Ibrani 12:23 - Tuntu i mPue ri Basa Taa

²³ Pasi kita roomo masua seja resi samparia tau to mangaya. Kita samparia rato’oka ana i mPue Allah to tu’anginya, pasi sanga ngkita ratulis ndate saruga. Wali kita roomo mangampago i Pue Allah, to pobotus ntau samparia. Pasi kita roomo simparata pei tonii ntau to lengko nsira singkonong pei i Pue Allah pasi to roomo mawali masilonga.

Sura Magali Nuntu Ngkatuwu

²³ komi mancuaraki sambaʼa pomberata anu madoro, pomberata waʼa ana uyue i mPue Ala, anu toʼonya ndate ndaʼuki ri suruga, komi mancuaraki i Pue Ala, Topobotusi tolino pura-pura, komi mancuaraki waʼa ntau anu madagomo katuwunya anu roomo ndapapeawa.

Ibrani 12:23 Referans Kwoze

Yakobus 1:18

Pasi yako pamporani to si Ia see naka Ia mampapowali kita mawali anaNya. Ia mangika palaong etu mangampake kareba to monso. Naka pei i Pue Allah nampapowali kita mawali anaNya see kita semo mawali to bae-bae angganya pei samparia anu to Ia nampapowali. Apa kita raporapaka ewa pae to uyunya rapota to rapampueka resi i Pue Allah, to mawali Ia Puenya. Wali matao kojo sora i mPue Allah resi kita etu.

Ibrani 11:40

Naka pei sira tawa mangarata parajanji etu apa i Pue Allah re’e mangika songka to matao wo’u to kono seja kita. Wali songka i mPue Allah etu, sira mangampeas kita panewa darapasilonga sindara-ndara pei kita.

Lukas 10:20

Pei nempo measa mampalaika komi, si’a etu to masipato mawali pu’u ngkandende ndaya ngkomi. Kasimbalinya yako etu, pakandende raya ngkomi apa saba sanga ngkomi roomo ratulis ndate saruga.”

Pangkita 14:4

Tau etu tau to tare mangika palaong to mampakarikasika raya nsira apa sira tare magoyal bara masala resi to we’a apa sira nakurang manta’amaka rayanya. Sira ojo mangaluluka kojo Ana nu Domba. Imba nakanjo’u nu Ana Domba etu, sira njo’u seja. Pasi sira semo to naoli i mPue yako ri oyo nto lino. Sira mawali i Pue Allah Puenya pasi Ana nu Domba Puenya, ewa pae to uyunya rapota to rapampueka resi i Pue Allah.

Posuwunya 4:22

Wali ojo karoonya korom mangika samparia palaong to taa rapobiasa to Aku manganto’oka korom mangika etu, tempo etu panewa korom damamporataka wo’u i Makole etu gombongKu si’i, to’oka ia, 'Ewa si'i nato’o i mPue Yawe, “To Israel bae kojo batuanginya resi Aku, sira samparia raporapaka ewa anangKu to tu'anginya.

Pomulanya 18:25

Aku kunsani Komi semo to mangabotus samparia to lino, pasi tempo Komi mangabotus to lino etu Komi sangkani mangika anu to masipato raika. Wali ne’e-ne’e tau to singkonong lengkonya pei Komi pei danapakaja’aka yau ngKomi sindara-ndara pei tau to lengkonya maja’a. Kunsani si’a ewa see lengko ngKomi!”

Pangkita 20:15

Wali i sema tau to sanganya tare ratulis ri raya buku ngkatuwu etu, tau etu rapanasoka yau seja lo’u rano nu apu.

Ibrani 9:27

Wali songka i mPue Allah, etu semo to lino ojo sangkani mate yau panewa roo see nabotus i mPue.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

1 Petrus 2:23

Pasi tempo Ia napoja’a ntau, Ia taa mampoja’a wo’u sira. Pasi tempo Ia nasesai ntau Ia taa mamponsawak. Ia ojo mansarumakaka koroNya resi to pobotus to sangkani mangabotus singkonong pei to masipato raika. To pobotus etu, etu semo i Pue Allah.

Ibrani 11:4

Wali i Habel to tempo owi ia mangaya i Pue Allah, pasi yako pangayanya etu, see naka ia mampampueka resi i Pue Allah pampue to masipato wo’u pei pampue to napampueka i ngKain. Wali yako pangaya i Habel etu, i Pue Allah manganto’o matao pampuenya pasi manganto’o i Habel tare dosanya. Si’i-si’i i Habel roomo namate yau, pei ia tiroo ewa magombo resi kita apa pangayanya mawali tondong resi kita.

1 Timotius 3:5

Apa ane tau to taa nansani mampasilonga tau to maroo ri banuanya, tau etu taa seja nansani mampasilonga tau to mangaya i Pue Allah.

Pilipi 4:3

Pasi yunungku to monso pu’u samba’a palaong pei aku, aku mamporapika resi korom mangansawang tau we’a dua etu see sira mawali masingkatao. Apa seore sira dua maroso palaonginya mangansawang aku mampakarebaka kareba matao. Sira mangansawang aku sindara-ndara pei i Klemen pasi samparia yunungku to yusa to samba’a palaong pei aku. Pasi sanga nsira samparia paka re’e ratulis nja’u raya buku to rapangantulis sanga ntau to mangarata katuwu to singkasaenya. Wali to’oka sira to tao-tao sira dua masingkatao.

Epesus 1:22

Wali samparia anu to re’e, i Pue Allah mangawaika i Kerisitu mangkuasang. Pasi Ia to nawaika i mPue Allah kuasa etu, Ia semo to napilis i mPue Allah mangkapalang samparia kita to mangaya to rato’oka tauNya.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Yohanes 5:27

Pasi apa saba Aku semo Wiyaa nto Lino, see naka Ia mangawaika seja Aku kuasa damangabotus to lino.

Kolose 1:24

Wali si'i-si'i aku mangarata kasesa saba mangika palaong to etu resi komi. Pei nempo korongku rasesai, aku tiroo ndende rayangku. Apa i Kerisitu mangkasesaka tau to rato'oka koronya. Etu semo samparia tau to mangaya Ia. Wali aku mangarata seja santila kasesa to narata i ngKerisitu etu, pasi to tiroowa narata ngkita.

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

2 Korintus 5:8

Wali see naka aku manganto’o, kami maroso raya mami. Pei ane ewa pampobuuka mami, to tao-tao kami mate yau mampiyaika koro mami si’i see maya siwaka pei i Pue. Pasi kami mangansani monso pu’u kita dasiwaka pei Ia.

1 Korintus 15:54

Wali tempo lemba ntau to mate to room naboo yau rawali mawali koro to tamo daboo yau, pasi tempo koro ngkita to tiroo maya mate si’i rawali mawali koro to tamo mate, tempo etu semo tibanang gombo to ratulis yami ri raya ntuntu i mPue Allah, to manganto’o, “Kapate room napakapura i mPue Allah kuasanya, wali see naka kita manang.” (Yesaya 25:8)

1 Korintus 13:12

Wali si’i-si’i kita ewa tau to mangalo’aka lengkenya nja’u sami to mawaraus, wali taa mayoas. Pei ri tempo to darata kita damayoas mangkita ewa tau to mangalo’aka lio nsa’e. Pasi si’i-si’i anu to kunsani ojo sangga’aja, pei ri tempo etu dasewaju ewa wimba kanasanya i Pue Allah mangansani aku.

1 Korintus 15:49

Si’i-si’i kita sewaju ewa tau to rapapowali yako ri awu ntana. Wali ewa see seja ane ratamo temponya kita rawangu muni yako ri kapatenta, tempo etu kita dasewaju ewa tau to yako ri saruga kama’iNya etu.

Ibrani 2:12

Ia manganto’oka i Pue Allah ewa si’i, to’oNya, “Aku damampakarebaka resi pua’ingKu mangkonong Komi. Pasi tempo kasiromu ntau to mangaya Aku damamponyanyika nyanyi to mangabarong Komi ri oyo nsira.” (Masmur 22:23)

Pangkita 6:9

Wali yako etu, Ana nu Domba mangayali wo’u tondong to kalima. Ojo karoonya Ia mangayali tondong etu, aku mangkita tonii ntau la’u ara mpalampa. Tau etu roomo napopate yau nsa’e apa saba sira mangaluluka tuntu i mPue Allah pasi mangangkongko anu to nato’o i Yesu Kerisitu.

Pangkita 6:11

Wali ojo karoonya sira manganto’o etu, sira samba’a pei samba’a rawaika baju to buya pasi sira rato’oka, “Pasau-sau ruyu sangkodi. Tiroowa re’e a’i-a’i ngkomi to samba’a pangaya pei komi to mangika seja palaong i mPue, sira re’e seja to darapopate yau. Wali ojo karoonya rapopate yau sira, panewa to lino darahuku.”