Ibrani 6:10 - Tuntu i mPue ri Basa Taa

¹⁰ Etu semo komi roomo mangansawang tau to i Pue Allah Puenya pasi tiroowa mangansawang sira, wali yako palaong to etu komi mampaporaoka pamporayang ngkomi resi i Pue Allah. See naka Ia taa damangkalingan palaong to nuika ngkomi pasi pamporayang ngkomi resi Ia. Naka pei kita mangansani Ia taa mangkalingan, apa i Pue Allah sangkani mangika ewa wimba to masipato raika.

Sura Magali Nuntu Ngkatuwu

¹⁰ I Pue Ala banya Pue Ala anu bareʼe mayoa. Sira bareʼe kojo da mangkalingani waʼa anu roomo ndipotetalaka pai towe ndaya anu ndituju ri Sira ua ndipantulungi waʼa ntau anu sambaʼa-mbaʼa mpeaya iʼowi pai wawaseʼi.

Ibrani 6:10 Referans Kwoze

Matius 10:42

Pasi i sema tau to mangawaika anu to rainu, nempo ojo samba’a sangkir ue loto, resi tau to kodi angganya apa saba tau kodi angganya etu anagurungKu semo, Aku manganto’oka komi, monso pu’u tau etu matantu kojo damangarata ntanapanya.” Wali etu semo to napotundeka i Yesu kami to anaguruNya. Wali ojo karoonya Ia manganto’oka kami samparia paposia to etu, roo see Ia mampokau kami yau mampakarebaka kareba matao ewa to Ia roomo manganto’oka kami. Wali kami yau.

Ibrani 13:16

Wali ne’e kalingan mangika palaong to matao pasi mangansawang sa’e apa palaong to ewa wetu ewa pampue to mampakasanang raya i mPue Allah.

Galatia 6:10

Wali anu kita sangkani pakayoaka mangika matao resi samparia tau, taa manto’o resi pua’i ngkita to samba’a pangaya.

Palaong mPomakau i mPue Yesu 10:4

Wali i Kornelius meka kojo mangalo’aka resi pomakau etu, pei ia manganto’o, “Bara re’e kesaa, Pue?” Wali pomakau etu manganto’oka ia, “Pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Kolose 3:17

Pasi bara kesaa to nuika ngkomi, bara magombo, bara to nupolengkoka, ika samparia ewa to masipato naika ntau to mangalulu i Pue Yesu. Pasi ri rayanya komi mangika palaong, to'oka i Pue Allah, Pa'a, tarima matao apa saba to inika i mPue Yesu resi komi.

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

Markus 9:41

Wali i Yesu manganto’o wo’u, “Aku manganto’oka komi, monso pu’u ane tau mangawaika komi nempo ojo samba’a sangkir ue rainu apa saba ia mangansani komi mangaluluka i Kerisitu, tau etu matantu seja damangarata ntanapanya.”

Roma 12:13

Pasi ane re’e tau to i Pue Allah Puenya pei taa gana to napake nsira, anu kita mangantilaka sira anu to re’e resi kita. Pasi ane re’e tau rata, anu kita mampalinggona sira pasi mangawaika sira tampa danakayore.

Palaong mPomakau i mPue Yesu 11:29

Wali ojo pangandonge nu anaguru i mPue Yesu kareba etu sira mangansongka damangansawang pua’inya to samba’a pangaya to maroo ri propinsi Yudea. Wali sira mangawaika doi samba’a pei samba’a imba pata mparata nsira.

Galatia 5:13

Wali a’i-a’i, naka pei komi napokio i mPue Allah see komi seja daralapa yako ri ara ngkuasa mporenta i Musa. Pei nempo kita ralapa, si’a batuanginya kita maya mangaluluka yau muni pampobuuka ngkita to masae. Wali ne’e kita mangika ewa wetu. To tao-tao, anu kita masisawang apa saba kita masiporayang.

Palaong mPomakau i mPue Yesu 10:31

Wali tau etu manganto’oka aku, to’onya, ‘Kornelius, pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.

Yohanes 13:20

Wali Aku manganto’oka komi, monso pu’u, i sema tau to manga’angga pomakaungKu, tau etu sewaju ewa manga’angga Aku. Pasi i sema tau to manga’angga Aku, tau etu sewaju ewa manga’angga Ia to nampokau Aku.”

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

2 Korintus 9:1

Wali bae batuanginya resi aku ane komi mampaponsanika sa’e pamporayang ngkomi. Apa aku kunsani re’e yami kabuya ndaya ngkomi mangansawang yunu ngkita to i Pue Allah Puenya, wali nempo aku taa mangantulisika komi sura si’i mangkonong palaong to etu, komi tiroo rani mangika. See naka re’e gombongku resi tau ri Makedonia mangabarong komi, manganto’o, “Yunu ngkita to tau i mPue nja’u kota Korintus, sira yako to’u liu buya yami raya nsira rani mangansawang.” Ewa wetu kuto’oka sira. Wali kareba mangkonong kasanang ngkomi mangansawang etu, kareba etu mampakaroso raya ntau ri Makedonia see naka kaborosinya sira to rani seja mangansawang.

1 Yohanes 1:9

Apa i Pue Allah roomo manganto'o samparia tau paka madosa. Wali ane kita manganto'o tare dosanta, batuanginya kita manganto'o i Pue Allah mawuti. Pasi ane kita manganto'o ewa wetu, batuanginya kita taa mangaya tuntu i mPue Allah. Pei ane kita mampongakung dosanta, i Pue Allah tamo damangkitanaka dosanta etu. Kita mangansani monso pu’u Ia tamo damangkitanaka dosanta etu apa Ia roomo mamparajanjika kita ewa wetu. Pasi kita tansani Ia maya rasarumaka pasi Ia sangkani mangika ewa wimba to masipato raika. Wali Ia damampakayongo raya ngkita yako samparia lengkonta to taa singkonong pei Ia.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Posuwunya 1:20

Wali apa saba tau we'a etu manga’angga i Pue Allah, see naka i Pue Allah mampakasanang katuwu nsira pasi mangawaika sira seja riana. Pasi to Israel tidugang wo'u kaborosinya pasi tidugang seja karosonya.

Ibrani 10:32

Wali endo tempo ruyu, tempo komi owo mangantima kareba to monso to mangkeni reme. Tempo etu komi malagi ngkani mangarata kasesa pei komi ojo mangainsoka wali kasesa etu taa manganangi komi.

Matius 20:7

“Wali sira mangansono, ‘Apa tare tau to mangansale kami damapalaong.’ “Wali tau pue nawu manganto’oka sira, ‘Inta komi seja njo’u nawungku, aku damangabayar komi saro to masipato komi mangarata.’

Matius 25:17

Pasi ewa see seja naika nto papolaong to nawaika mpuenya doi dua nsowu ngkomba. Doi to si ia etu tidugang seja dua nsowu ngkomba.