Ibrani 13:17 - Tuntu i mPue ri Basa Taa

¹⁷ Wali polaika penatua ngkomi pasi luluka songka nsira. Apa sira semo to mangararamaka katuwu ngkomi pasi sira semo to damamposonoka pampotanaka i mPue Allah mangkonong palaong nsira etu. Wali polaika sira see sira maya mangika palaong nsira ri kandende ndayanya. Apa ane komi taa mampolaika sira, sira damawo kojo rayanya mangika palaong nsira. Pasi apa saba komi taa mampolaika sira, see naka sira tamo bae karoso ndaya nsira mangansawang komi.

Sura Magali Nuntu Ngkatuwu

¹⁷ Ndipedongeka songka waʼa nto pombawanakami, pai da medonge komi ri tau seʼe. Maka tau seʼe bareʼe bali-bali mamponinika katuwu mpeaya ndayami, pai tau seʼe da mampesonoka ri suara mPue Ala. Ane medonge komi ri tau seʼe da mawongko raya ntau seʼe ri potetalanya; ane bareʼe, tau seʼe da motetala ri kapari ndayanya pai inceʼe bareʼe da reʼe poyowenya ri komi.

Ibrani 13:17 Referans Kwoze

1 Timotius 5:17

Wali re’e wo’u to aku manganto’oka korom mangkonong ketua-ketua ntau to mangaya. Etu semo mangkonong ketua-ketua to matao kojo naika mampasilonga tau to mangaya, taa manto’o ketua-ketua to madota mampakarebaka pasi mampotundeka tuntu i mPue Allah. Wali ketua-ketua to ewa wetu sira danato’o ntau masipato mangantima ntanapa to dua ngkani kabaenya ewa to biasa.

Ibrani 13:7

Wali ne’e kalingan yau penatua ngkomi to mamporataka komi tuntu i mPue Allah tempo ruyu. Pobuuka kojo lengko ngkatuwu nsira rataka tempo ngkapate nsira, pasi rapasiwajuka pangaya nsira. Apa sira mampotundeka komi mangkonong i Yesu Kerisitu, pasi

1 Petrus 5:5

Wali re’e seja to aku damanganto’oka resi komi to damangurawa. Etu semo, luluka songka ntau to tu’amo. Pasi ne’e mabae-bae raya ngkomi, pei mawali ewa to papolaong nu yunu ngkomi samba’a pei samba’a. Apa ewa si’i ratulis ri raya ntuntu i mPue Allah, to’onya, “I Pue Allah mangewa tau to mangei, pei Ia mangawaika kanotoNya resi tau to taa mabae-bae rayanya.” (Amsal 3:34) Ewa wetu ratulis ri raya ntuntu i mPue Allah.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

1 Korintus 16:16

palaika tau to ewa wetu pasi samparia tau to mangansawang sira pasi to mangika seja palaong to etu.

Pilipi 2:12

Wali a’i-a’i anu kuporayang, tempo aku re’e resi komi seore, tempo etu komi sangkani mampolaika aku. Pei tempo si’i, tempo aku tare’e resi komi, bae wo’u batuanginya komi mampolaika gombongku. Komi roomo napalaes i mPue Allah wali pakadota samba’a pei samba’a mangika lengko ngkatuwu to masipato naika ntau to napalaes i mPue Allah etu. Pasi ri rayanya komi mangika palaong to etu, to tao-tao komi mampalaika i Pue Allah saba manga’angga kojo Ia.

Pilipi 2:29

Wali tima ia ri raya ngkandende ndaya ngkomi to bae kojo, ewa to masipato nuika ngkomi mangantima tau to samba’a seja pei i Pue. Pasi pakabae ia, apa ia mosu mate mangika palaong i ngKerisitu. Pasi ia buya rayanya nempo mate yau mangansawang aku, pasi ia mangampansaruka komi to taa nukurang mangika palaong to etu apa longko. See naka masipato komi mampakabae ia pasi samparia tau to ewa ia.

Roma 14:12

Wali kita samparia damangansono pampotanaka i mPue Allah resi kita samba’a pei samba’a mangkonong ewa wimba lengko ngkita ri raya ngkatuwunta ri lino, bara kita nangika pamporani i mPue Allah tempo etu, bara taa.

2 Tesalonika 3:14

Pasi ane bara re’e yunu ngkomi to bo’onya mampolaika gombo to natulis mami ri raya nsura si’i, jagai kojo tau etu. Pasi ne’e mampogalungika ia see ia damawali mea.

Ibrani 13:24

Wali to’oka samparia penatua ngkomi pasi samparia tau to i Pue Allah Puenya to nja’u lipu ngkomi aku taa mangkalingan sira. Pasi tau to yako Italia, sira rani aku manganto’oka komi sira taa seja mangkalingan komi.

Pilipi 4:1

Wali a’i-a’ingku to kuporayang kojo, see naka pakaroso pangaya ngkomi resi i Pue apa komi seja samba’a pei Ia. Aku mamporayang komi pasi mawongko kojo rayangku resi komi. Pasi aku ndende rayangku mampobuuka komi. Komi wua mpalaongingku wali komi raporapaka ewa dale to meyawa to narata ntau to manang.

Pilipi 3:18

Wali lulu lengko ntau etu semo apa boros tau to yusa to lengko ngkatuwunya si’a ewa wetu. Wali seore aku mandudu ngkani mampatiendoka komi mangkonong tau to ewa wetu. Pasi si’i-si’i aku tongo ngkatumangingku mampatiendoka wo’u komi manganto’o tau etu semo bali ngkareba mangkonong kapate i ngKerisitu ri kaju pasape.

Yakobus 4:7

Wali luluka songka i mPue Allah. Pei ewa i Kepala nto pantipu apa ane komi mangewa ia, ia damiyai yako resi komi.

Pilipi 1:4

Pasi ponto ngkani aku makai-kai resi i Pue Allah mampokaika komi samparia, aku sangkani ndende rayangku mampokaika komi.

Lukas 16:2

Wali see naka tau sugi etu mampokio tau to mampasilonga kasuginya etu pei manganto’o, ‘Gete, maka pei aku mangandonge kareba si’i manganto’o korom ojo mangampake yau kasugingku? Pasilongaka aku buku to nupake ngkorom mangarekeng doi to rapake, pei kenika aku, apa korom tamo maya mangika palaong to etu.’

Pomulanya 16:9

Wali pomakau i mPue Yawe manganto’oka ia, “Pawolili muni resi tau puemu etu pei luluka songkanya.”

Pilipi 2:16

Naka pei kita raporapaka ewa mangansindo lino si’i, apa kita semo to mampakarebaka resi to lino kareba to mangawaika sira katuwu to singkasaenya. Wali ika lengko to etu see ane ratamo temponya i Kerisitu ma’i wo’u, aku maya ndende rayangku mampobuuka bae batuanginya palaong to inikangku ri oyo ngkomi seore. Pasi taa tibute palaong to mandasai kojo kuepe mangika etu.

Epesus 5:21

Wali padongeka songka nu yunu ngkomi samba’a pei samba’a apa ewa wetu nuika ngkomi manga’angga i Kerisitu.