Ibrani 5:6 - Tuntu i mPue ri Basa Taa

⁶ Pasi re’e wo’u gombo to yusa to nato’o i mPue Allah, Ia manganto’o, “Korom mawalimo to pampue rataka ri singkasaenya, sewaju ewa i Melkisedek tempo owi.” (Masmur 110:4) Etu semo gombo i mPue Allah resi i Kerisitu.

Sura Magali Nuntu Ngkatuwu

⁶ Reʼe woʼu ndapangantoʼo i mPue Ala, “Siko da mewali tadu mpanyomba rantani masae-sae, ewa i Tadu mPanyomba i Melikisede.”

Ibrani 5:6 Referans Kwoze

Ibrani 7:17

Kita mangansani etu apa re’e gombo i mPue Allah to ratulis ri raya ntuntuNya, Ia mampogomboka AnaNya, to’oNya, “Komi mawalimo to pampue rataka ri singkasaenya, sewaju ewa i Melkisedek tempo owi.” (Masmur 110:4) Etu semo gombo to ratulis ri raya ntuntu i mPue Allah.

Ibrani 7:21

Ane tau to yusa mawali to pampue, i Pue Allah tare mangika parajanji resi sira. Pei tempo i Yesu mawali to pampue, tempo etu i Pue Allah mamparajanjika kojo Ia, to’oNya, “Aku, i Pue, room mamparajanjika kojo pasi Aku taa damambali pampobuukangKu, Aku manganto’o, ‘Komi mawali to pampue rataka ri singkasaenya sewaju ewa i Melkisedek.’” (Masmur 110:4) Etu semo parajanji i mPue Allah.

Ibrani 7:3

Wali ane mangkonong i Melkisedek etu, tare ratulis mangkonong pa’anya pei indonya pei wiyaanya. Pasi taa seja re’e bara kesaa ratulis mangkonong kare’enya bara kapatenya. Pei ia ewa Ana i mPue Allah, apa ia tiroowa to pampue rataka singkasaenya.

Ibrani 6:20

I Yesu roomo mampatiruyu pei kita masua ri raya songi etu. Pasi Ia mamponsaruka kita apa Ia mawalimo to pampue to bae anggaNya, sewaju ewa i Melkisedek tempo owi.

Ibrani 7:15

Wali manasa wo’u resi kita to pampue to tempo ruyu roomo rabolosika to pampue to yusa apa i Pue Allah mangampilis wo’u to pampue to yako ri wiyaa to yusa. Wali apa saba i Pue Allah mangampilis tau yako ri wiyaa to yusa, manasa resi kita tau to wiyaa i Lewi tamo rapake. To pampue to napilis i mPue Allah etu sewaju ewa i Melkisedek.

Ibrani 7:8

Pasi re’e wo’u pasisalanya, apa ane to pampue to wiyaa i Lewi to mangantima santila sampuyu, sira ojo tau to damate seja. Pei ane i Melkisedek to mangantima santila sampuyu yako resi i Abraham etu, tare ratulis mangkonong kapatenya, wali ane ewa ratulis ri Tuntu i mPue Allah, ia tuwu.

Ibrani 7:11

Wali porenta i Musa to rawaika resi to Yahudi, porenta etu taa maya maga’a yako ri palaong ntau to wiyaa i Lewi. Pei palaong nto pampue etu taa gana damangika see tau mawali masilonga ri pangkita i mPue Allah. Apa ane gana palaong nsira, tamo re’e batuanginya pasuwu nto pampue to yusa. Pei taa kojo gana palaong nsira, see naka masuwu to pampue to mangabolos sira. Wali ane to pampue to wiyaa i Lewi rabolosika to pampue to yusa, ane ewa see, taa maya taa porenta i Musa rabolosika seja porenta to yusa. Apa to pampue to mangabolos wiyaa i Lewi, ia taa sewaju pangkaNya pei pangka i Harun to nato’o mporenta i Musa. Ia sewaju pei i Melkisedek semo.