Ibrani 13:9 - Tuntu i mPue ri Basa Taa

⁹ Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.

Sura Magali Nuntu Ngkatuwu

⁹ Neʼe ndipapaliu waʼa pompaguru anu ndapojingki anu da mampakalingu rayami. Rayami sangaya-ngaya da napakaroso ngkapande ndaya i mPue Ala, inceʼe anu madago; neʼe ua waʼa ncongka kono pangkoni. Bereʼe yowenya ri waʼa ntau piamo anu malulumo waʼa ncongka setu.

Ibrani 13:9 Referans Kwoze

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

Epesus 5:6

Wali ne’e natipu ntau to manganto’o palaong to ewa wetu taa danahuku i mPue Allah, apa gombonya etu taa monso. Apa saba yako palaong to ewa wetu naka pei i Pue Allah mangahuku tau to taa mampalaika Ia.

Roma 14:6

Ane tau to mampobuuka samba’a eo to bae batuanginya etu, ia mangika apa ewa wetu nikanya manga’angga i Pue. Pasi tau to mangkoni samparia ngaya mpangkoni, ia mangika apa ewa wetu nikanya manga’angga i Pue, apa ia manganto’oka i Pue Allah tarima matao. Pasi tau to taa mangkoni samparia ngaya mpangkoni, ia seja mangika apa ewa see nikanya manga’angga i Pue, pasi ia seja manganto’oka i Pue Allah tarima matao.

1 Yohanes 4:1

Pei ngana-ngana to kuporayang, ne'e mansaka mangaya samparia tau to manganto'o, "Aku magombo yako ri kuasa i Nosa Mapasing." Pei paresa ruyu gombo ntau etu see manasa bara monso pu'u yako resi i Pue Allah. Ika ewa wetu apa boros to pantuntu tuntu to taa monso to masuwu ri sambawo lino si'i.

Palaong mPomakau i mPue Yesu 20:30

Pasi yako ri oyo ngkomi semo re’e bara sawei mba’a tau to damampotundeka komi anu to taa monso. Tau etu damangamomis anaguru i mPue Yesu sampe anaguru etu damangalulu yau songka nsira.

I Yudas 1:12

Wali tau etu raporapaka ewa anu to mampakarintang baju, apa sira ojo mampakaja’a kasintuwu ngkomi tempo komi mangika roa mangendo kapate i mPue Yesu. Apa tempo sira mangkoni sindara-ndara pei komi sira taa mea, sira ojo mangkoni bae kojo, pasi ojo mampobuuka koronya ngkalio. Sira raporapaka wo’u ewa limu to ma’i nakeni nu ngoyu pei taa mangkeni uja. Pasi sira raporapaka seja ewa kaju to taa mawua nempo ratamo temponya napowua. Kaju to ewa wetu ewa dua ngkani mate apa uyunya tare wuanya, panewa roo see kaju etu rayali yau pasi kalenya. Wali tau etu mate tonii nsira pasi sira darahuku seja.

1 Timotius 6:20

O Timotius, jagai kojo anu to room nasarumakaka i mPue Allah resi korom. Ne’e manganto’o gombo to taa mampakasanang i Pue Allah pasi to tare batuanginya. Etu semo gombo to nato’o ntau to mangabanta, manganto’o, “Kami semo to mangansani anu to monso.” Ewa wetu nato’o nsira pei kamonsonya anu to nansani nsira etu taa kojo monso.

I Yudas 1:3

Wali a’i-a’i to kuporayang, aku re’e mansongka mangantulisika komi sura mangkonong samparia to nawaika i mPue Allah kita tempo Ia mampalaes kita. Wali tongo-tongonya aku mansongka damangantulis sura to ewa wetu, aku mangepe taa maya taa mangantulisika komi sura to mangawaika komi paposia. Etu semo see komi mampoewaka anu to kita mangaya to nasarumakaka i mPue Allah kita to Ia Puenya. Ia sangkanija mangawaika kita pangaya etu see kita mangajagai rataka ri singkasaenya.

2 Tesalonika 2:17

Wali kami mamporapika resi Ia see Ia mampakaroso raya ngkomi pasi mampakaroso pangaya ngkomi see gana karoso ngkomi damanganto’o pasi damangika samparia anu to matao.

Matius 24:24

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Matius 24:4

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino.

Kolose 2:4

Wali aku manganto'oka komi gombo si'i see komi taa danatipu ntau to ojo mangamomis komi.

2 Korintus 1:21

Pei si’a ojo etu, apa i Pue Allah, Ia semo to mampakaroso pangaya mami sindara-ndara pei pangaya ngkomi resi i Kerisitu. Pasi Ia semo to mangampilis kita mawali Ia Puenya.

1 Korintus 8:8

Pei kamonsonya pangkoni taa mangkeni kita ri awe i mPue Allah. Nempo kita taa mangkoni pangkoni etu, kita taa rugi. Pasi nempo kita mangkoni, kita tare tidugang karasinta ri pangkita i mPue Allah.

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

Roma 14:2

Rapanya, tau to maroso pangayanya manganto’o samparia ngaya mpangkoni tare to taa maya rakoni. Pei tau to taa maroso pangayanya re’e to manganto’o i Pue Allah taa mangawaika kita mangkoni nae, ojo ira ngkaju to maira to maya rakoni.

Palaong mPomakau i mPue Yesu 20:32

Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

2 Tesalonika 2:2

see komi ne’e majoli masusa pampobuuka ngkomi. Pasi ne’e moru-moru raya ngkomi mangandonge kareba to manganto’o ratamo temponya i Pue mula maporenta ri lino. Ne’e mangaya kareba etu nempo nato’o ntau to mampoanika mamporata gombo i Nosa Mapasing, pasi nempo napotundeka ntau, pasi nempo nato’o ntau to mampoanika re’e sura yako resi kami to manganto’o ewa wetu.

1 Korintus 6:13

Pasi re’e wo’u tau to manganto’o, “Pangkoni raika daraposaka la’u raya ngkompo. Pasi kompo raika damangantima pangkoni.” Wali monso seja ewa rato’o etu, pei daratamo temponya i Pue Allah damampakapura samparia etu. Wali re’e komi to mampobuuka nempo kesaa palaong to kita mangika ri koronta si’i, taa mawei. Pei koro ngkita si’i naika i mPue Allah si’a darapake masala pasi magoyal. Koro ngkita naika i mPue darapake mangika pamporani to si Ia. Pasi Ia maroo ri raya ngkoro ngkita mangansawang kita.

Galatia 6:1

Wali a’i-a’i, ane kita re’e mangangkita samba’a yununta to ra’akal see naka ia mangika palaong to sala, to tao-tao kita to nakentar i Nosa Mapasing yau mampakakonoka tau etu. Pei tempo kita mampakakonoka ia etu, ne’e kita makasar resi ia. Masipato kita masisawang ewa naika ntau to mangansawang yununya mangkoyo anu to mabeu. Apa ane kita masisawang, batuanginya kita mangalulu porenta i ngKerisitu. Pei anu kita mangajagai kojo naka ne’e kita daragoda damangika seja palaong to naika ntau etu.

Lukas 5:38

See naka matao ane tule to bou kita mampoyali la’u raya mpela binatang to bou seja see taa manja’at yau tule pasi taa seja maja’a yau pela etu.