Ibrani 7:26 - Tuntu i mPue ri Basa Taa

²⁶ Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Sura Magali Nuntu Ngkatuwu

²⁶ Mewali, i Yesu inceʼemo Tadu mPanyomba Bangke anu mampaporasi kita. Sira Magali pai bereʼe sala bara salaa mau sakodi. Sira ndapatanimo ungka ri waʼa ntau masalaa, Sira ndaoretaka rata ri kandatekanya ri wawo waʼa yangi.

Ibrani 7:26 Referans Kwoze

2 Korintus 5:21

Wali Ia semo to nangika jaya see kita maya masingkatao pei Ia. Apa i Kerisitu tare dosaNya, pei saba kita to lino madosa see naka i Pue Allah manganto’oka Ia mampongakung yau dosa ngkita. Wali yako palaong to etu see naka kita maya nato’o i mPue Allah tare dosanta apa saba kita samba’a pei i Kerisitu. Wali etu semo jaya to naika i mPue Allah see kita maya mawali masingkatao pei Ia.

1 Yohanes 2:2

Wali Ia semo to mawali pampue to mampakasanang i Pue Allah, see naka Ia tamo mangkitanaka dosa ngkita. Pasi pampue etu gana mawali pambayar nu dosa ngkita. Pei si'a ojo dosa to si kita, dosa nto lino samparia. Wali matantu i Pue Allah tamo damangkitanaka dosa ngkita!

Ibrani 8:1

Wali ewa si’i batuanginya gombo to kita manganto’o etu, kita re’e kojo to pampue to bae anggaNya to ewa wetu, to room matunda ri awe nggadera i Makuasa ndate saruga ri sambali tondo ngkana.

1 Petrus 2:22

“Apa Ia tare dosaNya pasi taa seja re’e gomboNya to manipu.” (Yesaya 53:9)

1 Yohanes 3:5

Pei kita mangansani naka pei i Kerisitu rapapokitaka resi to lino seore damampalasi yau samparia dosanta. Naka pei Ia nakurang mampalasi yau dosa ngkita apa Ia taa kojo re'e dosaNya.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Lukas 23:47

Wali kepala ntentara to mangkepalang tentara to satu kaborosinya, ia mangkita palaong to mawali etu. Wali ojo pangkitanya etu ia mangabarong i Pue Allah, pasi ia manganto’o, “Monso pu’u tau si’i tare salaNya.”

Lukas 23:41

Pasi masipato kojo kita dua mangarata huku to si’i apa si’i semo huku to masipato narata ntau to mangika palaong to kita nangika. Pei ane tau si’i, Ia tare mangika sala.”

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

1 Petrus 1:19

Pei anu to nabayarika i ngKerisitu see mangalapa kita yako ri ara ngkuasa nu ada etu, etu semo raaNya to bae kojo batuanginya. RaaNya etu raporapaka ewa raa nu ana domba to masilonga pasi tare to maya rato’o maja’a.

Ibrani 7:11

Wali porenta i Musa to rawaika resi to Yahudi, porenta etu taa maya maga’a yako ri palaong ntau to wiyaa i Lewi. Pei palaong nto pampue etu taa gana damangika see tau mawali masilonga ri pangkita i mPue Allah. Apa ane gana palaong nsira, tamo re’e batuanginya pasuwu nto pampue to yusa. Pei taa kojo gana palaong nsira, see naka masuwu to pampue to mangabolos sira. Wali ane to pampue to wiyaa i Lewi rabolosika to pampue to yusa, ane ewa see, taa maya taa porenta i Musa rabolosika seja porenta to yusa. Apa to pampue to mangabolos wiyaa i Lewi, ia taa sewaju pangkaNya pei pangka i Harun to nato’o mporenta i Musa. Ia sewaju pei i Melkisedek semo.

Ibrani 2:10

Wali songka i mPue Allah Ia rani boros tau mawali anaNya pasi Ia rani mangkeni sira damangarata seja kayawaNya. Apa i Pue Allah nampapowali samparia anu to re’e, see samparia anu to re’e etu damangabarong Ia. Pei wimba danaika i mPue Allah mangkeni to lino to madosamo see maya mangarata seja kayawaNya? Ewa si’i jaya to kono kojo to Ia mangarata. Ia mangawaika i Yesu mangarata kasesa sampe mate yau. Wali yako kasesa to narata i Yesu etu, i Pue Allah mampasilonga jaya see Ia maya mampalaes kita apa saba dosa ngkita roomo nasompo nu AnaNya. Wali i Yesu mawali Mata nJaya to mangkeni boros tau see darapalaes. See naka kita maya mawali seja ana i mPue Allah pasi mangarata seja kayawaNya singkonong pei songkaNya etu.

Palaong mPomakau i mPue Yesu 4:27

O Pue, tibanang kojo gombomu etu apa i Makole Herodes pasi i Pontius Pilatus sira siromu ri kota si’i seore sindara-ndara pei tau to Yahudi pasi to si’a to Yahudi. Tempo etu sira mansongka mangewa i Yesu, to papolaong ngKomi to mapasing to nupilis ngKomi damawali Makole.

Palaong mPomakau i mPue Yesu 3:14

I Yesu etu Ia tare dosaNya pasi Ia sangkani mangika anu to singkonong pei i Pue Allah. Pei komi mampobo’o Ia, pei mamporapika resi i Pilatus see ia damangalapaka komi tau to yusa to re’e mampopate sa’e.

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

Yohanes 8:29

Wali Pa’angKu to nampokau Aku, Ia sangkani siwaka pei Aku. Pasi Ia taa mampiyaika Aku apa Aku sangkani mangika palaong to mampakasanang Ia.”

Lukas 24:46

Ia manganto’oka sira, “Si’i semo to ratulis, to’onya I Kerisitu, Makole parajanji i mPue Allah, Ia taa maya taa mangarata kasesa pasi mambangu muni yako ri kapateNya ri rayanya togo eo.

Lukas 24:26

Apa sira mampakanasaka mangkonong i Kerisitu, Makole parajanji i mPue Allah, Ia taa maya taa mangarata kasesa to nusaritaka resi Aku etu panewa roo see Ia damangarata kayawaNya.”

Lukas 23:22

Wali i Pilatus mampogomboka wo’u sira katogo ngkaninya, ia manganto’o, “Maka pei komi rani mangika palaong to etu? Kesaa anu to maja’a inikaNya? Aku taa kojo mangarata palaong to inikaNya to masipato Ia rahuku mate, wali see naka aku damanganto’oka tau mangantidas Ia panewa mangalapa muni.”

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Matius 27:18

I Pilatus mampotanaka ewa wetu apa ia mangansani naka pei kepala-kepala nto pampue mangkeni i Yesu resi ia apa sira ojo timopo rayanya mangkita boros tau tamo mangalulu sira, jamo mangalulu i Yesu semo.

Yesaya 53:9

Wali tempo Ia mate yau, tau mansongka damampongkeli yau Ia ri oyo ndayo ntau to maja’a. Pei kamonsonya Ia rapongkeli ri raya nu dayo ntau sugi, apa Ia tare mangika sala pasi tare seja mawuti.

Masmur 68:18

Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Pangkita 3:7

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Piladelpia. To’oka ia: Si’i gombo yako resi Ia to mapasing pasi to monso, to re’e kuasa seja ewa kuasa i Makole Daud tempo owi. Kuasa etu raporapaka ewa kunsi. Wali ane Ia mangaloka wombo, tare tau to maya mangaba’a, pasi ane Ia mangaba’a, tare to maya mangaloka. Batuanginya tare tau to maya mangewa Ia.

Ibrani 2:17

Wali i Yesu mawali to pampue to bae anggaNya to mangansawang to lino. See naka Ia taa maya taa mawali seja to lino to sewaju kojo pei kita to pua’iNya. Apa ane Ia mangarata seja samparia to narata ngkita to lino, ane ewa see Ia maya mawali to pampue to mamporayang to lino pasi to maya rasarumaka mangika palaong i mPue Allah. Pasi Ia mawali to pampue to bae anggaNya see Ia maya mampampueka pampue to mampakasanang i Pue Allah see Ia mangalapa dosa ntau to Ia Puenya.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.