Ibrani 9:19 - Tuntu i mPue ri Basa Taa

¹⁹ Apa ojo karoonya i Musa mampakarebaka to Israel samparia porenta i mPue Allah, ia mangoko raa nu ana nsapi pasi raa nu bembe pongka sigalo pei ue. Roo see ia mangoko wo’u sangkongko pinumuya to rato’oka hisop pei manganso’oka wuyu domba to mawaa. Panewa ia mangantuika hisop pasi wuyu domba etu la’u raa to sigalo ue pei mampedasaka ri wawo nu buku rayuyu to nja’u ratulis porenta i mPue Allah pasi mampedasaka seja resi tau boros.

Sura Magali Nuntu Ngkatuwu

¹⁹ Uyu-uyunya i Musa mamparata pura-pura waʼa ncongka setu ri waʼa nto Isaraeli. Roo setu natima i Musa daa ana japi pai daa bimba laki, nagaloka ue, nepa nawebusika Sura Waʼa mPadika anu ungka ri Pue Ala, roo setu nauju ira ncoi pai wuyu bimba mawaa, naome ri daa setu nepa nawebusika waʼa nto Isaraeli.

Ibrani 9:19 Referans Kwoze

Ibrani 9:12

Wali tempo i Kerisitu masua ri raya ntenda i mPue Allah etu, Ia taa masua mangangkeni raa nu bembe pongka pasi raa nu ana nsapi. Tempo Ia masua ri raya nsongi to mapasing kojo etu, Ia sangkanija masua mangangkeni raa to si Ia semo. Pasi tempo Ia masua etu Ia roomo mangoli kita pei mangalapa kita yako ri huku nu dosa rataka ri singkasaenya.

Ibrani 10:4

Apa si’a yako ri raa nu nsapi to pongka pasi raa nu bembe to pongka naka pei dosa ntau rapalasi yau.

1 Petrus 1:2

Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

Yohanes 19:5

Wali i Yesu masuwu. Tempo Ia masuwu etu Ia tiroowa mangampake so’o mbo’o to marui pasi pake to mawaa. Wali i Pilatus rani tau boros mangalapa muni i Yesu, see naka ia manganto’oka sira, “Lo’aja ngkai etu. Ia masiasi kojo!”

Yohanes 19:2

Roo see tentara etu mampokore Ia. Sira mangika so’o mbo’o yako wiyaa to marui panewa mangansompeka ri wo’o i Yesu ewa naika ntau mangansompeka songko makole ri wo’o to si ia. Pasi sira mampaposunsuka Ia pake to mawaa ewa to napake makole.

Markus 15:20

Wali ojo karoonya sira mampokore Ia, sira mangawonsu muni pake to mawaa etu, panewa mampaposunsuka muni Ia pake to si Ia. Roo see sira yau mangkeni Ia darapakumo ri kaju pasape.

Markus 15:17

Yako etu sira mangayali yau pake i Yesu panewa mampaposunsuka wo’u Ia pake to mawaa ewa pake to napake makole. Roo see sira mangikaka i Yesu so’o mbo’o yako wiyaa to marui panewa sira mangansompeka ri wo’o i Yesu ewa naika ntau mangansompeka songko makole ri wo’u to si ia.

Matius 27:28

Sira mangayali yau pake i Yesu panewa mampaposunsuka wo’u Ia pake to mawaa ewa to napake makole.

Posuwunya 12:22

Wali tempo kita mansambale ana nu domba bara ana nu bembe etu, sabo raanya la’u raya nu loya. Roo see panewa oko sangkongko ira ngkaju sanganya hisop pei yo'o ri raa nu binatang etu. Panewa raa etu palasika ri tinja mbombo sambali pei sambali pasi palasika seja ri wawonya wombo etu. Wali yako etu, pasua muni njo’u raya banuamu samba’a pei samba’a pei karoo-roo ri raya banuamu etu rataka eo rao. Ne’e re’e pasi samba’a kita to masuwu yako ri raya banua ri wuri nene si’i,

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Ibrani 1:1

Wali tempo owi i Pue Allah malagi ngkani mampogomboka bue-bue ngkita liu ri nganga nto pantuntu TuntuNya. Pasi mpangaya-ngaya jaya to Ia mangampake mangampogomboka sira etu.

Ibrani 9:13

Wali tau to ri ara mporenta i Musa, ane sira mangika bara kesaa naka pei rato’oka makarika ewa ada mporenta i Musa etu, tau etu rapedasaka raa nu bembe pongka pasi raa nu sapi pongka pasi ue to sigalo awu nu ana nsapi to room ratunju yau. Wali ane ewa porenta, raa pasi awu etu mampakayongo muni koro ntau etu see ia maya mampue mampakabae i Pue Allah apa ia tamo rato’oka makarika.

Ibrani 9:18

Wali ewa see seja parajanji to uyunya naika i mPue Allah. Parajanji etu taa seja re’e batuanginya ane tare raa to rapake. Raa etu mampakanasaka re’e to roomo namate yau.

Ibrani 10:22

See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.