Ibrani 5:13 - Tuntu i mPue ri Basa Taa

¹³ Wali tau to mansusu, tau etu tiroowa ana kodi. Wali tau to raporapaka ewa ana kodi etu, ia tawa nakoto mangansani anu to rapotundeka mangkonong anu to singkonong pei i Pue Allah.

Sura Magali Nuntu Ngkatuwu

¹³ Tau anu ntongo mainu susu, posokinya siʼa ntongo ongaa bareʼepa naincani mampaposisala nunjaa anu monco pai anu sala.

Ibrani 5:13 Referans Kwoze

1 Petrus 2:2

Apa komi roomo mangepe pasi mangansani i Pue Ia manoto kojo resi kita. Wali aku mamporapaka komi ewa ana kodi to owo rapoanaka. Pasi aku mamporapaka tuntu i mPue Allah ewa ue nsusu to monso. Wali ewa wimba naika nu ana kodi to owo rapoanaka etu sangkani rani mansusu, to tao-tao ewa wetu seja danuika ngkomi sangkani rani mampodongeka tuntu i mPue Allah. Apa ane ewa see, kanjo’u-njo’u karoso-roso pangaya ngkomi, wali ewa see lengko ntau to roomo rapalaes.

1 Korintus 14:20

Wali a’i-a’i, ne’emo mampobuuka ewa naika ngana mayunu. Pobuuka ewa naika ntau bose tu’a. Pei ane mangkonong palaong to maja’a, to tao-tao mampolengkoka lengko nu ana kodi to taa nansani mangika palaong to maja’a etu.

2 Timotius 3:16

Wali samparia anu to ratulis ri raya ntuntu i mPue Allah paka yako resi i Pue Allah semo. Ia semo to mangawaika tau pampobuukanya panewa sira mangantulis. Wali samparia tuntu i mPue Allah etu bae batuanginya resi kita, apa kita maya mangampake mampotundeka tau anu to monso, pasi manganseko tau to sala, mampakakonoka lengko to sala pasi mampotundeka tau lengko to singkonong pei i Pue Allah.

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

1 Korintus 3:1

Wali a’i-a’i, tempo aku re’e ri oyo ngkomi seore aku taa kukurang mampogomboka komi ewa kuika mampogomboka tau to re’emo i Nosa Mapasing. Tempo etu aku tiroo mampogomboka komi ewa kuika mampogomboka tau to tiroo mangalulu pamporani ndayanya to maja’a. Apa ri tempo etu komi tawa maroso pangaya ngkomi. Wali komi maya raporapaka ewa ana kodi.

2 Korintus 3:9

Apa ane bae batuanginya porenta to masae etu, to ojo mangahuku tau, ane ewa see, taa manto’o to tempo si’i to bae-bae wo’u batuanginya pei porenta to masae etu. Etu semo songka to mampakanasaka tau jaya see maya nato’o i mPue Allah tare dosanya.

1 Korintus 13:11

Rapanya tempo aku dakodiwa. Tempo etu gombongku ewa gombo nu ana kodi pasi pangansaningku ewa ana kodi pasi pampobuukangku ewa ana kodi. Pei tempo aku mawali bae aku mamposaka yau lengko nu ana kodi.

Markus 10:15

Apa Aku manganto’oka komi, monso pu’u ane ngana mayunu, nempo bara kesaa to nato’o ntau tu’anya sira, sira mansarumaka kojo. Wali ane tau to si’a ewa wetu pansarumakanya resi i Pue Allah, tau etu taa maya mawali tau to Ia Makolenya.”

Matius 11:25

Wali ri tempo etu i Yesu makai-kai resi i Pue Allah, Ia manganto’o, “O Pa’a, Pue nu yangi pasi lino, Aku mangabarong Komi apa Komi mangawunika yau anu to monso see taa nansani ntau to manga’angga kapande ngkoronya. Pei anu to monso etu Komi roomo mampaponsanika resi tau to tawa pande kojo ane ri pangkita nto lino.

Roma 2:20

Pasi komi seja mampobuuka komi semo to maya mampotundeka tau to taa mangansani anu to monso, pasi mampoguru ngana mayunu. Naka pei komi mampobuuka ewa wetu apa komi re’e porenta i Musa, wali komi maya mangansani samparia pasi maya manasa mangkonong anu to monso.

2 Yohanes 1:11

Apa tau to mangantabea ia, batuanginya tau etu mangansawang ia mangika palaonginya to maja'a.