibrani 5:1

Wali samparia tau to rato’oka to pampue to bae angganya, tau etu to lino semo to rapilis, panewa rapakatantuka mangika palaong i mPue. Wali ia mampotango i Pue Allah mangamponsaruka yununya anu to lino etu. Ia mampampueka resi i Pue Allah sora pasi pampue to nakeni ntau etu see dosa nsira tamo darakitanaka.

Roma 5:14

Pei nempo ewa wetu, yako ri tempo i Adam rataka ri tempo i Musa samparia tau paka re’e ri ara ngkuasa ngkapate. Nempo tau to dosanya si’a ewa dosa to naika i Adam, sira samparia namate yaumo. Wali i Adam etu maya rapasiwajuka ewa tau to ma’i ri payunya, etu semo i Yesu Kerisitu, apa sira dua paka mangika palaong to re’e batuanginya resi to lino samparia.

Ibrani 11:19

Apa ia mampobuuka, “Nempo aku mampampueka yau anangku, i Pue Allah re’e kuasa mangawangu muni ia yako ri kapatenya.” Wali see naka i Abraham raporapaka ewa mangantima muni i Ishak yako ri kapatenya.

Ibrani 10:11

Wali to pampue nu agama nto Yahudi, ponto-ponto eo sira samparia makore mangangika palaong nsira. Pasi ponto-ponto eo sira mampampueka pampue to sewaju-waju, pei pampue to etu taa nakoto mampalasi yau dosa ntau.

Ibrani 9:24

Apa i Kerisitu Ia taa masua ri raya ntenda i mPue Allah to naika nto lino pasi to ojo ewa tondong ntenda to monso. Ia masua ri raya nsaruga semo, pasi tempo si’i Ia mamponsaruka kita ri tango i mPue Allah.

Ibrani 7:11

Wali porenta i Musa to rawaika resi to Yahudi, porenta etu taa maya maga’a yako ri palaong ntau to wiyaa i Lewi. Pei palaong nto pampue etu taa gana damangika see tau mawali masilonga ri pangkita i mPue Allah. Apa ane gana palaong nsira, tamo re’e batuanginya pasuwu nto pampue to yusa. Pei taa kojo gana palaong nsira, see naka masuwu to pampue to mangabolos sira. Wali ane to pampue to wiyaa i Lewi rabolosika to pampue to yusa, ane ewa see, taa maya taa porenta i Musa rabolosika seja porenta to yusa. Apa to pampue to mangabolos wiyaa i Lewi, ia taa sewaju pangkaNya pei pangka i Harun to nato’o mporenta i Musa. Ia sewaju pei i Melkisedek semo.

Galatia 3:21

Wali wimba, porenta i Musa bara mangewa parajanji i mPue Allah? Taa kojo! Apa parajanji i mPue Allah pasi porenta i Musa wungka yusa batuanginya. Naka pei re’e parajanji i mPue Allah see tau maya mangarata katuwu. Apa ane bara re’e porenta to maya mangawaika katuwu resi tau to mangalulu, ane ewa see porenta etu semo to maya mawali jaya see kita danato’o i mPue Allah tare dosanta.

Ibrani 8:4

Pei ane Ia tiroowa maroo ri lino, Ia taa maya rato’oka to pampue, apa re’emo to pampue ri lino to mampampueka sora singkonong pei porenta i Musa. Pei to pampue to bou etu, Ia mangkeni pampueNya ri saruga.