Ibrani 9:26 - Tuntu i mPue ri Basa Taa

²⁶ Apa ane ewa see, Ia taa maya taa mandudu ngkani mangarata kasesa yako ri tempo pangampapowali lino si’i. Pei si’a ewa see, apa Ia masuwumo ri tempo si’i, to mosumo kapuranya temponya to si’i. Wali Ia mampampueka koroNya see dosa rapakapura kuasanya, pasi palaong etu tamo parluu raika wo’u kadua ngkaninya.

Sura Magali Nuntu Ngkatuwu

²⁶ Maka ane ewanceʼe, posokinya ungka ri pampapewali lino seʼi, da papongkani-ngkanimo maepe pejeani. Paikanya katongawanya, ri tempo-tempo ngkapusanya seʼi, Sira rata sangkanija maʼi mancompo salaata mampoliu pampanyombaka koro-A ngkalio-A.

Ibrani 9:26 Referans Kwoze

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.

Ibrani 9:12

Wali tempo i Kerisitu masua ri raya ntenda i mPue Allah etu, Ia taa masua mangangkeni raa nu bembe pongka pasi raa nu ana nsapi. Tempo Ia masua ri raya nsongi to mapasing kojo etu, Ia sangkanija masua mangangkeni raa to si Ia semo. Pasi tempo Ia masua etu Ia roomo mangoli kita pei mangalapa kita yako ri huku nu dosa rataka ri singkasaenya.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Ibrani 10:4

Apa si’a yako ri raa nu nsapi to pongka pasi raa nu bembe to pongka naka pei dosa ntau rapalasi yau.

Ibrani 7:27

Ia si’a ewa to pampue to bae angganya to yusa. Apa ane sira, sira tau madosa see naka sira taa maya taa ponto eo mangangkeni pampue pei mampampueka see i Pue Allah tamo damangkitanaka dosa nsira, panewa roo see mampampueka wo’u pampue to nakeni nsa’e see dosa ntau etu tamo seja darakitanaka. Pei i Yesu tare dosaNya see naka Ia ojo mangkeni samba’a pampue, etu semo koroNya. Pasi Ia ojo sangkani mampampueka pampue etu mangansompo dosa nto lino samparia. Pasi pampue to etu ganamo rataka ri singkasaenya.

1 Yohanes 3:5

Pei kita mangansani naka pei i Kerisitu rapapokitaka resi to lino seore damampalasi yau samparia dosanta. Naka pei Ia nakurang mampalasi yau dosa ngkita apa Ia taa kojo re'e dosaNya.

Ibrani 10:12

Pei i Kerisitu ojo sangkanija mampampueka koroNya damangansompo dosa ntau, pasi palaong to nikaNya etu tamo parluu danaika wo’u kadua ngkaninya. Wali ojo karoonya Ia mangika palaong to etu Ia yau nto’u saruga pei matunda ri awe i mPue Allah ri tondo ngkana.

Ibrani 10:10

Wali i Yesu Kerisitu mampolaika pamporani i mPue Allah, pasi mampampueka koroNya resi Ia. Wali yako palaong to i Yesu Kerisitu sangkanija mangika etu, see naka kita mawali i Pue Allah Puenya. Pasi palaong etu tamo parluu raika wo’u kadua ngkaninya.

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

1 Petrus 2:24

Wali i Kerisitu etu, Ia semo to mangkeni dosa ngkita ri koroNya tempo Ia rapaku ri kaju pasape. Pasi yako wela-wela to narata i ngKerisitu seore, see naka kita rapakatao. Ewa wetu inikaNya see kita maya mawali ewa tau mate to tamo nakuasang nu dosa. Pasi Ia mangika palaong etu see kita maya tuwu damangika lengko to singkonong pei i Pue Allah.

Pangkita 17:8

Wali binatang to nukita etu, ia tuwu tempo ruyu pei si’i-si’i ia tamo tuwu. Pei ia damasuwumo yako la’u wayau to taa ransani ungka ngkayombunya panewa yako etu ia darapakaja’aka. Wali to lino to tare sanganya ratulis nja’u raya buku ngkatuwu to yako ri tempo lino rapapowali, sira daipu rayanya mangkita binatang etu. Naka pei ipu raya nsira mangkita, apa ia tuwu tempo ruyu, pasi roo see ia tamo tuwu, panewa roo see ia damasuwu muni. See naka tau ipu rayanya.

Ibrani 4:3

Wali kita to mangaya semo to maya mangarata kasanang resi i Pue Allah etu. Ane tau to taa mangaya, sira taa nabiaka i mPue Allah mangarata, ewa to Ia room manganto’o, to’oNya, “Aku maja’a kojo rayangKu resi sira, see naka Aku mamparajanjika, manganto’o, ‘Sira taa kojo damasua ri tampa rapandoo sindara pei Aku.’” (Masmur 95:11) Wali ewa wetu nato’o i mPue Allah, nempo si’a ewa wetu songkaNya to yako ri pomulanya. Apa ojo karoonya Ia mampapowali lino Ia re’e mandoo apa samparia palaongiNya room. Pasi yako ri tempo etu Ia re’e songka rani mangawaika to lino kasanang ndaya to raporapaka ewa masua ri tampa rapandoo sindara-ndara pei Ia.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Epesus 1:10

Wali songka i mPue Allah, etu semo ane ratamo temponya to room napakatantu, Ia damampasiromunaka samparia anu to re’e ndate saruga pasi to re’e ri lino. Pasi samparia anu to rapasiromunaka etu paka i Kerisitu, Makole parajanji i mPue Allah, damangkuasang.

1 Korintus 10:11

Wali naka pei samparia palaong etu mawali resi sira see damawali tondong resi kita. Pasi samparia palaong etu ratulis see mawali patiendo resi kita to tuwu ri tempo to mosumo kapuranya temponya to si’i.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Ibrani 10:26

Apa ane kita roomo mandonge kareba to monso to yako resi i Pue Yesu pasi manasamo kareba etu, pei roo see kita mamporayaka mampobo’o i Pue, tare jaya to yusa darapalaes apa tare pampue to damangabayar dosa ngkita.

Galatia 4:1

Wali ewa si’i batuanginya gombongku mangkonong porenta i Musa, rapanya ana to langkai to damangarata panta mpa’anya. Ana etu nempo ia semo damangarata samparia to re’e resi pa’anya, pei ane ia damangurawa ia sewaju angganya pei to papolaong mpa’anya etu.

Yohanes 17:24

“Wali Pa’angKu, ane mangkonong tau to nusarumakaka ngKomi resi Aku, Aku rani sira siwaka pei Aku ri tampa daKukaroo. Aku rani ewa wetu see sira maya damangkita angga pasi kayawa to nawaika ngKomi Aku re’e katawanya lino rapapowali. Naka pei Komi mangawaika Aku angga pasi kayawa etu apa saba Komi mamporayang Aku.

Yohanes 1:29

Wali yako etu, ojo kaeonya wo’u rao i Yohanes mangkita i Yesu ma’i mangampago ia. Wali ia mangansani i Yesu semo to damawali pampue nu dosa ewa ana nu domba to napampueka ntau resi i Pue Allah ane sira mangika dosa. Wali see naka ia manganto’oka tau boros, “Lo’aja tau etu! Ia semo Ana nu Domba to nawai i mPue Allah, Ia ma’i damangansompo dosa nto lino!

Matius 13:40

“Wali ewa lee to raporomung pei ratunu yau ri apu, ewa see seja palaong to damawali ri temponya danakarata i mPue damangahuku tau to taa mangaya Ia.

1 Petrus 4:7

Wali samparia anu to mawali ri lino si’i mosumo temponya daroo. Wali see naka to tao-tao komi masilonga pampobuuka ngkomi pasi ta’amaka rayamu see komi makoro makai-kai resi i Pue Allah.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.