Ibrani 13:13 - Tuntu i mPue ri Basa Taa

¹³ Wali apa saba etu, ewa naika i Yesu buya rayaNya yau ri sambali ngkota danarunes ntau, anu kita buya seja rayanta ewa mangampago Ia njo’u sambali ngkota nempo kita narunes seja ntau sewaju ewa Ia seore.

Sura Magali Nuntu Ngkatuwu

¹³ Inceʼe painaka kita woʼu madadu Sira ri sambaliku mpokema tapamposiepe pejeani sangkani-ngkani pai Sira.

Ibrani 13:13 Referans Kwoze

Ibrani 11:26

Apa ia mampobuuka to bae-bae batuanginya ane nakaengas ntau apa saba mangaya i Kerisitu, Makole parajanji i mPue Allah, sakowa mangarata samparia kasugi to re’e ri tana Mesir. Ia mampobuuka ewa wetu apa ia sangkani mampobuuka ntanapa to danawaika i mPue Allah ia.

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Lukas 6:22

Masanang komi ane sa’e maja’a nakita komi, pasi bo’onya mampogalungika komi, pasi ane sira mangarowis komi pasi manganto’o maja’a komi apa saba komi mangaya Aku, Wiyaa nto Lino.

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

2 Korintus 12:10

Wali see naka aku masanang rayangku mangarata kasesa apa saba mangika palaong i ngKerisitu. Aku masanang mangarata kayu’u pasi kasiasi, pasi kasusa. Pasi aku masanang ane narunes ntau pasi ane nasesai ntau. Apa tempo korongku mayu’u, tempo etu semo aku napakaroso i ngKerisitu.

Matius 5:11

Masanang komi ane sa’e mampoja’a pasi mangansesai komi, pasi ane sa’e mangawutis manganto’o mpangaya-ngaya gombo to maja’a mangkonong komi apa saba komi Aku puenya.

Ibrani 12:3

Wali pobuuka i Yesu. Ia mangainsoka tempo mangarata kasesa etu yako resi tau madosa to mangewa Ia. Pobuuka Ia see komi taa damawali manganga pasi mayu’u raya ngkomi ane mangarata kasusa.

1 Petrus 4:4

Wali tempo si’i yunu ngkomi to tempo ruyu etu, sira ipu rayanya apa komi tamo rani sindara-ndara pei sira mangika wo’u palaong to mapari kojo kaja’anya. Wali see naka sira manganto’o maja’a komi.

Matius 27:32

Wali ri raya mpalinja nsira mangangkeni i Yesu nja’u sambali ngkota darapopate yau, tempo etu sira simparata pei samba’a tau to ma’i yako ri kota Kirene. Ngkai etu sanganya i Simon. Wali tentara etu mampakasaaka ia mampasa’a kaju darapangampaku i Yesu.

Lukas 9:23

Wali roo see, i Yesu manganto’oka wo’u sira, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ponto-ponto eo ia nempo darapopate yau saba mangalulu Aku, ia tiroowa mangaluluka Aku.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Ibrani 12:4

Apa komi raporapaka ewa mangamusu dosa, pei ri rayanya komi mangewa dosa etu komi tawa mangarata kasesa ewa kasesa to narata i Yesu, ewa Ia rapopate yau. Wali insoka ane komi mangarata kasesa.