Ibrani 5:7 - Tuntu i mPue ri Basa Taa

⁷ Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokai-kaiNya etu.

Sura Magali Nuntu Ngkatuwu

⁷ Sindara ngkatuwu i mPue Yesu ri lino seʼi, Sira mekakai pai meboo mpotumangi ri Pue Ala, anu mangkoto mancorepaka ungka ri kapate. Pai ua Sira meʼuru ri Pue Ala pai metubunaka kojo, pai ndapampedongeka i mPue Ala Sira.

Ibrani 5:7 Referans Kwoze

Yohanes 17:1

Wali ojo karoonya i Yesu manganto’o gombo etu, Ia mangalo’aka nto’u yangi pei makai-kai resi i Pue Allah, to’oNya, “Pa’a, ratamo temponya Aku damangarata kasesa panewa damate yau. Wali Kuporapika resi Komi see Komi mampaponsanika tau mangkonong Aku see sira damangansani Aku to AnaMu masipato rapakabae. Apa ane ewa see, yako palaong to mawali resi Aku see naka tau damanasa masipato seja Komi rapakabae.

Matius 27:46

Panewa rata jam togo etu, i Yesu maroso looNya kaboo, Ia manganto’o, “Eloi, Eloi, lama sabatani?” Wali batuang nu gomboNya etu, “AllahngKu, AllahngKu, maka pei Komi mampiyaika Aku?”

Markus 15:34

Panewa rata jam togo etu, i Yesu maroso looNya kaboo, Ia manganto’o, “Eloi, Eloi, lama sabatani?” Wali batuang nu gomboNya etu, “AllahngKu, AllahngKu, maka pei Komi mampiyaika Aku?”

Ibrani 12:28

Wali kita rawaika mawali tau to i Pue Allah Makolenya, pasi paporenta i mPue Allah etu taa kalengko. See naka anu kita manganto’oka Ia tarima matao. Apa ewa wetu to masipato naika ngkita mampue mampakabae i Pue Allah. Pasi anu kita mampakabae pasi mampalaika Ia saba manga’angga Ia.

Yohanes 11:35

Wali i Yesu mangalulu sira yau njo’u dayo i Lasarus pasi ri raya mpalinjaNya etu Ia tumangi.

Matius 27:50

Wali yako etu i Yesu maroso looNya kaboo wo’u panewa Ia mampakapura nosaNya.

Markus 15:37

Wali yako etu, i Yesu maroso looNya kaboo wo’u panewa Ia mampakapura nosaNya.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Lukas 23:46

Roo see i Yesu maroso loonya kaboo, manganto’o, “Pa’angKu, toniingKu Kusarumakakamo resi Komi.” Wali ojo karoonya i Yesu manganto’o gombo etu Ia mampakapura nosaNya.

Ibrani 13:20

Pasi aku mampokaika komi seja. Aku makai-kai resi i Pue Allah to roomo mangawangu muni i Yesu, Pue ngkita, apa saba raaNya tempo Ia mate. Raa etu tondong parajanji to singkasaenya to naika i mPue Allah. Wali i Yesu mawalimo to Pangkampang to bae anggaNya pasi kita to mangaya raporapaka ewa domba to ikampangiNya. Wali aku makai-kai resi i Pue Allah, pu’u ngkarodo ndaya,

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

2 Yohanes 1:7

Wali Indo, boros to pantipu to re’e ri sambawo lino si'i. Tau etu bo'onya mampatimonso, manganto’o, "I Yesu Ia Kerisitu, Makole napokau i mPue Allah ma'i mawali to lino." Wali tau to mampobo’o i Kerisitu etu, sira semo to pantipu pasi bali i ngKerisitu.

1 Yohanes 4:3

Pei ane ia taa mampatimonso i Yesu Kerisitu napokau i mPue Allah ma'i mawali to lino, batuanginya gombonya si'a yako resi i Pue Allah. Gombonya etu yako resi bali i ngKerisitu. Pasi komi mangansani yami mangkonong etu apa komi roomo rapakarebaka mangkonong bali i ngKerisitu to darata ri lino si'i, pei si'i-si'i aku manganto’oka komi re'emo tau to mangalulu pampobuuka to si ia. Wali anu kita mamparesa ruyu gombo ntau.

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Yohanes 11:42

Kamonsonya Aku mangansani Komi sangkani mampodongeka pokai-kaingKu. Pei Aku manganto’o gombo etu apa saba tau boros to makore ri awengKu si’i, see sira damangaya monso pu’u Komi semo to nampokau Aku.”

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Yesaya 53:3

Wali to Papolaong i mPue Yawe, Ia narowis ntau pasi napobo’o nsira. Ia bae kojo kamawo ndayaNya pasi Ia malagi ngkani mangarata kasesa. Wali kita mangarowis Ia pasi taa manga’angga Ia, see naka kita ewa mangandolika yau tango ngkita yako resi Ia.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Ibrani 10:5

Wali see naka tempo i Kerisitu ma’i ri lino si’i, Ia manganto’oka i Pue Allah, to’oNya, “Komi taa mamporani binatang to nasimbaleka ntau Komi pasi pampue to yusa to napampueka ntau resi Komi. Pei Komi re’e mampasigenaka Aku koro to darapampueka resi Komi.

Ibrani 10:10

Wali i Yesu Kerisitu mampolaika pamporani i mPue Allah, pasi mampampueka koroNya resi Ia. Wali yako palaong to i Yesu Kerisitu sangkanija mangika etu, see naka kita mawali i Pue Allah Puenya. Pasi palaong etu tamo parluu raika wo’u kadua ngkaninya.

Ibrani 11:7

Wali i Nuh seja mangaya i Pue Allah pasi yako pangayanya etu see naka ia mampodongeka patiendo i mPue Allah mangkonong palaong to damawali. Nempo ia taware mangkita palaong to ewa wetu, pei ia tiroo mangaya. Ia mampalaika i Pue Allah saba manga’angga Ia, wali ia mangika bangka bae see ia darapalaes sindara-ndara pei samparia tau to maroo ri banuanya. Wali yako pangayanya etu see naka manasa kojo to lino to yusa masipato nahuku i mPue Allah apa sira taa mangaya. Pasi apa saba pangayanya etu, see naka i Nuh mawali seja tau to nato’oka i mPue Allah tare dosanya.