Ibrani 6:9 - Tuntu i mPue ri Basa Taa

⁹ Wali a’i-a’i to kami mangamporayang, nempo kami magombo mangkonong tana to ratanaa yau etu, pei kami manasa si’i-si’i lengko ngkomi taa sewaju pei lengko ntau to raporapaka ewa tana to maja’a etu. Apa komi mangika lengko to masipato naika ntau to rapalaes.

Sura Magali Nuntu Ngkatuwu

⁹ Paikanya ee waʼa ngkasangkompo anu kupotowe, mau ewanceʼe pantoʼo mami, manoto ri raya mami kakononya komi. Manoto woʼu ri raya mami kakominya roo mantarima waʼa mpopadonco anu meruu ngkadago anu mewali katongawa santila ri katesorepakami.

Ibrani 6:9 Referans Kwoze

Ibrani 10:39

Pei kita si’a ewa tau to mangandolika tangonya etu panewa rapakaja’aka yau. Kita tau to mangaya i Pue semo wali kita rapalaes yako kapate.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

2 Korintus 7:10

Apa kamawo ndaya ntau to singkonong pei pamporani i mPue Allah, kamawo ndaya etu matao. Apa yako kamawo ndaya to etu see naka tau majea, wali see naka sira rapalaes. Wali tau taa soso rayanya mangkonong kamawo ndaya to etu. Pei yusa kamawo ndaya nto lino to taa mangaya. Apa kamawo ndaya ntau etu mampobuuka dosanya, kamawo ndaya etu ojo mangkeni kapate apa saba sira taa mangaya.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

1 Korintus 10:14

Wali a’i-a’i to kuporayang kojo, ane ewa see, pakalongko yako ri banua to napampue ntau resi tau-tau naka ne’e komi mampue seja resi tau-tau etu.

Palaong mPomakau i mPue Yesu 20:21

Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.

Markus 16:16

Wali i sema to mangaya kareba matao etu pei rabaptis, tau etu darapalaes, pei i sema to taa mangaya, sira darahuku.

Ibrani 6:10

Etu semo komi roomo mangansawang tau to i Pue Allah Puenya pasi tiroowa mangansawang sira, wali yako palaong to etu komi mampaporaoka pamporayang ngkomi resi i Pue Allah. See naka Ia taa damangkalingan palaong to nuika ngkomi pasi pamporayang ngkomi resi Ia. Naka pei kita mangansani Ia taa mangkalingan, apa i Pue Allah sangkani mangika ewa wimba to masipato raika.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Palaong mPomakau i mPue Yesu 11:18

Wali ojo pangandonge nto Yahudi gombo i mPetrus etu, sira tamo mangewa ia. Sira paka mangabarong i Pue Allah, sira manganto’o, “Ane ewa see, tau to si’a to Yahudi sira nawaika seja i mPue Allah temponya mangandolika tangonya see sira damangarata seja katuwu to singkasaenya.” Etu semo to nato’o nsira.

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

2 Korintus 12:19

Wali ri rayanya komi mangabasa samparia gombongku si’i bara re’e komi to mampobuuka, “I Paulus pasi yununya taa rani mea see naka sira manganto’o noto nsira ri tango ngkita.” Ewa wetu pampobuuka ngkomi. Pei kamonsonya si’a ewa see. Apa si’a komi to mawali to pobotus mami. Kami samba’a seja pei i Kerisitu, wali i Pue Allah semo to mangangkita pasi mangandonge kami. Pasi a’i-a’i to kuporayang, samparia to kami mangika pasi to kami manganto’o, naka pei kami mangika pei manganto’o see damampakaroso pangaya ngkomi.

1 Petrus 2:11

Wali a’i-a’i to kuporayang kojo, ane ri lino si’i kita ewa tau to rata yako ri lipu to yusa, si’a ewa tau pue lipu. Wali see naka kuporapika kojo resi komi ne’e mangaluluka pamporani ngkoro ngkomi to maja’a. Apa pamporani ngkoro etu sangkani mangewa tonii ngkomi.

2 Petrus 3:1

Wali a’i-a’i to kuporayang, sura si’i to kadua to kutulisika komi. Wali songkangku tempo aku mangantulisika komi sura to kadua si’i, sewaju ewa songkangku tempo aku nangantulis sura to uyunya seore. Etu semo, re’e to aku rani mampatiendoka komi. Kamonsonya aku mangansani komi buya rayamu mampobuuka gombo i mPue Allah. Pei aku rani wo’u mampatiendoka resi komi,

1 Yohanes 2:7

Wali a’i-a’i, re’e wo’u to aku rani manganto’o mangkonong pamporayang to aku manganto’o ngena. Wali porenta to kutulisika komi si'a porenta to bou. Porenta etu porenta to masae to nawaika i mPue Allah komi yako ri pamulanya komi mangaya seore. Etu semo porenta to manganto’oka kita masiporayang. Wali porenta to masae etu, etu semo kareba to komi roomo mangandonge tempo komi owo mula mangaya kareba etu.

I Yudas 1:3

Wali a’i-a’i to kuporayang, aku re’e mansongka mangantulisika komi sura mangkonong samparia to nawaika i mPue Allah kita tempo Ia mampalaes kita. Wali tongo-tongonya aku mansongka damangantulis sura to ewa wetu, aku mangepe taa maya taa mangantulisika komi sura to mangawaika komi paposia. Etu semo see komi mampoewaka anu to kita mangaya to nasarumakaka i mPue Allah kita to Ia Puenya. Ia sangkanija mangawaika kita pangaya etu see kita mangajagai rataka ri singkasaenya.