Ibrani 5:2 - Tuntu i mPue ri Basa Taa

² Tau etu mangika dosa etu apa saba sira tawa manasanya pasi apa saba sira ratipu. Wali to pampue etu nakurang mangansabaraka sira apa ia to lino seja, wali ia mayu’u seja sewaju pei sira.

Sura Magali Nuntu Ngkatuwu

² Tadu mpanyomba setu maria kakuranya, inceʼe puʼunya maʼalusu powianya ri waʼa ntau anu bareʼe naincani bara nunjaa-njaa pai bareʼe naincani jayanya.

Ibrani 5:2 Referans Kwoze

Ibrani 4:15

Wali Ia mawali to pampue to bae anggaNya to mamponsaruka kita ri tango i mPue Allah. Pasi Ia si’a to pampue to taa nakurang mangepe seja kayu’u ngkita. Ia mangepe kojo apa Ia room seja mangarata samparia ngaya mpanggoda to kita mangarata, pei Ia tare mangika dosa.

Ibrani 2:18

Wali apa saba Ia mawali to lino, see naka Ia nakurang kojo mangansawang kita ane kita mangarata panggoda, apa Ia semo to mangarata seja panggoda pasi kasesa seore.

Ibrani 7:28

Wali porenta i Musa mampakatantu tau damawali to pampue to bae angganya. Pei tau to rapakatantuka etu, tau to mayu’u. Pei karoonya i Pue Allah mangawaika i Musa porenta etu, roo see ratamo temponya Ia mangika parajanji to maroso kojo. Wali parajanjiNya etu mampakatantu Ananya mawali to pampue to bae anggaNya. Wali AnaNya etu mawali to pampue to masilonga kojo rataka ri singkasaenya.

Ibrani 12:13

Pasi pakalempe jaya to nululu ngkomi see tau to sampungku to mangalulu komi taa datikaledo, pei witinya sampungku etu matao muni.

Galatia 4:13

Komi mangansani naka pei mawali aku mampakarebaka kareba matao resi komi seore, apa saba aku maroo-roo resi komi apa masaki.

2 Korintus 12:5

Wali masipato ane rapanya aku tabaro mangkonong pangkita to magaya to napapokitaka i mPue aku etu. Pei ane mangkonong korongku aku taa databaro kasimbalinya yako mangkonong palaong to mampakanasa kayu’u ndayangku.

1 Timotius 1:13

Nempo maja’a kojo lengkongku resi Ia tempo aku tawa mangaya, Ia tiroo mangawaika aku palaong to etu. Tempo aku tawa mangaya, tempo etu aku semo tau to manto’o maja’a i Kerisitu, pasi aku tau to mampakasesai Ia pasi mangarunes Ia. Pei i Pue Allah mamporayang aku apa samparia palaong etu inikangku saba kabeangku apa aku tawa mangaya.

2 Korintus 11:30

Wali yako kasesa to aku mangarata etu, see naka manasa pu’u aku mayu’u rayangku. Wali kamonsonya aku taa rani tabaro, pei ane rapanya aku tabaro, ane ewa see aku databaro ojo mangkonong palaong to mampakanasa kayu’u ndayangku etu. Apa ane ewa see, manasa resi komi aku taa seja gana karoso ndayangku ane taa nasawang i mPue.

Lukas 22:32

Pei Aku roomo mampokaika korom, Simon, see korom taa dapura kojo pangayamu. Korom damangandolika tangomu yako resi Aku pei tempo korom mangandolika muni tangomu resi Aku, tempo etu pakaroso pangaya nu yunumu si’i.”

Posuwunya 32:8

Sira roomo mangandolika tangonya yako porentangKu, pei mampue wo’u anu to naika nsira yako weyawa to ta’anya ewa ana nsapi to pongka. Wali sira re’e madungku yau ri tango nu ana nsapi etu pei mansambale yau binatang mangika pampue mampakabae ana nsapi etu. Sira manganto’o, ‘Si’i semo pue ngkita to Israel to nangkeni yau kita yako la’u tana Mesir.’ Etu semo palaong to maja’a to naika nu yunu ngkorom ri tempo si’i.”

TADULAKO 2:17

Wali tempo owi, bue-bue ntau Israel etu, sira mangalulu kojo porenta i mPue Yawe. Pei tempo si’i tau Israel si’amo ewa buenya tempo etu. Apa sira majoli kojo mangandolika yau tangonya yako resi i Pue Yawe. Pasi sira bo’onya seja mampodongeka to pobotus to mampalaes sira etu. Wali sira raporapaka ewa tau to masala apa sira mangandolika tangonya yako resi i Pue Yawe pei mangaluluka yau wo’u pue-pue to yusa pei mampue mampakabae pue-pue to etu.

Epesus 4:18

Sira taa nakoto mangansani bara kesaa apa pampobuuka nsira ewa mawuri. Sira longko yako ri katuwu to nawaika i mPue Allah apa sira bo’onya kojo mangansani Ia apa mako’o wo’onya.

Ibrani 2:17

Wali i Yesu mawali to pampue to bae anggaNya to mangansawang to lino. See naka Ia taa maya taa mawali seja to lino to sewaju kojo pei kita to pua’iNya. Apa ane Ia mangarata seja samparia to narata ngkita to lino, ane ewa see Ia maya mawali to pampue to mamporayang to lino pasi to maya rasarumaka mangika palaong i mPue Allah. Pasi Ia mawali to pampue to bae anggaNya see Ia maya mampampueka pampue to mampakasanang i Pue Allah see Ia mangalapa dosa ntau to Ia Puenya.

Ibrani 9:7

Pei ojo to pampue to bae angganya to maya masua ri songi to kadua. Santo’u sangkani ia masua pasi taa maya masua ane taa mangkeni raa. Wali raa etu raa nu binatang to ia mangkeni damampampueka resi i Pue Allah. Naka pei ia mangkeni raa etu see i Pue Allah tamo damangkitanaka dosa to si ia pasi dosa ntau boros to taa naporaya-rayaka nsira mangika.

Yakobus 5:19

Wali a’i-a’ingku, ane rapanya re’e tau ri oyo ngkomi to mampiyaika jaya to monso, matao kojo ane re’e yununya to mangkeni muni ia damangalulu muni jaya to monso etu.

1 Petrus 2:25

Apa tempo ruyu kita ewa domba to pusa yau. Pei tempo si’i kita roomo mawolili muni resi to pangkampang to mangararamaka katuwu ngkita. Wali masipato kita mangika lengko ngkatuwu to mangalulu songka to si Ia.