Ibrani 9:15 - Tuntu i mPue ri Basa Taa

¹⁵ Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

Sura Magali Nuntu Ngkatuwu

¹⁵ Inceʼe painaka mampoliu i Kerisitu, i Pue Ala mampareʼe sambaʼa pojanji anu dawoʼu, da naka waʼa ntau anu roo ndapeboo i mPue Ala da mantarima waʼa mpopadonco anu bereʼe kapusanya anu ndajanji i mPue Ala. Pura-pura setu da mewali, maka reʼemo anu mate inceʼemo i Kerisitu, pai kapate-A seʼe malapasaka waʼa ntau ungka ri waʼa ngkasalaa anu nawianaka ntau seʼe ri sindara ntongo ndapakepa pojanji anu kaʼisa.

Ibrani 9:15 Referans Kwoze

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

Ibrani 9:12

Wali tempo i Kerisitu masua ri raya ntenda i mPue Allah etu, Ia taa masua mangangkeni raa nu bembe pongka pasi raa nu ana nsapi. Tempo Ia masua ri raya nsongi to mapasing kojo etu, Ia sangkanija masua mangangkeni raa to si Ia semo. Pasi tempo Ia masua etu Ia roomo mangoli kita pei mangalapa kita yako ri huku nu dosa rataka ri singkasaenya.

Ibrani 10:36

Wali pakabae sabara mangangika pamporani i mPue Allah, see ojo karoonya komi mangika komi damangarata anu to naparajanjika i mPue Allah.

1 Timotius 2:5

Apa ojo samba’aja i Pue Allah pasi ojo samba’aja to mamponsaruka kita to lino resi i Pue Allah. To mamponsaruka kita etu to lino seja, etu semo i Kerisitu Yesu.

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Ibrani 7:22

Wali apa saba parajanji etu, see naka i Yesu semo roomo mawali to mampansaruka to mangabanang parajanji to naika i mPue Allah resi kita. Parajanji to nikaNya resi kita etu to tao-tao wo’u pei parajanji to nikaNya resi to Israel tempo owi.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

Ibrani 13:20

Pasi aku mampokaika komi seja. Aku makai-kai resi i Pue Allah to roomo mangawangu muni i Yesu, Pue ngkita, apa saba raaNya tempo Ia mate. Raa etu tondong parajanji to singkasaenya to naika i mPue Allah. Wali i Yesu mawalimo to Pangkampang to bae anggaNya pasi kita to mangaya raporapaka ewa domba to ikampangiNya. Wali aku makai-kai resi i Pue Allah, pu’u ngkarodo ndaya,

Roma 5:6

Wali kita manasamo si’i-si’i mangkonong pamporayang i mPue Allah resi kita apa i Pue Allah mangampilis temponya, wali rata temponya to ipilisinya etu i Kerisitu mate mangkapateka kita. Tempo Ia mangkapateka kita etu kita taware karosonta pasi kita tiroo bali i mPue Allah.

Ibrani 9:28

Pasi ewa see seja i Kerisitu sangkanija rapampueka resi i Pue Allah damangansompo dosa ntau boros. Pasi darata temponya Ia dama’i kadua ngkaninya. Tempo etu Ia si’a dama’i damangansompo wo’u dosa ntau, pei Ia dama’i resi tau to mangampeas Ia damampalaes sira yako ri kasusa ngkatuwunya ri lino to madosa si’i.

Ibrani 6:13

Wali pobuuka i Abraham. I Pue Allah mangika parajanji resi i Abraham tempo owi. Pasi tempo Ia mangika parajanji etu, Ia mampakatantu kojo parajanjiNya, wali Ia mangampake sanga to si Ia damampakatantu kojo parajanji etu. Apa tare yusa to bae wo’u kuasanya pei i Pue Allah.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Pangkita 5:9

Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

Ibrani 8:13

Wali tempo i Pue Allah manganto’o, “Si’i parajanji to bou,” tempo etu Ia ewa manganto’o parajanji to ruyu masipato rabolos apa masaemo pasi mosumo dapaya yau.

Titus 3:7

Wali i Pue Allah mangawaika kita i Nosa Mapasing see kita maya mangantima katuwu to singkasaenya, to roomo naparajanjika i mPue Allah kita. Kita mangantima katuwu to singkasaenya etu apa i Pue Allah manoto, Ia manganto’o kita tare dosanta.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

2 Timotius 2:10

Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.

Yohanes 10:28

Pasi Aku mangawaika tau etu katuwu to singkasaenya, wali sira taa kojo darapakaja’aka yau. Pasi tare pasi samba’a tau to maya mangoko yau sira yako resi Aku.

Matius 19:29

Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.

1 Yohanes 2:25

Wali parajanji to Ia roomo mamparajanjika kita, etu semo katuwu to singkasaenya, batuanginya kita damaroo masingkatao pei Ia rataka ri singkasaenya.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Yakobus 1:12

Wali masanang tau to mangainsoka tempo mangarata soba. Apa ane ia mangainsoka tempo rasoba ia damangarata katuwu to raporapaka ewa dale to meyawa kojo to rawaika resi tau to manang. Wali katuwu etu roomo naparajanjika i mPue tau to mamporayang Ia.

Ibrani 11:13

Wali i Habel, i Henokh, i Nuh, i Abraham pasi indo nu ana i Abraham, samparia tau to etu paka mangaya i Pue Allah rataka tempo ngkapate nsira. Pasi tempo etu sira tawa mangarata anu to naparajanjika i mPue Allah sira, pei sira ewa mangangkita nja’u longko. Wali taa bata-bata raya nsira, sira masanang kojo. Pasi sira mampongakung ane ri lino si’i sira ojo ewa tau to rata yako lipu to longko pasi ewa tau to maroo ri oyo ntau to yusa.

Roma 6:23

Apa ntanapa ntau mangika dosa, etu semo kapate. Pei sora to yako resi i Pue Allah, etu semo katuwu to singkasaenya. Wali kita maya mangarata sora etu apa saba kita samba’a pei i Kerisitu Yesu, Pue ngkita.

Ibrani 9:16

Wali kita taa maya mangarata rasi etu ane taa mate i Kerisitu. Apa rapanya re’e tau to mangantulis yami sura mparajanji to mampakanasaka pamporaninya mangkonong ewa wimba daraika mangantilaka ngananya panta tempo ia mate yau. Wali sura mparajanji etu tawa re’e batuanginya ane tawa mate tau to mangantulis. Pei ojo kapate yau ntau to mangantulis, panewa bae batuanginya sura etu. Apa ngananya taa mangantima panta to raparajanjika etu ane tawa mate yau tau tu’anya etu.

2 Korintus 3:6

Apa Ia semo to mangawaika kami gana kapande see kami mangkoto mampakarebaka resi sa’e parajanji i mPue Allah to bou. Wali si’amo porenta to natulis i Musa tempo owi to napakarebaka mami. Apa porenta to etu ojo mampakanasaka tau masipato rahuku mate. Pei to kami mampakarebaka, etu semo kareba to yako resi i Nosa Mapasing. Apa i Nosa Mapasing semo to mangawai katuwu.

Roma 9:24

Wali kita semo to damangarata kayawaNya etu, apa Ia roomo mampokio kita. Pei Ia si’a ojo mampokio tau yako ri oyo nto Yahudi, Ia mampokio seja tau to yako ri oyo ntau to si’a to Yahudi.

Roma 5:10

Pasi matantu tempo ruyu kita bali i mPue Allah, pei apa saba kapate nu AnaNya see naka kita rawali see maya masingkatao pei Ia. Wali ane kita roomo masingkatao pei i Pue Allah, wali matantu wo’u saba yako katuwu nu AnaNya see naka kita darapalaes see tamo danahuku i mPue Allah.

Roma 5:8

Pei ane i Pue Allah Ia yusa. Si’a apa saba kita matao naka pei Ia mampaponsanika kita ewa wimba kabaenya pamporayangiNya resi kita. Tempo kita tiroowa tau madosa, tempo etu semo i Kerisitu mangkapateka kita.

Lukas 18:18

Wali yako etu re’e samba’a kepala nto Yahudi to mampotanaka resi i Yesu, ia manganto’o, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Markus 10:17

Wali ojo karoonya i Yesu mampogomboka ngana mayunu etu, Ia polas yako nja’u ria. Pei tempo Ia polas etu re’e samba’a tau maripo mampago Ia. Rata resi i Yesu ia mambokotu ri tangoNya manga’angga Ia. Pasi ia manganto’oka i Yesu, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Matius 25:36

Pasi tempo Aku taa gana pakengKu komi mangawaika Aku pake. Pasi tempo Aku masaki komi mangkampang Aku. Pasi tempo Aku re’e ri raya ntarungku komi yau mayunu resi Aku.’ Wali apa saba ewa wetu nuika ngkomi, see naka komi darawaika rasi. Ewa wetu daKuto’oka tau to ri tondo ngkanangku etu.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

Matius 22:3

Wali makole etu roomo mangadinsi tau boros see sira dama’i mantako. Wali ane ratamo temponya roa, makole etu mampokau to papolaonginya yau damampokio tau to roomo radinsi etu, manganto’oka sira mai mangkoni. Pei tau to radinsi etu bo’onya ma’i.

Lukas 22:20

Pasi ewa see seja tempo sira roomo mangkoni i Yesu mangoko wo’u sangkir to la’u tule anggur. Panewa Ia manganto’o, “Anu to nuinu ngkomi ngena si’i, si’i semo raangKu. Apa Aku damate mangkapateka komi, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino.

Palaong mPomakau i mPue Yesu 20:32

Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

Galatia 3:20

Pei tempo i Pue Allah mangika parajanjiNya resi i Abraham, tempo etu Ia semo to mampogomboka i Abraham. Tare to mamponsaruka wo’u tempo etu apa to mangika parajanji pasi to mangabanang parajanji etu paka i Pue Allah semo.

Ibrani 6:15

Wali yako etu i Abraham bae sabaranya mangampeas panewa ia mangarata anu to naparajanjika i mPue Allah ia etu.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.