Ibrani 3:3 - Tuntu i mPue ri Basa Taa

^3-4 Pei i Yesu semo to masipato mangarata angga to bae-bae pei angga to narata i Musa. I Yesu maya raporapaka ewa bas, pasi i Musa raporapaka ewa banua to iwanguNya. Apa bas semo to bae-bae angganya pei banua to iwangunya etu. Kamonsonya i Pue Allah semo to mangika samparia anu to re’e, pei ane ewa rapa to aku manganto’o etu, i Yesu masipato mangarata angga to bae-bae pei angga to narata i Musa.

Sura Magali Nuntu Ngkatuwu

³ Paikanya i Yesu singkana meruu da ndapantubunaka painaka i Musa. Maka tau anu mawangu banua inceʼe anu meruu ndapantubunaka pai banua anu nawangu.

Ibrani 3:3 Referans Kwoze

1 Korintus 3:9

Apa kami mangika palaong i mPue Allah sindara-ndara pei Ia. Pasi komi maya raporapaka ewa nawu to naika i mPue Allah, pasi ewa banua to iwanguNya.

Ibrani 2:9

Pei to kita mangansani, parajanji i mPue Allah etu rabanangimo apa saba i Yesu semo. Etu semo jaya to napake i mPue Allah mangabanang parajanjiNya etu. Kamonsonya, tempo i Yesu ma’i ri lino si’i, Ia rapakakodi pangkaNya see kodi wo’u sangkodi pei pangka mpomakau i mPue Allah. Ia mawali ewa wetu see Ia maya mangarata kasesa sampe mate yau mangkapateka samparia tau, apa saba kanoto i mPue Allah. Roo see, apa saba Ia buya rayaNya mate yau ewa wetu, see naka tempo si’i Ia nawaika i mPue Allah pangka to meyawa pasi to ra’angga.

Kolose 1:18

I Pue Allah masilonga kojo, wali ane ewa pamporani to si Ia samparia kasilongaNya etu paka re'e seja ri raya nu AnaNya. Pasi AnaNya etu, Ia semo to napake i mPue Allah mangika jaya see samparia anu to re'e, to ri wawo lino pasi to ndate saruga, rawali see maya masingkatao pei Ia. Apa tempo i Yesu mate ri kaju pasape masuwu raaNya, pasi yako raaNya etu naka pei re'e kasingkatao. Wali Ia semo kepala ngkita to mangaya Ia, to raporapaka ewa koroNya. Ia pu'u ngkatuwu ngkita pasi Ia semo to matiruyu rawangu muni yako ri kapateNya pei taa mate wo'u. Wali naka pei palaong etu mawali, see Ia semo to bae kojo pangkaNya.

Matius 16:18

Wali Aku manganto’oka korom ewa si’i. Sangamu i Petrus, batuanginya watu kodi. Pei Aku, to nuto’o ngkorom i Kerisitu, Aku raporapaka ewa watu to bae kojo. Wali ane watu to bae kojo, watu etu maya napake ntau mangika pondasi banua see banua etu damaroso. Wali ewa see seja Aku semo to damawali ewa pondasi to mampakaroso tau to mangaya Aku, tau to raporapaka ewa banuangKu. Wali samparia tau to mangaya Aku sewaju ewa korom mangaya Aku, tau etu damaroso kojo. Sira ewa banua to maroso kojo to tare to maya mampakaja’aka yau. Wali pasiwa kuasa ngkapate taa seja maya manganangi sira.

2 Korintus 3:7

Pei porenta to ratulis etu, etu semo porenta i Musa to natulis i mPue Allah ri woto mbatu tempo owi. Wali tempo i Musa nawaika i mPue Allah porenta etu, bae kojo kayawa i mPue Allah to nakita i Musa etu. See naka lio i Musa makilo kojo naika ngkayawa etu. Wali yako etu i Musa nayau muni damampakarata porenta etu resi to Israel. Pei rata resi sira lionya mamulamo makurang muni karemenya. Pei nempo ewa see, to Israel tawa nakoto mangalo’aka yau ri lionya etu apa saba tiroowa makilo. Wali bae kojo kayawa to rakita ri tempo i Pue Allah mangawaika i Musa porenta, nempo porenta etu ojo mampakanasaka tau masipato rahuku mate. Pasi yako ri kayawa etu kita mangansani bae kojo batuanginya porenta etu.