Ibrani 12:22 - Tuntu i mPue ri Basa Taa

²² Wali ewa wetu tempo to Israel mampotango tongku Sinai tempo owi. Pei si’a ewa wetu resi kita to tempo si’i. Kita taa mampotango tongku to ewa wetu. Ane ri pangkita i mPue Allah kita roomo mampotango anu to rato’oka tongku Sion, kota to nakaroo i Allah to tuwu, etu semo Yerusalem to ndate saruga. Pasi kita roomo simparata pei pomakau i mPue Allah to taa nakoto ntau mangabilang kaborosinya. Pomakau etu siromu ri kandende ndayanya.

Sura Magali Nuntu Ngkatuwu

²² Paikanya anu ndisuaraki inceʼemo Pongku Sioni kareʼe mPue anu tuwu, siʼamo Yerusale anu ri suruga kandate moncowu-ncowu malaʼeka,

Ibrani 12:22 Referans Kwoze

Pilipi 3:20

Pei ane kita, kamonsonya lipu ngkita ri saruga semo. Pasi kita mangampea-mpeas kama’i nto Pansomponta yako ndate saruga etu. To Pansomponta etu, etu semo i Pue Yesu Kerisitu.

Galatia 4:26

Pei i Sara si’a watua ewa i Hagar. Ia tondong kota Yerusalem to ndate saruga. Kota etu si’a kota to nakaroos mbatua. Wali kota etu raporapaka ewa indo ngkita to mangaya to boros kojo.

Pangkita 14:1

Wali yako etu aku re’e mangkita wo’u ri raya mpangkitangku. Aku mangkita Ana nu Domba makore ndate rapa mpantana to rato’oka Sion. Ana nu Domba etu makore sindara-ndara pei tau to satu pei opo mpuyu pei opo nsowu kaborosinya. Tau etu ratulis ri kirenya sanga nu Ana Domba pasi sanga mPa’aNya.

Pangkita 21:2

Pasi aku re’e seja mangkita kota to mapasing, to tudumaka yako resi i Pue Allah ndate saruga. Kota etu semo Yerusalem to bou. Pasi kota etu rapasilonga ewa raika mampasilonga tau we’a to mampake baju to magaya kojo yau mangantomu to langkai to danaporongo.

Pangkita 22:19

Pasi ane re’e tau to mangangkurang gombo to ratulis ri buku si’i mangkonong palaong to damawali, i Pue Allah damangoko yau tila ntau etu ri kaju to mangawai katuwu to re’e ri kota mapasing anu to re’e ratulis ri buku si’i.

Pangkita 3:12

Wali i sema to manang, tau etu Aku damangika maroo-roo singkasaenya ri raya banua i mPue AllahngKu ewa tinja to taa miyai yako nja’u ria. Aku damangantulis togo sanga ri koro ntau etu. Aku damangantulis sanga i mPue AllahngKu, pasi sangangKu to bou, pasi daKutulis seja sanga ngkota i mPue AllahngKu, etu semo Yerusalem to bou to ma’i yako resi i Pue AllahngKu ndate saruga.

Ibrani 13:14

Apa ri lino si’i kita tare tampa to datakaroos rataka ri singkasaenya. Pei kita mangampeas kota to darata.

Ibrani 11:10

I Abraham masanang maroo ri raya ntendanya etu apa ia mangampeas temponya ia damaroo ri raya ngkota to maroso pondasinya, to naika pasi nawangu i mPue Allah.

Pangkita 21:10

Wali ojo karoonya etu, aku nawaika i Nosa Mapasing pangkita. Ri raya mpangkitangku etu, aku nakeni mpomakau to mampogomboka aku ngena nto’u rapa ntongku to bae pasi malangan. Ojo karata mami dua ndate rapa ntongku etu, ia mangansuduka aku kota to mapasing, etu semo Yerusalem, kota to ma’i yako resi i Pue Allah ndate saruga.

Pangkita 7:2

Panewa roo see aku mangkita wo’u samba’a pomakau i mPue Allah ia masuwu yako ri tondo mata nu eo. Ia mangkeni tondong yako resi i Pue Allah, tondong etu rapake mangantondong tau to i Pue Allah Puenya. Wali pomakau to samba’a etu ia maroso loonya kaboo mangampokio pomakau to opo mba’a to rawaika kuasa mampakaja’aka yau lino pasi tasi.

I Yudas 1:14

Wali mangkonong tau to etu semo to nato’o yami i Henokh tempo owi. I Henokh etu ia wiyaa i Adam to kapitu ntapinya. Wali ia manganto’o, “Lo’a, ma’i i Pue sindara-ndara pei tau to Ia Puenya to ri nsowu-nsowunya.

Ibrani 10:31

Wali bae kojo kameka ndaya ntau to mangarata huku yako resi i Allah to tuwu.

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Ibrani 3:12

Wali a’i-a’i, pakatao kojo see tare komi to rayamu maja’a saba taa mangaya. Apa ane tau to ewa wetu, ia damangandolika tangonya yako resi i Allah to tuwu.

1 Tesalonika 1:9

Apa samparia tau etu, sira semo to mangansaritaka sa’e mangkonong ewa wimba nuika ngkomi mangantima kami seore. Pasi sira mangansarita mangkonong ewa wimba nuika ngkomi to Tesalonika mangandolika tangomu yako mampue tau-tau damampue wo’u mampakabae i Allah to tuwu pasi to monso.

Roma 11:26

Wali samparia to Israel darapalaes yako ri huku nu dosa. Palaong etu singkonong kojo pei gombo i mPue Allah to ratulis ri raya ntuntuNya, Ia manganto’o, “To Pansompo dama’i yako ndate Sion, pasi Ia damangoko yau kaja’a yako resi wiyaa i Yakub.

Roma 9:26

Pasi re’e tau to seore Aku manganto’oka, ‘Komi si’a taungKu,’ wali ri lipu nakare’e nsira tempo Aku manganto’oka sira gombo etu, ri lipu etu semo tau etu darato’oka seja, ‘ana i mPue Allah to tuwu’.” (Hosea 1:10) Wali etu semo gombo i mPue Allah to natulis i Hosea mangkonong tau to si’a to Yahudi.

Matius 5:35

Pasi ne’e seja manganto’o, ‘Anu to re’e ri lino, etu semo mawali matamanasangku.’ Ne’e manganto’o ewa see apa lino semo to rato’oka tampa to napamposaka i mPue Allah witiNya. Pasi ne’e seja manganto’o, ‘Anu to nda’a Yerusalem, etu semo mawali matamanasangku.’ Ne’e manganto’o ewa see apa Yerusalem semo kota i Makole to bae kojo kuasaNya.

Matius 16:16

Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

Epesus 2:19

Wali komi to si’a to Yahudi, tempo ruyu komi ewa tau to owo rata yako ri lipu to yusa. Pei saba to naika i ngKerisitu etu, si’amo ewa see. Si’i-si’i komi mawali tau to samba’a lipu pei tau to i Pue Allah Puenya. Pasi komi seja mawali tau to samba’a banua pei i Pue Allah.

2 Timotius 4:18

Wali Ia damangalapa seja aku yako samparia anu to maja’a. Pasi Ia damampalaes aku see aku damasua ri raya ngkasanang ndate saruga. Ndate ria Ia semo Makole. Wali anu kita mangabarong Ia rataka ri singkasaenya. Amin.

Ibrani 11:16

Pei tana to naporani nsira, tana etu to tao-tao pei tana to napiyaika nsira etu. Tana etu semo tana to ndate saruga. Wali see naka i Pue Allah taa mea ane sira manganto’oka Ia Allah nsira. Pasi Ia mampakanasa Ia Allah nsira apa Ia roomo mampasigenaka sira kota ndate saruga.