Ibrani 8:9 - Tuntu i mPue ri Basa Taa

⁹ Parajanji to daKuika etu si’a ewa parajanji to Aku nangika resi bue-bue nsira tempo owi, tempo Aku mangangkentar sira yako la’u tana Mesir. Apa sira mandoo yau mangika palaong to singkonong pei parajanji etu, wali see naka Aku mangandolika tangongKu yako resi sira.

Sura Magali Nuntu Ngkatuwu

⁹ Banya ewa pojanji anu Kupareʼe pai tau piamo ntau seʼe ri tempo Kupamponinika tau seʼe mesuwu ungka ri tana Masiri. Tau seʼe bareʼe todo ri pojanji anu Kupareʼe pai tau seʼe, inceʼe puʼunya painaka bareʼemo da Kupeeli tau seʼe.

Ibrani 8:9 Referans Kwoze

Galatia 4:24

Wali palaong to etu maya mawali tondong resi kita. Apa tau we’a to dua etu sira mawali tondong parajanji i mPue Allah to dua ngaya. Wali i Hagar ia watua, pasi ia tondong samba’a parajanji i mPue Allah, etu semo porenta to Ia mangawaika i Musa ndate Tongku Sinai. Pasi tau to ri ara mporenta to etu, sira raporapaka ewa watua sewaju pei i Hagar pasi ananya.

Markus 8:23

Wali i Yesu mangkongko pale ntau buta etu pei mangkentar ia njo’u sambali ngkota etu. Rata nja’u ria Ia mangerus mata ntau etu pei mampotaka. Panewa Ia mampotanaka, “Wimba, nukitamo ngkorom bara kesaanya?”

Palaong mPomakau i mPue Yesu 13:11

Wali si’i-si’i i Pue damangahuku korom. Wali korom darapakabuta yau, pasi korom tamo damangkita pasiwa kareme nu eo sampe rata temponya to napilis i mPue.” Wali ojo karoonya i Paulus magombo etu, i Elimas ia mansaka mangepe anu to ewa limu mopu to meta kojo mangabombong matanya. Wali see naka ia mula mangararo-raro mpangkewaka mangaliwu tau to damangangkentar ia.

Palaong mPomakau i mPue Yesu 9:8

Wali yako etu i Saulus makore. Tempo ia makore etu ia mangaloka matanya pei tamo mangkita rao. Wali yununya sira jamo mangkentar ia masua ri kota Damsyik.

Pomulanya 19:16

Pei i Lot tiroo bata-bata rayanya see naka ia taa mansaka miyai. Wali apa saba i Pue Yawe mamporayang i Lot, see naka pomakau to dua etu mangoko palenya, pasi mangoko seja pale nu indo nu ana i Lot pasi pale nu ngananya dua etu, panewa mangangkentar sira opo see sira miyai yako ri kota etu.

Posuwunya 32:8

Sira roomo mangandolika tangonya yako porentangKu, pei mampue wo’u anu to naika nsira yako weyawa to ta’anya ewa ana nsapi to pongka. Wali sira re’e madungku yau ri tango nu ana nsapi etu pei mansambale yau binatang mangika pampue mampakabae ana nsapi etu. Sira manganto’o, ‘Si’i semo pue ngkita to Israel to nangkeni yau kita yako la’u tana Mesir.’ Etu semo palaong to maja’a to naika nu yunu ngkorom ri tempo si’i.”

Palaong mPomakau i mPue Yesu 7:36

Wali i Musa ia mangkeni yau to Israel yako la’u tana Mesir. Pasi ri rayanya ia mangkeni yau tau etu ia mangika palaong to mampakaipu raya ntau pasi mangika anu to taa rapobiasa to mawali tondong resi tau. Palaong to nikanya etu re’e to nikanya la’u tana Mesir pasi nja’u Tasi Miaro pasi nja’u pada bone opo mpuyu nto’u kasaenya.