Ibrani 12:9 - Tuntu i mPue ri Basa Taa

⁹ Pei si’a ojo etu, apa rapanya pa’a ngkoro ngkita, sira mampotunde kita pasi kita manga’angga sira. Wali ane kita mampolaika pa’a ngkoronta etu, masipato kojo kita buya wo’u rayanta mampolaika Pa’a ntoniinta see kita datuwu.

Sura Magali Nuntu Ngkatuwu

⁹ Kita mampotumpu papa ri lino, Sira mampaguru kita, pai kita woʼu mantubunaka Sira. Pagonya Papa ri peaya ndayata anu ri suruga, da meruu woʼu pepoʼinayata ri Sira da naka tuwu kita.

Ibrani 12:9 Referans Kwoze

Yohanes 3:6

Apa anu to napoanaka nto lino, ojo to lino seja. Pei anu to rapoanaka saba yako kuasa i Nosa Mapasing, etu semo tau to bou to i Pue Allah puenya.

Posuwunya 20:12

“Pasi re’e wo’u porentangKu to Kuto’oka resi komi. Etu semo, pakabae pa'amu pei indomu see masae katuwu ngkomi ri tana to Aku damangawaika komi. Aku semo i Pue Yawe, Allah ngkomi, to mangawaika komi tana etu.

1 Petrus 5:6

Wali ne’e mabae-bae raya ngkomi to tuwu ri ara ngkuasa i mPue Allah to maroso kojo. Ne’e mabae-bae raya see Ia damampakabae angga ngkomi ri tempo to masipato napangawaika.

Yakobus 4:7

Wali luluka songka i mPue Allah. Pei ewa i Kepala nto pantipu apa ane komi mangewa ia, ia damiyai yako resi komi.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.

Yakobus 4:10

Ne’e mabae-bae raya ngkomi ri tango i mPue. Apa ane kita taa mabae-bae raya ngkita Ia damampakabae angga ngkita.

Roma 9:3

Aku rani kojo to Israel rapalaes. Sira pua’ingku apa sira sambiyaa pei aku. Wali ane rapanya bara nawaika i mPue Allah aku semo ratanaa yau pei maga’a yako resi i Kerisitu see to Israel maya rapalaes, nempo ewa see aku buya rayangku. Pei taa nawaika i mPue Allah ewa wetu.

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

Palaong mPomakau i mPue Yesu 2:30

Pei i Daud ia to pantuntu tuntu i mPue Allah pasi ia mangansani parajanji i mPue Allah. Apa i Pue Allah mamparajanjika kojo ia, to’oNya, ‘Ri tempo to darata Aku damangokotaka samba’a wiyaa ngkorom damawali seja Makole sewaju ewa korom. Wali wiyaa ngkorom etu, Ia semo i Kerisitu, Makole Parajanjingku.’

Lukas 18:2

Wali Ia manganto’o, “Rapanya re’e samba’a to pobotus to maroo ri kota pasi nja’u seja samba’a tau we’a to balu. Wali to pobotus etu, ia taa mampalaika i Pue Allah pasi taa manga’angga Ia, pasi ia taa seja mamporayang tau. Wali tau we’a to balu etu tare pandoonya yau ri to pobotus etu pei mamporapika resi ia, to’onya, ‘Sawang aku naka ne’e balingku manganangi aku.’

Lukas 18:4

“Wali masae sangkodi to pobotus etu bo’onya mangansawang ia, pei tau we’a etu tare pandoonya marapi-rapi sawang resi ia, see naka ia mampobuuka, ‘Kamonsonya aku taa mampalaika i Pue Allah pasi aku taa manga’angga Ia pasi taa seja mamporayang tau, pei nempo ewa wetu to tao-tao aku mampasimbalika tau we’a si’i see ia damandoo apa ane tare pandoonya ia ma’i, gete, aku damosa kojo!’” Etu semo rapa to nato’oka i Yesu anaguruNya.

Pangkita 22:6

Wali ojo karoonya aku mangkita etu, pomakau i mPue Allah manganto’oka aku, “Gombo si’i monso pu’u pasi masipato rasarumaka. I Pue Allah to mangawaika to pantuntu tuntuNya i Nosa Mapasing, Ia semo to room mampokau pomakauNya ma’i resi komi to papolaongiNya, damampaponsanika komi palaong to tamo masae damawali.”