Ibrani 2:1 - Tuntu i mPue ri Basa Taa

¹ Wali monso pu’u, ri tempo si’i i Pue Allah mampogomboka kita liu ri nganga nu AnaNya to bae wo’u pangkaNya pei samparia pomakauNya. See naka matao ane kita mampakadota wo’u mangangkongko anu to kita room mangandonge. Apa ane taa mangkongko kojo, kita kanjo’u-njo’u kalongko-longko yako ri jaya i mPue, ewa bangka to rakeni natawuis yau nu ngoyu.

Sura Magali Nuntu Ngkatuwu

¹ Inceʼe puʼunya kita sangaya-ngaya da mainti-inti tapangkekeni waʼa mpompaguru mPue Ala anu roomo tadonge, da naka neʼe mampalaika peaya ndayata.

Ibrani 2:1 Referans Kwoze

Lukas 8:15

Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

2 Petrus 3:1

Wali a’i-a’i to kuporayang, sura si’i to kadua to kutulisika komi. Wali songkangku tempo aku mangantulisika komi sura to kadua si’i, sewaju ewa songkangku tempo aku nangantulis sura to uyunya seore. Etu semo, re’e to aku rani mampatiendoka komi. Kamonsonya aku mangansani komi buya rayamu mampobuuka gombo i mPue Allah. Pei aku rani wo’u mampatiendoka resi komi,

2 Petrus 1:15

Wali see naka aku madota kojo mangantulisika komi sura si’i mangkonong anu to etu see nempo aku roomo mate yau, tiroowa re’e sura si’i damampatiendoka komi mangkonong anu to roomo rapotundeka resi komi etu.

Ibrani 12:5

Pasi wimba komi bara roo mangkalingan yau gombo i mPue Allah to Ia manganto’o damampakaroso raya ngkomi? Ia magombo resi komi ewa nika mpa’a mampogomboka ananya, Ia manganto’o, “AnangKu, padongeka kojo tempo komi napotunde i mPue. Pasi ne’e mayu’u raya ngkomi tempo Ia manganseko komi.

Markus 8:18

Komi re’e matamu, pei komi ewa taa mangkita. Pasi re’e talingamu, pei komi ewa taa mangandonge. Wali wimba, komi bara roomo mangkalingan yau palaong to Aku roomo nangika seore?

Matius 16:9

Wimba, komi bara tawa mangansani i sema kamonsonya Aku? Wimba, komi bara roomo mangkalingan yau ewa wimba inikangKu mampokoni tau lima nsowu mangampake roti to ojo lima mpa’i? Pasi roo see sawei karanji to nabuke toro mpangkoni etu to nuporomung ngkomi?

Lukas 9:44

Ia manganto’o, “Ne’e mangkalingan gombo to daKuto’oka komi si’i: Aku, Wiyaa nto Lino, daraposora yau resi tau.” Etu semo to nato’oka i Yesu anaguruNya.

Yohanes 8:59

Wali ojo pangandonge nto Yahudi gombo i Yesu etu, sira maja’a rayanya mampobuuka Ia mampoanika i Pue Allah, wali sira mangoko watu daratasoka i Yesu, pei taa mawali apa Ia masaya yau pei miyai yako ri banua i mPue Allah.