Ibrani 6:2 - Tuntu i mPue ri Basa Taa

² Pasi kita roomo maguru mangkonong pambaptis to mpangaya-ngaya, pasi mangkonong ada mamposaka pale ri wawo mbo’o ntau, pasi mangkonong pambangu muni ntau mate yako ri kapatenya, pasi mangkonong huku to singkasaenya.

Sura Magali Nuntu Ngkatuwu

² bara pompaguru anu uyu-uyunya kono popariu, bara kono pangadonco tau, bara katuwu muni ungka ri kapate pai popahuku anu bareʼe da reʼe kapusanya.

Ibrani 6:2 Referans Kwoze

Palaong mPomakau i mPue Yesu 6:6

Wali tau pitu etu nakeni ntau boros mampotango pomakau i Yesu. Panewa pomakau etu mampokaika tau pitu etu. Tempo makai-kai sira mamposaka palenya ri wawo ntau pitu etu mangika tondong tau pitu etu semo to rapilis mangika palaong to danaika nsira.

Palaong mPomakau i mPue Yesu 24:25

Pasi ia magombo seja mangkonong lengko ntau to singkonong pei i Pue Allah, pasi mangkonong ewa wimba raika manta’amaka pamporani ndaya. Pasi tempo etu ia magombo seja mangkonong ewa wimba danaika i mPue Allah mangahuku to lino. Wali tempo i Peliks mangandonge gombonya etu, ia meka rayanya pei manganto’o, “Inta ruyu! Tempo yoa panewa aku damampokio wo’u korom.”

Palaong mPomakau i mPue Yesu 23:6

Wali tempo etu i Paulus mangkita to pobotus to nja’u ria sangga’a to aliran Saduki pasi sangga’a to aliran Parisi. Tempo ia mangkita etu ia maroso loonya magombo manganto’oka to pobotus etu, to’onya, “A’i-a’i, aku seja aliran Parisi pasi aku seja wiyaa ntau to aliran Parisi. Wali naka pei aku rakeni rire darabotus apa saba aku mansarumaka to lino darawangu muni yako ri kapatenya.

Palaong mPomakau i mPue Yesu 17:18

Wali ri kota etu re’e seja tau to aliran Epikuros pasi aliran Stoa. Tau to mampoguru aliran etu re’e masibanta pei i Paulus. Panewa re’e tau to manganto’o mangkonong i Paulus, sira manganto’o, “Gete! Kesaa nansani ntau si’i? Gombonya boros kojo, pei tare batuanginya.” Pasi re’e wo’u tau to manganto’o, “Bara pue ntau to yusa to ia mampakarebaka kita ta’anya.” Naka pei sira manganto’o ewa wetu apa i Paulus re’e mampakarebaka sira mangkonong i Yesu pasi ia manganto’oka sira, “I Yesu nambangu muni yako ri kapateNya pasi samparia tau to mate darawangu muni seja yako ri kapatenya.”

Palaong mPomakau i mPue Yesu 16:33

Pasi ri tempo etu seja ngkai etu mangkeni sira dua pei mamposo’i yau wakanya rawotu-wotu etu. Panewa roo etu ia sindara-ndara pei samparia tau to maroo ri banuanya, sira mansaka rabaptis.

Palaong mPomakau i mPue Yesu 16:15

Wali yako etu i Lidia pasi tau to maroo ri banuanya sira rabaptis. Ojo karoonya sira rabaptis, i Lidia mangansale kami, to’onya, “Ane monso pu’u komi mampobuuka aku tau to mangaya i Pue, ane ewa see yau maroo ri banuangku, aku damampalinggona.” Wali ewa see to’onya mamporapika resi kami sampe kami yau mangalulu ia njo’u banuanya.

Palaong mPomakau i mPue Yesu 10:47

“Tau to si’a to Yahudi si’i re’e mangarata seja i Nosa Mapasing sewaju ewa kita to Yahudi. Wali ane ewa see tare tau to maya manganto’oka sira ne’e rabaptis.”

Palaong mPomakau i mPue Yesu 2:41

Wali tempo i Petrus magombo etu boros tau to mangaya anu to nato’o pasi sira rabaptis. Wali ri eo etu kaborosinya tau to mangaya i Yesu radugangika wo’u bara togo nsowu tau.

Palaong mPomakau i mPue Yesu 2:38

Wali i Petrus mangansono, ia manganto’o, “Ewa si’i danuika ngkomi. Pajea pasi rabaptis komi samba’a pei samba’a see sa’e mangansani komi mangayamo i Yesu Kerisitu. Ane komi mangika ewa see, dosa ngkomi daralapas, pasi komi seja damangarata sora yako resi Pue Allah, etu semo i Nosa Mapasing.

Markus 16:16

Wali i sema to mangaya kareba matao etu pei rabaptis, tau etu darapalaes, pei i sema to taa mangaya, sira darahuku.

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

2 Petrus 3:7

Wali ewa wetu seja ri tempo si’i ane mangkonong parajanji to manganto’o Ia tiroo damangahuku to lino. Apa ojo kuasa nu gombo i mPue Allah semo to manta’amaka huku to damawali ri yangi pasi ri lino si’i. Pei monso pu’u Ia damampakaja’aka yau samparia to etu. Pei tempo etu si’amo ue to Ia damangampake, apu semo. Wali ane ratamo temponya tau to bo’onya mampatimonso Ia darabotus pasi darapakaja’aka yau, tempo etu panewa yangi pasi lino si’i damosi yau. Pei tau to bampokore bo’onya mampobuuka palaong to etu.

Ibrani 11:35

Pasi yako pangaya nsira see naka re’e tau we’a to rawangu muni ana nsira yako ri kapatenya. Pei re’e seja tau to mate rasesai apa saba pangayanya. Tau etu ane bara mamposapuka pangaya nsira etu, sira daralapa muni. Pei sira bo’onya mangika ewa wetu apa re’e to bae wo’u batuanginya resi sira. Etu semo sira darawangu muni yako ri kapatenya pei mangarata katuwu to bae wo’u batuanginya.

Ibrani 9:10

Apa sora pasi pampue etu ojo singkonong pei porenta mangkonong pangkoni pasi anu to rainu pasi porenta to mpangaya-ngaya mangkonong anu to raposo’i. Pasi samparia porenta ngkatuwu nto lino etu, nawaika i mPue Allah tauNya danapake nsira sampe rata temponya Ia mangika jaya ngkatuwu to bou.

2 Timotius 2:18

Sira dua raporapaka ewa tau to masepi yau yako ri jaya to monso, apa sira manganto’o naliumo temponya tau rawangu muni yako ri kapatenya. Wali anu to nato’o nsira dua etu re’e mampakaja’a sangga’a pangaya ntau.

Kolose 2:12

Apa tempo komi rabaptis rapasimba'a resi i Kerisitu, tempo etu komi nato'o i mPue Allah rapongkeli sindara-ndara pei i Kerisitu. Pasi tempo etu komi nato'o seja i mPue Allah rawangu muni sindara-ndara pei Ia. Wali naka pei komi nato'o i mPue Allah ewa wetu apa komi mangaya kuasa i mPue Allah to mangawangu muni i Kerisitu yako ri kapateNya.

Pilipi 3:21

Wali ojo kama’iNya, tempo etu Ia damangawali yau koro ngkita to masiasi si’i see damawali sewaju ewa koro to si Ia to bae kojo kayawaNya. Ia damangika palaong to etu damangampake kuasaNya. Wali kuasaNya etu sewaju pei kuasaNya to mampakakoro Ia mangkuasang samparia anu to re’e.

1 Korintus 12:13

Apa kita nabaptis i Nosa Mapasing anu samba’aja etu darapasimba’a mawali yau samba’a koro. Kita nempo to Yahudi, nempo si’a to Yahudi pasi nempo watua nempo si’a watua, samparia mawali samba’a koro. Pasi kita samparia mangarata i Nosa Mapasing anu samba’aja etu maroo ri raya ngkita. Wali palaong etu raporapaka ewa malagi tau to manginu yako mata nue to samba’aja.

1 Korintus 10:2

Wali tempo sira natorung nu limu pasi liu ri tasi etu, tempo etu sira ewa rabaptis mangika tondong i Musa semo kepala nsira.

Roma 2:16

Wali ewa wetu damawali ane ratamo temponya i Pue Allah damangabotus to lino. Tempo etu Ia damanganto’oka i Yesu Kerisitu semo mangika palaong to etu. Wali i Yesu Kerisitu Ia damangabotus samparia to lino. Pasiwa pampobuuka nsira to taa nansani nsa’e, Ia damangabotus seja. Wali ewa wetu damawali ane ewa panto’o ngkareba matao to kupakarebaka resi tau.

Palaong mPomakau i mPue Yesu 26:8

Pasi pa’a-pa’a samparia, kesaa to mangantalas pampobuuka ngkomi naka pei masuli resi komi mangaya i Pue Allah Ia nakoto mangawangu muni tau yako ri kapatenya?

Palaong mPomakau i mPue Yesu 24:21

Kamonsonya tare salangku, ojo gombongku semo to mampakaja’a raya nsira tempo aku makore ri tango nsira seore. Apa tempo etu aku maroso loongku manganto’o, ‘Apa saba aku mangaya tau mate darawangu muni, see naka aku rabotus ri tango ngkomi seo si’i.’”

Palaong mPomakau i mPue Yesu 24:15

Pasi pansarumakangku resi i Pue Allah sewaju pei pansarumaka ntau to mampakasala aku si’i. Apa aku seja mangampeas temponya i Pue Allah damangawangu muni samparia tau to matem, etu semo tau to lengkonya singkonong pei i Pue Allah pasi tau to maja’a seja.

Palaong mPomakau i mPue Yesu 4:2

Sira maja’a kojo rayanya resi i Petrus dua i Yohanes apa sira dua mampotundeka tau boros sira manganto’o, “I Yesu nambangu muni yako ri kapateNya, wali see naka kita mangansani monso pu’u samparia tau damambangu muni seja yako ri kapatenya.” Etu semo to to’o nsira dua.

Yohanes 5:29

Tempo sira mangandonge loongKu etu, tempo etu sira darawangu muni yako ri kapatenya pei damasuwu muni yako ri dayo nsira. Wali sira to mangaya Aku see naka matao lengkonya tempo sira tuwu seore, sira darawangu muni yako ri kapatenya pei damangarata katuwu to singkasaenya. Pei sira to taa mangaya Aku see naka maja’a lengkonya tempo sira tuwu seore, sira darawangu muni yako ri kapatenya pei darahuku.

Lukas 14:14

Apa ane korom mangika ewa wetu korom damangarata rasi, apa sira taa nakoto mangabalas. Wali see naka korom danawaika i mPue Allah ntanapa ane ratamo temponya tau to singkonong pei Ia darawangu muni yako ri kapatenya.”

Lukas 12:50

Pei ri katawanya palaong etu mawali, Aku tiroowa damangarata kasesa to mapari kojo. Kasesa etu dakono juku ri korongKu, see naka maya raporapaka ewa ue to rapangayo’o tau tempo rabaptis. Wali Aku taware kasanang ndayangKu ane tawa roo kasesa etu.

Lukas 11:38

Pei to Parisi etu ipu rayanya apa ia mangkita i Yesu mangkoni pei tare mamue ruyu singkonong pei ada nsira.

Lukas 3:16

See naka i Yohanes manganto’oka sira samparia, ia manganto’o, “Aku mangabaptis komi mangika tondong komi majeam. Wali tempo aku mangabaptis komi etu, aku mangampake ue. Pei re’e tau to dama’i wo’u yako aku si’i, Ia semo to bae-bae kuasaNya pei aku. Ia bae kojo anggaNya, see naka aku mangepe aku nempo ojo mangalede so’o nsapatuNya taa masipato. Wali tau to dama’i etu taa damangabaptisika komi ue. Re’e komi to Ia damangabaptisika i Nosa Mapasing batuanginya Ia damampaporoo i Nosa Mapasing ri raya ntau etu. Pei re’e wo’u komi to danabaptisika apu batuanginya Ia damamposaka tau to etu ri raya nu apu.

Markus 7:8

Wali komi mangaliunaka porenta i mPue Allah pei ojo mangalulu yau ada nto lino. Ada to etu ewamo ada mangkonong mampakayongongika kura pasi sangkir pasi ada to yusa-yusanya to ewa wetu.

Markus 7:4

Pasi sira seja ane yau lo’u pasar, rata ma’i tawa maya mangkoni ane taa mandiu ruyu singkonong ewa ada nto tu’angi nsira. Pasi ane ewa ada nsira etu boros kojo wo’u to nalulu kojo nsira. Apa ada to si sira pasiwa mamposo’i sangkir, kura pasi pawanga yako ri tambaga, si’a ojo mangika ngkewanya. Wali mabeu kojo palaong to naika nsira mangalulu ada nto tu’angi nsira.

Matius 3:14

Pei i Yohanes taa rani. Ia manganto’o, “Gete, maka pei Komi ma’i resi aku darabaptis? To masipato Komi semo mangabaptis aku!”

2 Korintus 5:10

Wali naka pei kami rani mangika palaong to mampakasanang Ia apa darata temponya i Kerisitu damangabotus kita to mangaya. Wali tempo etu kita taa maya taa mampotango gadera to napotunda i ngKerisitu damangabotus kita etu. Pasi tempo etu kita samparia damangarata anu to masipato kita damangarata samba’a pei samba’a. Wali anu to danarata ngkita etu dasingkonong pei palaong to naika ngkita samba’a pei samba’a ri raya ngkatuwunta ri lino si’i, bara matao, bara maja’a. Wali see naka kita rani mangika palaong to mampakasanang Ia ri raya ngkatuwunta ri lino si’i.

Palaong mPomakau i mPue Yesu 13:3

Wali ojo karoonya sira mangorop pasi makai-kai, sira mamposaka palenya ri wawo i Barnabas sira dua Saulus mangika tondong tau dua etu semo to rapilis mangika palaong to danaika nsira. Panewa roo see sira mangabiaka tau dua etu yau.