Ibrani 4:12 - Tuntu i mPue ri Basa Taa

¹² Wali pakadota apa tuntu i mPue Allah, tuntu etu tuwu pasi maroso. Tuntu i mPue Allah raporapaka ewa wada to mataja dua mbalia to maya mangantuja pasi mangaga’a yau yotus pasi uta mbuku. Pei Tuntu i mPue Allah semo to taja-taja pei wada etu apa tempo kita mangandonge Tuntu i mPue, TuntuNya etu ewa mangantuja pasi mangaga’a yau rayanta pasi toniinta apa mampakanasa see miyala ewa wimba pampobuuka pasi songka ndayanta.

Sura Magali Nuntu Ngkatuwu

¹² Nuntu i mPue Ala inceʼe nuntu anu tuwu pai maroso; meruu katajanya pai penai anu mataja mpotimali. Nuntu setu mencisi rata-rata ri inosa; sowa-sowa ri posuncu mbuku pai uta mbuku, pai mangabulere pura-pura nawa-nawa pai tinako ndaya ntolino.

Ibrani 4:12 Referans Kwoze

Epesus 6:17

Pasi pobuuka kojo palaong to naika i mPue Allah mangampalaes kita. Apa tempo kita mampobuuka palaong to etu, pampobuukanta etu raporapaka ewa songko to mako’o to nasompeka ntentara damangajagai wo’onya. Pasi kongko kojo tuntu i mPue Allah anu raporapaka ewa wada to nawaika i Nosa Mapasing kita.

1 Petrus 1:23

Apa komi raporapaka ewa rapoanaka wo’u apa komi seja roomo rawaika katuwu to bou. Wali pu’u ngkatuwu to bou to nurata ngkomi etu, pu’unya etu taa dapura yau apa pu’unya semo tuntu i mPue Allah anu to tuwu pasi to re’e singkasaenya.

Pangkita 1:16

Pasi aku re’e seja mangkita ri paleNya tondo ngkana Ia re’e mangkongko batu’e pitu mpa’i. Pasi yako ri ngangaNya masuwu panai to mataja dua mbalia. Pasi aku mangkita seja lioNya mareme ewa mata nu eo tempo ntongo eo.

1 Tesalonika 2:13

Wali kami tare seja pandoonya manganto’oka i Pue Allah tarima matao apa tempo kami mampaponsanika resi komi tuntu i mPue Allah seore, komi manasa kareba etu yako resi i Pue Allah semo. Komi taa mampobuuka kareba etu ojo yako resi to lino. Wali see naka tempo komi mangandonge, komi masanang mangantima apa kareba etu monso pu’u tuntu i mPue Allah to mapalaong ri raya ngkita to mangaya.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Epesus 5:13

Apa ane komi manganseko tau to mangika palaong to etu, komi ewa reme to mangansindo dosa nsira see naka miyala. Apa yako reme semo naka pei miyala samparia to re’e.

Lukas 8:11

Wali yako etu i Yesu manganto’oka wo’u anaguruNya, to’oNya, “Si’i semo batuanginya rapa to Aku manganto’o etu. Wali liano etu batuanginya tuntu i mPue Allah.

Masmur 139:2

Komi mangansani tempo aku matunda pasi tempo aku makore. Pasi nempo rapanya masilongko kita dua, nempo ewa see, tempo aku taware mampobuuka, Komi mangansani yami pampobuukangku etu!

Yohanes 6:51

Wali Aku semo pangkoni to mangawai katuwu, to ma’i yako ndate saruga. Wali i sema tau to mangkoni pangkoni si’i, tau etu datuwu singkasaenya. Pangkoni si’i korongKu semo to Aku mangawaika yau to lino see maya mangarata katuwu.”

Pangkita 19:21

Panewa makole-makole pasi tentaranya etu, sira samparia napopate yau mpanai to masuwu yako ri nganga nTau to mampolea jarang buya. Wali karoonya sira mate yau, ma’i tonsi mantungku yau wombonya jamo imba kabosunya.

Pangkita 2:16

Wali ndolika tangomu yako ri dosa etu, apa ane komi taa mangandolika tangomu yako ri palaong etu, Aku majoli dama’i resi komi damangamusu tau to mangika palaong etu, Aku damangampake panai to masuwu yako ri ngangangKu.

Ibrani 13:7

Wali ne’e kalingan yau penatua ngkomi to mamporataka komi tuntu i mPue Allah tempo ruyu. Pobuuka kojo lengko ngkatuwu nsira rataka tempo ngkapate nsira, pasi rapasiwajuka pangaya nsira. Apa sira mampotundeka komi mangkonong i Yesu Kerisitu, pasi

Palaong mPomakau i mPue Yesu 4:31

Wali ojo karoonya sira makai-kai etu, kalengko-lengko banua nakasiromu nsira etu, pasi sira samparia bae kojo karoso ndaya to nawaika i Nosa Mapasing sira. Panewa sira mula mampakarebaka tuntu i mPue Allah, pasi tempo sira mampakarebaka etu sira taa kojo meka rayanya.

Palaong mPomakau i mPue Yesu 2:37

Wali tempo tau boros mangandonge gombo i mPetrus etu sira soso kojo rayanya, wali sira mangampotanaka resi ia pasi pomakau to yusa etu, sira manganto’o, “A’i-a’i, ane ewa see kesaa to kami damangika?”

Pangkita 2:23

Pasi Aku damampopate yau samparia ana ntau we’a etu. Panewa samparia tau to mangaya Aku damanasa Aku semo to mangansani kojo pampobuuka ntau pasi raya ntau. Pasi Aku damangawaika resi komi anu to singkonong ewa wimba palaong ngkomi samba’a pei samba’a.

Pangkita 20:4

Wali ojo karoonya aku mangkita palaong etu, aku mangkita wo’u gadera-gadera makole. Pasi to matunda ri gadera makole etu, sira rawaika kuasa mawali to pobotus. Pasi aku mangkita seja tonii ntau to rapu’ak yau wo’onya. Naka pei rapu’ak wo’o nsira apa saba sira mampakarebaka mangkonong i Yesu pasi mangkonong tuntu i mPue Allah. Sira taa mampue resi binatang to maja’a bara resi tau-tau binatang etu, pasi sira taa seja mangantima tondong binatang etu ri kirenya bara ri palenya. Wali sira rapu’ak wo’onya pei i Pue Allah mampotuwu muni sira panewa sira maporenta sindara-ndara pei i Kerisitu sansowu nto’u kasaenya.

1 Tesalonika 5:23

Wali kami makai-kai resi i Pue Allah to mangawaika kita kasanang see Ia mampasilonga komi see kanjo’u-njo’u kaboro-boros komi mangika lengko to masipato naika ntau to Ia Puenya. Pasi kami makai-kai seja see Ia mangararamaka komi see tonii ngkomi, raya ngkomi, pasi koro ngkomi, samparia paka tare to maya rato’o sala ane ratamo temponya danakama’i i Yesu Kerisitu, Pue ngkita.

2 Korintus 4:2

Pei kami roomo mamposaka yau palaong to masipato rawuni pasi to masipato rapokea. Pasi kami taa mangantipu sa’e, pasi tempo mampakarebaka tuntu i mPue Allah kami taa mangawali yau batuanginya. Kasimbalinya yako etu, kami mampakanasaka kojo resi tau anu to monso see samparia tau damatantu kojo ri rayanya kami maya rasarumaka. Pasi i Pue Allah semo matamanasa mami tempo mangika palaong to etu.

Yakobus 1:18

Pasi yako pamporani to si Ia see naka Ia mampapowali kita mawali anaNya. Ia mangika palaong etu mangampake kareba to monso. Naka pei i Pue Allah nampapowali kita mawali anaNya see kita semo mawali to bae-bae angganya pei samparia anu to Ia nampapowali. Apa kita raporapaka ewa pae to uyunya rapota to rapampueka resi i Pue Allah, to mawali Ia Puenya. Wali matao kojo sora i mPue Allah resi kita etu.

2 Korintus 2:17

Pei kami mangkoto mangika, apa i Pue Allah semo to mampokau kami. Pasi kami buya raya manganto’o anu to monso ri pangkita i mPue Allah apa kami samba’a pei i Kerisitu. Kami si’a ewa tau boros to ojo mangaliwu kasugi naka pei sira mampakarebaka Tuntu i mPue Allah.

1 Korintus 1:24

Pei re’e tau to room napokio i mPue Allah mawali Ia Puenya. Tau etu re’e to Yahudi pasi re’e seja to si’a to Yahudi. Wali tau etu mangandonge kareba matao pasi mangaya i Kerisitu. Tempo etu i Kerisitu mampaponsanika sira kuasa i mPue Allah pasi kapande i mPue Allah.

Palaong mPomakau i mPue Yesu 5:33

Wali ojo pangandonge ngkepala-kepala gombo to nato’o mpomakau i mPue Yesu etu, sira maja’a kojo rayanya. Sira rani mampopate yau pomakau etu.

Yohanes 12:48

Pei tau to mampobo’o Aku pasi to taa mampodongeka gombongKu, re’e kojo anu to damampakanasa tau etu masipato rahuku. Anu to mampakanasa etu, etu semo gombo to Aku roomo manganto’o. Apa ane temponya i Pue mosumo darata, tempo etu tau to mampobo’o Aku ia darahuku singkonong pei gombo to Aku roomo manganto’o etu.

Palaong mPomakau i mPue Yesu 7:38

Wali i Musa ia semo mawali to mamponsaruka to Israel nja’u pada bone. Ia semo to mangandonge gombo mpomakau i mPue Allah to mampogomboka ia ri Tongku Sinai panewa ia wo’u mamporata resi bue-bue ngkita gombo etu. Wali tuntu to mangawaika katuwu yako resi i Pue Allah, tuntu etu rasarumakaka resi i Musa, panewa tuntu etu ia mamporata resi kita.

Epesus 5:26

Naka pei Ia mangkapateka kita see kita damawali i Pue Allah puenya. Pasi ia mampakayongongika raya ngkita yako dosanta. Anu to Ia mangampake mampakayongongika raya ngkita, etu semo tuntuNya anu raporapaka ewa ue to rapake mangariu tau.

Ibrani 6:5

Pasi tau etu roomo mangepe Tuntu i mPue Allah matao kojo, pasi room seja mangepe kuasa to danapaporaoka i mPue Allah tau ri tempo to daratamo.