Ibrani 12:3 - Tuntu i mPue ri Basa Taa

³ Wali pobuuka i Yesu. Ia mangainsoka tempo mangarata kasesa etu yako resi tau madosa to mangewa Ia. Pobuuka Ia see komi taa damawali manganga pasi mayu’u raya ngkomi ane mangarata kasusa.

Sura Magali Nuntu Ngkatuwu

³ Koisa tanawa-nawa ewambeʼi kapari anu ndakoyo i Yesu mancuaraki waʼa ntau masalaa anu maewa Sira, ri gori ngkajaʼanya! Inceʼe painaka neʼe makodi rayami pai puli nawa-nawami.

Ibrani 12:3 Referans Kwoze

Galatia 6:9

Wali ne’e kita mosa mangika palaong to matao. Apa ane kita taa mandoo yau mangika palaong to matao, kita damangarata wua mpalaong etu ane ratamo temponya.

2 Korintus 4:16

Wali see naka kami taa mosa raya mami mangika palaong to etu. Apa nempo koro mami si’i kanjo’u-njo’u kayu’u-yu’u, pei raya mami ponto-ponto eo rapakaroso.

Pangkita 2:3

Aku Kunsani komi bae sabara. Komi mangarata kasusa apa saba komi mangaya Aku, pei nempo mangarata kasusa, komi taa mosa mangalulu Aku.

1 Korintus 15:58

Wali a’i-a’ingku anu to kuporayang, pakaroso pangaya ngkomi see tare pombalinya ane rata tau to rani mampakaja’a pangaya ngkomi etu. Pasi pakadota kojo sangkani mangika palaong i mPue, apa komi mangansani palaong to komi mangika resi i Pue etu bae kojo batuanginya apa komi seja darawangu muni yako ri kapatemu.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.

2 Korintus 4:1

Wali yako pamporayang i mPue Allah, see naka Ia mansarumakaka kami mapalaong mampakarebaka kareba to bou. Wali see naka kami taa mawali mayu’u raya mami mangika palaong to etu.

Yohanes 5:16

See naka to kepala-kepala etu mula mampakasusa i Yesu pasi mangaliwu jaya damampopate yau Ia saba Ia nampakatao muni tau ri Eo Rapandoo.

Ibrani 12:5

Pasi wimba komi bara roo mangkalingan yau gombo i mPue Allah to Ia manganto’o damampakaroso raya ngkomi? Ia magombo resi komi ewa nika mpa’a mampogomboka ananya, Ia manganto’o, “AnangKu, padongeka kojo tempo komi napotunde i mPue. Pasi ne’e mayu’u raya ngkomi tempo Ia manganseko komi.

Lukas 14:1

Wali re’e seore ri Eo Rapandoo i Yesu yau damangkoni ri banua nsamba’a kepala nto Yahudi to aliran Parisi. Rata nja’u ria, re’e tau to mangalo’aka kojo samparia to inikaNya.

2 Tesalonika 3:13

Pei a’i-a’i, komi to si’a ewa wetu lengko ngkomi, ne’e mosa mangika anu to matao.

Yohanes 18:22

Wali ojo panganto’o i Yesu gombo etu, re’e samba’a to panjaga to mangantoposaka lioNya, ia manganto’o, “Gete! Taa masipato Korom magombo ewa wetu resi kepala nto pampue to bae angganya!”

Yohanes 8:52

Wali re’e to Yahudi to manganto’oka i Yesu, “Gete! Manasamo resi kami si’i-si’i Korom monso pu’u kameasa! Apa i Abraham roomo namate yau pasi ewa see seja samparia to pantuntu tuntu i mPue Allah tempo owi. Pei Korom manganto’o ane tau mampalaika gomboMu, tau etu taa kojo damangarata kapate.

Yohanes 8:59

Wali ojo pangandonge nto Yahudi gombo i Yesu etu, sira maja’a rayanya mampobuuka Ia mampoanika i Pue Allah, wali sira mangoko watu daratasoka i Yesu, pei taa mawali apa Ia masaya yau pei miyai yako ri banua i mPue Allah.

Yohanes 8:13

Wali to Yahudi to aliran Parisi, sira manganto’oka i Yesu, “Korom mampoanika Korom semo to mampaponsanika tau jaya to monso, pei gete, ojo Korom semo to mawali matamanasa mangkonong koroMu. Tare tau to yusa to mawali matamanasa, wali taa masipato raaya gomboMu etu.”

Yohanes 7:12

Pasi ane tau boros to siromu tempo roa etu, sira mampojawaka resi yunu nsira samba’a pei samba’a mangkonong i Yesu. Re’e to manganto’o, “Ia tau to matao.” Pei re’e seja tau to manganto’o, “Taa! Ia ojo mangantipu tau.”

Lukas 16:14

Wali tempo i Yesu manganto’o samparia gombo etu, re’e to Yahudi to aliran Parisi to mangandonge seja. Sira mamporayang kojo kasugi, see naka sira mampokore i Yesu.

Lukas 15:2

Pei to Yahudi to aliran Parisi pasi tau to mampoguru porenta i Musa, sira sakambumbu manganto’o, “Gete, taa matao tau si’i mampogalungika tau to madosa pasi mangkoni sindara-ndara pei sira.”

Lukas 5:21

Wali tempo i Yesu manganto’o gombo etu re’e bara sawei mba’a to Yahudi to aliran Parisi pasi tau to mampoguru porenta i Musa, sira mangandonge. Wali sira mampobuuka, “Gete tau si’i! Ia mampoanika i Pue Allah, apa ojo i Pue Allah semo to nakoto mangalapas dosa ntau.”

Lukas 2:34

Roo see i Simeon mampokaika sira mamporapika resi i Pue Allah see Ia mangawaika sira rasi. Panewa ia manganto’oka i Maria, indo nu Ana kodi etu, ia manganto’o, “Lo’aja Ana si’i, Ia napilis i mPue Allah, wali apa saba Ia see naka boros kita to Israel to darapalaes. Pei boros seja to darapakaja’aka yau apa sira bo’onya mampalaika Ia. Wali Ia ewa tondong to mangansuduka tau jaya darata resi i Pue Allah, pei boros tau to bo’onya mangalulu jaya etu, see naka sira damanganto’o maja’a Ia.

Matius 22:15

Wali ojo karoonya i Yesu magombo etu, to Yahudi to aliran Parisi, sira yau magombo-gombo mangika songka see maya mangakal i Yesu see Ia dasala gomboNya.

Matius 21:46

See naka sira rani kojo mangansoko Ia. Pei taa mawali apa sira mampokeka tau boros apa tau boros etu mampobuuka i Yesu Ia to pantuntu tuntu i mPue Allah.

Matius 21:23

Wali yako etu i Yesu pasi kami to anaguruNya rata muni nda’a Yerusalem. Roo see i Yesu yau wo’u njo’u banua i mPue Allah panewa Ia masua ri tongonatanya pasi mampotunde tau nja’u ria. Tongo-tongonya Ia mampotunde etu, ma’i bara sawei mba’a kepala-kepala nto pampue pasi tau tu’a nto Yahudi, sira ma’i resi i Yesu. Sira mampotanaka resi Ia, sira manganto’o, “Yako imbare pangarata ngKorom kuasa mangika palaong to nuika ngKorom? Bara sema mangawaika Korom kuasa mangika palaong to etu?”

Matius 15:2

sira manganto’o, “Maka pei anagurumu taa mangalulu ada nto tu’angi ngkita? Apa tempo sira mamue damangkoni, tempo etu sira taa mangika singkonong ewa ada to etu.”

Matius 12:24

Pei tempo to Yahudi to aliran Parisi mangandonge to nato’o ntau boros etu, sira manganto’o samba’a pei samba’a, “Ojo yako kuasa i ngKepala Measa to rato’oka seja i Beelsebul, yako kuasa to si ia semo naka pei ngkai si’i nakurang mangarubak measa yako resi tau.”

Matius 11:19

Roo see Aku, Wiyaa nto Lino, ma’i seja. Aku re’e mangkoni pasi manginu, pei komi taa seja rani mangalulu Aku. Komi ojo manganto’o, ‘Lo’a tau etu! Ia madoko pasi to panginu. Pasi Ia galungiNya tau to pantagi asele pasi tau to yusa to madosa.’ Ewa see nuto’o ngkomi to tuwu ri tempo si’i mampobo’o anu to napotundeka mami dua i Yohanes. Pei saba yako lengko to matao to naika ntau to mangalulu kami dua, yako etu miyala lengko ngkatuwu mami dua etu monso pu’u yako kapande i mPue Allah.”

Yohanes 9:40

Wali tempo i Yesu manganto’o gombo etu, re’e to Yahudi to aliran Parisi to nja’u seja, sira mangandonge. Wali sira mampotanaka resi Ia, sira manganto’o, “Wimba, ane ewa pampobuuka ngKorom, kami seja tau buta?”

Yohanes 10:20

Apa boros sira to manganto’o, “Ia naposuak measa pasi Ia room wando yau! Wali tare batuanginya kita mampodongeka gomboNya!”

1 Petrus 2:23

Pasi tempo Ia napoja’a ntau, Ia taa mampoja’a wo’u sira. Pasi tempo Ia nasesai ntau Ia taa mamponsawak. Ia ojo mansarumakaka koroNya resi to pobotus to sangkani mangabotus singkonong pei to masipato raika. To pobotus etu, etu semo i Pue Allah.