Ibrani 2:14 - Tuntu i mPue ri Basa Taa

¹⁴ Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Sura Magali Nuntu Ngkatuwu

¹⁴ Ua waʼa ntau anu ndatoʼo ana setu, inceʼemo tolino anu da mate, maka i Yesu mompasiwia pai tau seʼe pai tuwu ewa katedikanaka ngkatolino ntau seʼe. Powia-A ewanceʼe da naka ua kapate-A ndakoto manganangi i Majaʼa anu mangkuasai kapate.

Ibrani 2:14 Referans Kwoze

2 Timotius 1:10

Pasi si’i-si’i Ia room mampaponsanika kita songkaNya pasi kanotoNya etu, apa i Kerisitu Yesu, to Pansompo ngkita, Ia nama’imo. Wali i Kerisitu Ia room mampakapura kuasa ngkapate, pasi yako ri kareba matao Ia re’e mampaponsanika kita jaya to mangarata katuwu to tare kapuranya.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Kolose 2:15

Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

1 Korintus 15:50

Wali a’i-a’i, ewa si’i batuanginya. Ane ri tempo si’i koro ngkita re’e wombo pasi raa. Wali koro to ewa wetu taa masipato mangarata anu to matao to rawaika resi tau to Makolenya i Pue Allah. Pasi koro ngkita to maya boo yau si’i taa seja masipato mangarata tilanya ri katuwu to singkasaenya.

Pangkita 1:18

Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”

Roma 14:9

Wali naka pei i Kerisitu mate pasi tuwu muni see Ia maya mawali Pue ntau samparia, nempo to matem pasi to tuwuwa.

Yesaya 53:12

Wali Ia tare dosaNya, pei Ia buya rayaNya mate yau mangkapateka tau boros, tau to monso pu’u madosa. Wali ane ewa pampobuuka ntau Ia tau to mangewa porenta i mPue Allah, pei kamonsonya Ia mamponsaruka tau to monso pu’u mangewa porenta i mPue Allah etu wali see naka Ia mangarata huku to masipato narata nsira. Naka pei Ia mangarata huku nsira etu see dosa nsira tamo darakitanaka. Wali see naka i Pue Yawe manganto’o, “Apa saba Ia buya rayanya mangika palaong to etu, see naka Aku, i Pue Yawe, damangokotaka Ia mawali bae kojo angganya. Pasi Ia damangarata dale to raporapaka ewa kasugi to narata ntentara to manganangi balinya.” Etu semo to nato’o i mPue Yawe mangkonong to PapolaongiNya etu.

Ibrani 2:18

Wali apa saba Ia mawali to lino, see naka Ia nakurang kojo mangansawang kita ane kita mangarata panggoda, apa Ia semo to mangarata seja panggoda pasi kasesa seore.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Ibrani 4:15

Wali Ia mawali to pampue to bae anggaNya to mamponsaruka kita ri tango i mPue Allah. Pasi Ia si’a to pampue to taa nakurang mangepe seja kayu’u ngkita. Ia mangepe kojo apa Ia room seja mangarata samparia ngaya mpanggoda to kita mangarata, pei Ia tare mangika dosa.

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Yohanes 12:24

Aku manganto’oka komi, monso pu’u ane rapanya sampa’i pae, ane taa rapomuya pei mawali ewa daboo yau, pae etu taa tuwu pei tiroowa sampa’ija. Pei ane rapomuyamo pae etu mawali ewa daboo yau, pei roo see ia tuwu pei mawali malagi mpa’i. Pasi ewa wetu seja to damawali resi Aku tempo Aku rapongkeli yau, apa yako etu Aku datuwu muni, roo see malagi tau to damangarata katuwu.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Pangkita 20:2

Wali pomakau etu ia mangansoko ule naga, ule to yako tempo owi. Ule naga etu semo to rato’oka i maja’a pasi i Kepala Measa. Wali ia mangansoko ule naga etu panewa ia mangampunguka rante panewa mangantajika yau lo’u raya mbayau to taa ransani ungka ngkayombunya. Ojo karoonya ia mangantajika yau ule naga etu ri raya mbayau, ia mangaba’a yau wayau etu panewa ia mangantondong, batuanginya taa maya raloka ane taa rawaika kuasa. Wali ule naga etu ia damaroo la’u raya mbayau etu sansowu nto’u kasaenya see tempo etu ia taa maya mangantipu to lino. Wali ojo karoonya sansowu nto’u etu ule naga etu ia daralapa muni ojo sangkodija tempo.

Pangkita 12:9

Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Matius 25:41

“Wali yako etu Aku damanganto’oka wo’u tau to re’e ri sambalingKu tondo ngkii, Aku damanganto’o, ‘Piyaimo yako resi Aku, komi to roomo natanaa yau i mPue Allah. Inta njo’u apu to singkasaenya mawea, to rapasigenaka i Kepala nto pantipu pasi pomakaunya.

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

Matius 16:17

Wali i Yesu manganto’o, “Masanang korom, i Petrus, ana i Yunus. Apa si’a to lino to mampaponsanika korom mangkonong Aku, Pa’angKu to ndate saruga, Ia semo to mampaponsanika korom.

1 Korintus 1:28

Pasi Ia mangampilis seja tau to kodi pangkanya pasi tau to maja’a rakita pasi to napobuuka nto lino tare batuanginya. Ia naporayaka mangampilis tau to ewa wetu see darapakapura kuasa ntau to napobuuka nto lino to bae batuanginya.

Ibrani 2:17

Wali i Yesu mawali to pampue to bae anggaNya to mangansawang to lino. See naka Ia taa maya taa mawali seja to lino to sewaju kojo pei kita to pua’iNya. Apa ane Ia mangarata seja samparia to narata ngkita to lino, ane ewa see Ia maya mawali to pampue to mamporayang to lino pasi to maya rasarumaka mangika palaong i mPue Allah. Pasi Ia mawali to pampue to bae anggaNya see Ia maya mampampueka pampue to mampakasanang i Pue Allah see Ia mangalapa dosa ntau to Ia Puenya.

Ibrani 10:5

Wali see naka tempo i Kerisitu ma’i ri lino si’i, Ia manganto’oka i Pue Allah, to’oNya, “Komi taa mamporani binatang to nasimbaleka ntau Komi pasi pampue to yusa to napampueka ntau resi Komi. Pei Komi re’e mampasigenaka Aku koro to darapampueka resi Komi.

Ibrani 10:10

Wali i Yesu Kerisitu mampolaika pamporani i mPue Allah, pasi mampampueka koroNya resi Ia. Wali yako palaong to i Yesu Kerisitu sangkanija mangika etu, see naka kita mawali i Pue Allah Puenya. Pasi palaong etu tamo parluu raika wo’u kadua ngkaninya.

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.