Ibrani 6:14 - Tuntu i mPue ri Basa Taa

¹⁴ Wali Ia manganto’o, “Monso pu’u Aku damangawaika korom rasi pei damangawaika korom malagi wiyaamu.” (Pomulanya 22:17)

Sura Magali Nuntu Ngkatuwu

¹⁴ Ndatoʼo i mPue Ala, “Yaku mojanji da mangadonco siko pai mampapewali mulimu da sondo.”

Ibrani 6:14 Referans Kwoze

Pomulanya 22:17

Ewa si’i parajanjingKu, Aku monso pu’u damampakasanang katuwu ngkorom. Aku damampakaboros wiyaamu see naka sira damalagi ewa batu’e pasi ewa bone ri wii ntasi kaborosinya. Pasi wiyaamu etu damanganangi bali nsira pei damangantundang yau kota-kota nu bali nsira etu.

Posuwunya 32:13

Ne’e mangkalingan parajanji to Nuika ngKomi resi to papolaong ngKomi tempo owi, etu semo i Abraham, i Ishak pasi i Yakub. Apa tempo etu Komi mangampake kuasaMu semo mampakaroso kojo parajanjiMu etu pei manganto’oka sira Komi damangika see wiyaa nsira damawali ewa batu’e ri yangi kaborosinya. Pasi mangkonong samparia tana to Komi roomo mamparajanjika damangawaika sira togo, tana etu Komi mamparajanjika damangawaika seja resi wiyaa nsira damawali sira seja puenya rataka ri singkasaenya. Wali taa kojo masipato Komi mampakaja’aka yau sira.” Etu semo patiendo i Musa resi i Pue Yawe.

Pomulanya 17:2

Ane korom mangalulu porentangKu etu, Aku damanganto’o wo’u parajanji to inikangKu resi korom seore see korom manasa kojo matantu damawali, parajanji etu semo Aku damampakaboros kojo wiyaamu.”

Pomulanya 48:4

Ia manganto’o, ‘Aku damampakaboros wiyaamu see sira damawali malagi suku, pasi aku damangawaika tana Kana’an si’i resi wiyaamu damawali sira puenya rataka ri singkasaenya.’ Etu semo to nato’oka i mPue Allah aku mampakasanang katuwungku.”

Pomulanya 22:16

Ia manganto’o, “Si’i semo gombo i mPue Yawe, to’oNya, ‘Korom mampalaika Aku pasi sakowa anamu to samba’aja etu, korom buya seja rayamu mampampueka resi Aku. Wali see naka Aku mangika parajanji yako ri kuasangKu semo.

Galatia 3:18

Apa ane yako mangalulu porenta i Musa semo naka pei kita mangarata tila to napakatantuka i mPue Allah kita, ane ewa see tamore batuanginya parajanji i mPue Allah. Pei si’a ewa wetu. Rapanya ewa to mawali resi i Abraham tempo owi. I Pue Allah buya rayaNya mangawaika i Abraham tila to Ia room mampakatantuka ia. Naka pei buya rayaNya mangawaika ia, saba mangabanang parajanjiNya, si’a apa i Abraham mampalaika Ia. Wali manasa resi kita, naka pei kita mangarata tilanta etu saba yako parajanji i mPue Allah semo.

1 Petrus 3:9

Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.