Ibrani 9:24 - Tuntu i mPue ri Basa Taa

²⁴ Apa i Kerisitu Ia taa masua ri raya ntenda i mPue Allah to naika nto lino pasi to ojo ewa tondong ntenda to monso. Ia masua ri raya nsaruga semo, pasi tempo si’i Ia mamponsaruka kita ri tango i mPue Allah.

Sura Magali Nuntu Ngkatuwu

²⁴ Maka i Kerisitu bareʼe mesua ri Lincu Magali anu napowia ntolino, anu podo mampapolimbayo Lincu Magali anu monco-monco kojo. I Kerisitu mesua ri suruga, njairia Sira wawaseʼi mancuara i Pue Ala tila ngkatesorepakata.

Ibrani 9:24 Referans Kwoze

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Ibrani 9:23

Wali tenda i mPue Allah to ri lino si’i pasi samparia ngaya-ngaya to rapake nja’u ria, anu to etu ewa ta’anya anu to ndate-ndate saruga. Pasi ane tenda pasi ngaya-ngaya to ri lino tempo etu, samparia to etu taa maya taa rapakayongo mangampake raa mpampue to room rapakanasaka etu. Pei ane tenda i mPue Allah pasi ngaya-ngaya to ndate saruga, pampue to rapake ndate ria, pampue etu semo to tao-tao pei pampue to rapake mampakayongo anu to ri lino si’i.

Ibrani 8:2

Pasi Ia to pampue to mapalaong nja’u raya nsongi to mapasing kojo to ndate saruga pasi ri raya ntenda i mPue Allah to nawangu i mPue Allah, si’a to nawangu nto lino. Wali tenda to nawangu i mPue Allah, etu semo tenda to uyunya kojo re’e.

Yohanes 16:28

Wali monso pu’u Aku ma’i napokau mPa’angKu rata ri lino. Pasi tempo si’i Aku damampiyaikamo lino si’i damawolili muni resi Pa’angKu.”

Kolose 3:2

Wali ne'e sangkani mampobuuka anu to re'e ri lino si'i. Apa komi room namate sindara-ndara pei i Kerisitu, see naka anu to lino si'i tamore batuanginya resi komi. To tao-tao pobuuka kojo anu to ndate saruga etu. Apa komi rawangu muni seja pei mangarata katuwu to bou sindara-ndara pei i Kerisitu pasi komi seja samba'a pei i Pue Allah sewaju ewa Ia. Wali ewa i Kerisitu tawa rakita ri tempo si'i, ewa see seja katuwu ngkomi to bou tawa seja rakita.

Roma 8:33

Wali i sema to maya manganto’o kita to napilis i mPue Allah sala? Kamonsonya tare to maya apa i Pue Allah semo to manganto’o kita tare dosanta.

Palaong mPomakau i mPue Yesu 3:21

Wali tempo si’i i Yesu ndatewa ndate saruga. Pasi matantu kojo Ia damaroo ndate ria sampe rata temponya i Pue Allah damangika samparia damawali bou. Palaong etu semo to room nato’oka yami nto pantuntu tuntu to Ia puenya tempo owi.

Lukas 24:51

Tongo-tongonya Ia makai-kai etu, Ia mampiyaika sira, Ia tiokotakamo nto’u saruga.

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Markus 14:58

“Kami re’e mangandonge ngkai si’i manganto’o, ‘Aku damampakaja’aka yau banua i mPue Allah to naika ntau si’i, pei ri rayanya togo mbengi Aku damangawangu muni wo’u samba’a banua to si’a naika ntau.’” Ewa wetu nato’o ntau mampakasala i Yesu.

Pangkita 8:3

Panewa ma’i wo’u samba’a pomakau i mPue Allah, ia ma’i makore ri awe mpalampa. Pomakau etu mangkongko yama weyawa to rapangantunu kemenyan. Wali ia rawaika kemenyan to bae. Kemenyan etu daragaloka pakai-kai ntau samparia to i Pue Allah Puenya, panewa kemenyan to sigalo pakai-kai etu darapampueka resi i Pue Allah ri wawo mpalampa weyawa to ri tango nggadera Makole.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Ibrani 9:9

Wali samparia palaong etu ewa tondong to napake i mPue Allah ri tempo etu apa tawa temponya Ia mangika jaya to monso. Wali sora pasi pampue to napampueka ntau tempo etu resi i Pue Allah taa nakoto mampakayongo raya nsira to mangkeni. Wali see naka sira tiroo mangepe sala ri tango i mPue Allah.

Ibrani 8:5

Wali to pampue to wiyaa i Lewi, sira mapalaong nja’u raya ntenda i mPue Allah to raika ewa ta’anya pasi ewa sonto ntenda i mPue Allah to ndate saruga. Wali see naka tempo i Musa damangawangu tenda i mPue Allah tempo owi, tempo etu i Pue Allah mampatiendoka ia, to’oNya, “Ne’e kalingan! Ika samparia etu mangalulu kojo sonto to rapaporaoka korom ndate rapa ntongku.” (Posuwunya 25:40) Etu semo gombo i mPue Allah resi i Musa. Wali to pampue mangika palaong nsira ri raya ntenda etu.

Ibrani 6:20

I Yesu roomo mampatiruyu pei kita masua ri raya songi etu. Pasi Ia mamponsaruka kita apa Ia mawalimo to pampue to bae anggaNya, sewaju ewa i Melkisedek tempo owi.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Yohanes 6:62

Ane sakowa to etu masuli resi komi, taa manto’o ane ratamo temponya komi mangkita Aku, Wiyaa nto Lino, mawolili muni nto’u wakangKu ri saruga!

Masmur 68:18

Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Matius 18:10

Wali yako etu i Yesu manganto’o, “Re’e tau to manganto’o ane tau to ewa ana kodi si’i, tau etu tare batuanginya. Wali jagai kojo naka ne’e komi mampobuuka seja ewa wetu. Apa Aku manganto’oka komi, kamonsonya bae kojo batuanginya tau to ewa ana kodi si’i, see naka re’e pomakau i mPue Allah yako ndate saruga to mangararamaka sira. Wali pomakau to mangararamaka sira etu, pomakau etu sangkani mampotango Pa’angKu ndate saruga. Wali sira mampasimbalika tau to nato’o nsa’e tare batuanginya etu.

2 Korintus 5:1

Wali kami taa mosa mangika palaong i mPue Allah apa kami mangansani koro ngkita raporapaka ewa tenda to napake ngkita ri lino si’i. Wali kami taa mawali mayu’u raya mami apa kami mangansani ane mate yau koro ngkita, ane ewa see, koro ngkita si’i danabolosika i mPue Allah koro to tamo damate. Koro to etu raporapaka ewa banua to singkasaenya to si’a naika nto lino, pei to naika i mPue Allah ndate saruga.

Ibrani 4:14

Wali anu kita mampakaroso pangaya to kita mampongakung, apa kita re’e samba’a to pampue to bae kojo anggaNya. Etu semo i Yesu, Ana i mPue Allah. Ia yau polas nto’u yangi rataka ndate saruga.

Ibrani 9:1

Wali ane ewa parajanji to uyunya, re’e porenta-porenta to nalulu ntau tempo mampue mampakabae i Pue Allah, pasi re’e seja tampa to darapampue to naika nto lino.