Ibrani 2:3 - Tuntu i mPue ri Basa Taa

³ Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Sura Magali Nuntu Ngkatuwu

³ Pagonya katesorepaka anu meruu ngkadagonya ungka ri waʼa ncongka setu! Tau anu bareʼe mangkomatasi katesorepaka setu, tau setu bareʼe da lapa ungka ri popahuku. Maka i Pue ngkalio-A anu uyu-uyunya da mamparata katesorepaka setu, pai waʼa ntau anu madonge riunya mancabemo pai mampatongawa kamonconya ri kita.

Ibrani 2:3 Referans Kwoze

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.

Roma 2:3

Pei a’i-a’i, komi ojo to lino seja, komi seja mangika lengko to nupakasalaka sa’e etu. Wali ane ewa see ne’e mampobuuka i Pue Allah bara taa damangahuku seja komi.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

Palaong mPomakau i mPue Yesu 4:12

Wali tare tau to yusa to maya mampalaes kita kasimbalinya yako i Yesu etu. Apa ri sambawo lino tare kasimbalinya wo’u to nawaika i mPue Allah kita to lino, ojo patanya i Yesu, Ia semo to mampalaes kita.” Wali etu semo gombo i mPetrus.

Ibrani 4:11

Wali anu kita mampakadota see mangarata kasanang ndaya etu, danaka ne’e kita to taa damangarata apa saba taa mangampalaika i Pue Allah ewa naika bue-bue ngkita tempo owi.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Lukas 1:2

Pasi sarita to natulis nsira etu sewaju kojo pei sarita to kita roomo mangandonge yako resi tau to yusa. Tau to yusa etu, sira semo tau to matamanasa mpalaong to naika i mPue Yesu yako ri pamulanya, pasi sira semo to mampakarebaka resi kita kareba matao.

Pangkita 7:10

Wali sira maroso loonya manganto’o, “Kita napalaes i mPue Allahnta anu matunda ri gaderaNya, pasi napalaes seja nu Ana Domba.”

Titus 2:11

Apa i Pue Allah re’e mampaponsanika kita to lino kanotoNya see samparia kita maya rapalaes.

1 Timotius 1:15

Wali gombo to dakuto’o si’i monso pu’u pasi masipato kojo ra’aya. Etu semo, i Kerisitu Yesu ma’i ri lino si’i damampalaes tau madosa. Wali aku semo tau to bae kojo dosangku,

Matius 23:33

“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!

Ibrani 4:1

Wali tiroowa re’e parajanji i mPue Allah to darabanang. Etu semo Ia damangawaika kita kasanang ndaya to raporapaka ewa tampa rapandoo. Wali see naka anu kita mangajagai kojo danaka ne’e pasi samba’a komi to taa damangarata kasanang etu.

Palaong mPomakau i mPue Yesu 2:22

Wali ojo karoonya i Petrus manganto’oka sira gombo i mPue Allah tempo owi etu, ia manganto’o wo’u, “A’i-a’ingku to Israel. Padongeka gombongku si’i. I Yesu to Nasaret etu, Ia semo to ma’i seore napokau i mPue Allah. Manasa Ia napokau i mPue Allah apa Ia nawaika i mPue Allah kuasa mangika palaong to taa rapobiasa pasi to mampakaipu raya ntau, pasi Ia rawaika seja kuasa mangika palaong to mawali tondong resi tau. Wali manasa seja resi komi i Yesu napokau i mPue Allah apa palaong to nikaNya etu Ia nangika ri tango mata ngkomi seja.

Palaong mPomakau i mPue Yesu 1:22

Etumo yako ri tempo i Yohanes mangabaptis tau, rataka ri tempo i Yesu tiokotaka yako ri oyo ngkita. Wali tau to darapilis etu, ia damawali seja matamanasa sindara-ndara pei kita mangkonong i Yesu Ia tuwu muni yako ri kapateNya.”

Yohanes 15:27

Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”

Lukas 24:19

Wali i Yesu mampotanaka, “Palaong kesaa?” Wali sira dua mangansono, sira manganto’o, “Mangkonong palaong to nawali resi i Yesu to Nasaret. Ia samba’a to pantuntu tuntu i mPue Allah. Pasi ri pangkita i mPue Allah pasi ri pangkita ntau boros, samparia to Ia manganto’o pasi to Ia mangika mampakanasaka tau Ia bae kojo kuasaNya.

Markus 1:14

Wali re’e seore i Yohanes to Pombaptis ratarungku. Tempo ia nja’uwa nja’u raya ntarungku, tempo etu i Yesu yau njo’u propinsi Galilea. Rata nja’u ria Ia mampakarebaka resi tau boros kareba matao yako resi i Pue Allah. Si’i kareba matao anu nato’oka i Yesu tau boros etu. Ia manganto’o, “Daratamo temponya i Pue Allah damawali Makole ri lino. Wali see naka pojeamo pei aya kareba matao yako resi i Pue Allah etu.”

1 Tesalonika 5:3

Wali tempo etu tau tongonya manganto’o, “Kita tuwu masanang pasi tare to damampakaja’a kita.” Ewa wetu nato’o ntau, pei tempo etu semo kodi majoli sira darapakaja’aka yau pasi sira tare jaya mampiyaika palaong to etu. Palaong etu raporapaka ewa tau we’a to damoana, apa ane tau we’a etu kodi majoli ia mangepe makiki komponya pasi taa seja re’e jaya mampiyaika ntidanya etu.

Lukas 1:69

Apa Ia mangawaika kita to pansompo to maroso. To pansompo etu, Ia wiyaa i Makole Daud, to papolaong i mPue Allah tempo owi.

Matius 4:17

Wali yako tempo etu, i Yesu mula mampakarebaka tau, Ia manganto’o, “Pojeamo, apa daratamo temponya i Pue Allah damawali Makole ri lino.”

Roma 11:14

Wali naka pei aku rani kojo tau to si’a to Yahudi mangaya kareba matao etu see bara re’e seja yunungku to Yahudi to damawali kaloo mangkita sira. Apa ane sira kaloo, sira bara damangaya seja panewa sira darapalaes.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.

Ibrani 1:1

Wali tempo owi i Pue Allah malagi ngkani mampogomboka bue-bue ngkita liu ri nganga nto pantuntu TuntuNya. Pasi mpangaya-ngaya jaya to Ia mangampake mangampogomboka sira etu.

Ibrani 1:14

Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to bae-bae batuanginya pei sanga pasi pangka mpomakau i mPue Allah.

Ibrani 9:28

Pasi ewa see seja i Kerisitu sangkanija rapampueka resi i Pue Allah damangansompo dosa ntau boros. Pasi darata temponya Ia dama’i kadua ngkaninya. Tempo etu Ia si’a dama’i damangansompo wo’u dosa ntau, pei Ia dama’i resi tau to mangampeas Ia damampalaes sira yako ri kasusa ngkatuwunya ri lino to madosa si’i.

1 Yohanes 1:1

Wali kami mangantulis sura si'i mangkonong tau to rato'oka Tuntu to tuwu. Ia yako singkasaenya katuwuNya, wali tempo pamulanya lino si'i Ia re'emo. Pei tempo seore Ia ma’i maroo ri lino si’i, pasi kami semo to mangandonge gombo to to'oNya, pasi kami mangkita Ia pei mawali matamanasa mpalaongiNya, pasi pale mami mampotaka Ia.

I Yudas 1:17

Pei a’i-a’i anu kuporayang, ne’e rakalingan anu to nato’o yami mpomakau i Yesu Kerisitu, Pue ngkita.