Ibrani 4:9 - Tuntu i mPue ri Basa Taa

⁹ Wali manasa, tiroowa re’e kasanang ndaya to danarata ntau to i Pue Allah Puenya. Kasanang ndaya etu raporapaka ewa eo to napandoo i mPue Allah ri eo kapitu.

Sura Magali Nuntu Ngkatuwu

⁹ Mewali, tila waʼa ntau i mPue Ala ntongo reʼe pojanji kono peosa i mPue Ala ri eo kapapitu.

Ibrani 4:9 Referans Kwoze

1 Petrus 2:10

Wali tempo ruyu kita si’a tau to i Pue Allah Puenya, pei tempo si’i kita tau to i Pue Allah Puenya. Pasi tempo ruyu kita tawa mangarata pamporayang i mPue Allah, pei tempo si’i kita roomo mangarata. Wali see naka masipato kita sangkani mansarumaka i Yesu Kerisitu, watu ngkita.

Pangkita 21:4

Ia damampalasi yau samparia ue mata nsira. Pasi tempo etu tamo re’e kapate, pasi tamo re’e kamawo ndaya, pasi tamo seja re’e to tumangi bara ntida, apa samparia to re’e tempo ruyu room rawali yau.”

Ibrani 4:3

Wali kita to mangaya semo to maya mangarata kasanang resi i Pue Allah etu. Ane tau to taa mangaya, sira taa nabiaka i mPue Allah mangarata, ewa to Ia room manganto’o, to’oNya, “Aku maja’a kojo rayangKu resi sira, see naka Aku mamparajanjika, manganto’o, ‘Sira taa kojo damasua ri tampa rapandoo sindara pei Aku.’” (Masmur 95:11) Wali ewa wetu nato’o i mPue Allah, nempo si’a ewa wetu songkaNya to yako ri pomulanya. Apa ojo karoonya Ia mampapowali lino Ia re’e mandoo apa samparia palaongiNya room. Pasi yako ri tempo etu Ia re’e songka rani mangawaika to lino kasanang ndaya to raporapaka ewa masua ri tampa rapandoo sindara-ndara pei Ia.

Ibrani 4:1

Wali tiroowa re’e parajanji i mPue Allah to darabanang. Etu semo Ia damangawaika kita kasanang ndaya to raporapaka ewa tampa rapandoo. Wali see naka anu kita mangajagai kojo danaka ne’e pasi samba’a komi to taa damangarata kasanang etu.

Ibrani 11:25

Ia mangampilis damangarata kasesa sindara-ndara pei tau i mPue Allah sakowa mampakasanang koronya ri kasanang to taa masae to yako dosa.

Ibrani 3:11

Wali yako ri kaja’a ndayangKu Aku mamparajanjika, manganto’o sira taa kojo maya damasua ri tampa rapandoo sindara pei Aku.”’” (Masmur 95:7-11) Etu semo gombo to ratulis.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Matius 1:21

Wali i Maria damampoanaka ana langkai panewa korom damangansangaka Ia i Yesu, apa Ia semo damampalaes tauNya yako ri huku nu dosa nsira.” Etu semo gombo mpomakau i mPue Allah resi i Yusup.

Ibrani 4:10

Apa i sema-sema to masua ri tampa rapandoo sindara pei i Pue Allah, tau etu mandoo yako ri palaonginya ewa naika i mPue Allah mandoo yako ri palaong to si Ia ri tempo owi.

Pangkita 14:13

Wali yako etu aku mangandonge loo to yako ndate saruga. Loo etu manganto’o, “Tulis gombo si’i, gombo to manganto’o, masanang kojo tau to mangaya i Pue to mate yau yako tempo si’i.” Panewa i Nosa Mapasing manganto’o, “Monso pu’u masanang sira, apa ojo karoonya sira mate yau sira maya mandoo yako ri palaonginya to mandasai. Sira masanang apa sira damangarata wua mpalaong to naika nsira etu.”