Ibrani 11:9 - Tuntu i mPue ri Basa Taa

⁹ Pasi yako pangayanya, see naka ia maroo-roo nja’u lipu to naparajanjika i mPue Allah darawaika resi ia. Tempo ia maroo nja’u ria, tana etu tiroowa tau to yusa puenya, wali ia maroo nja’u ria ewa naika ntau rata maroo nja’u tana ntau to yusa. Ia taa mangawangu banua, ia maroo ri raya ntenda. Pasi ewa see seja naika nu ananya, i Ishak pasi makumpunya, i Yakub. Pasi Pue Allah mamparajanjika seja sira dua tana etu sewaju ewa ia mamparajanjika i Abraham.

Sura Magali Nuntu Ngkatuwu

⁹ Ua peaya ndaya i Burahima ri Pue Ala, siʼa maroo-roo ewa tau mencua ri tana anu ndajanjika siʼa i mPue Ala. Njairia i Burahima podo maroo-roo ri kema. Ewanceʼe seʼe i Saki pai i Yako anu mantarimamo woʼu janji setu ungka ri Pue Ala.

Ibrani 11:9 Referans Kwoze

Pomulanya 12:8

Wali yako etu i Abram pasi yununya mayoko wo'u yako nja’u More damangampago wo’u lipu to boros pantana. Lipu etu ri sambali ngkota Betel ri tondo mata nu eo. Rata nja’u ria sira mangawangu tendanya ri oyonya kota Betel pasi kota Ai. Wali sira nja’u tondo mata nu eo yako kota Betel pasi sira nja’u tondo kasoyo nu eo yako kota Ai. Wali ojo karoonya i Abram mangawangu tendanya nja’u ria panewa ia mangawangu wo’u palampa watu pei mampue mampakabae i Pue Yawe.

Pomulanya 13:18

Wali yako etu i Abram pasi joanya mangalimba tenda nsira. Sira mampiyaika tampa etu pei malinja njo’u lipu to mosu ri kaju poli to malagi to i Mamre puenya. Kaju poli etu mosu ri kota Hebron. Wali sira mangawangu muni tendanya damaroo nja’u ria. Pasi nja’u ria i Abram mangawangu wo’u palampa watu darapake mampue mampakabae i Pue Yawe.

Ibrani 6:17

Wali ewa see seja to naika i mPue Allah. Tempo Ia mangika parajanjiNya resi i Abraham etu, Ia rani mampakanasaka kojo tau to damangarata parajanji etu Ia taa damangawali songkaNya. Wali see naka Ia mangampake sangaNya mampakatantu parajanjinya etu.

Pomulanya 18:9

Wali yako etu, ojo karoonya sira togo mangkoni, sira mampotanaka resi i Abraham, “Imbamo indo nu anamu, i Sara?” I Abraham mangansono, “Nja’unja ri raya ntenda.”

Pomulanya 35:27

Wali yako etu, i Yakub pasi joanya mampolasaka wo’u palinja nsira pei rata nja’u banua mpa’anya, i Ishak. Banuanya etu nja’u Mamre to mosu ri kota Kiryat-Arba to rato’oka seja Hebron. Etu semo tampa nakaroo i Abraham tempo owi panewa i Ishak maroo seja nja’u ria.

Pomulanya 28:4

Pasi kuporapika resi Ia see Ia damamporataka resi korom pasi resi wiyaamu samparia to iparajanjikaNya yami resi i Abraham, etu semo tana si’i. Ri tempo si’i korom maroo ri tana si’i ewa naika ntau to rata ri tana ntau to yusa, pei kuporapika resi i Pue Allah see tana si’i damawali yau komi sambiyaa puenya.” Etu semo to nato’oka i Ishak i Yakub.

Pomulanya 25:27

Wali ojo kabaenya ana dua etu, i Esau ia pande kojo manjoyong pasi ia masanang rayanya maroo-roo ri pada. Pei i Yakub ia si’a ewa wetu. Ia ngkai to rodo rayanya, masanang ojo maroo-roo ri tendanya. Pasi ia tau to taa majoli masusa.

Pomulanya 23:4

“Pa’a-pa’a, aku ojo tau rata ri lipu ngkomi wali tare tana to aku puenya. See naka kuporapika resi komi ane re’e tana to napobalu ngkomi, waika aku sangkodi tana etu daraika dayo see aku maya mampongkeli yau indo nu anangku to matem etu.”

Pomulanya 18:6

Wali i Abraham majoli masua ri raya ntendanya pei manganto’oka i Sara, to’onya, “Re’e linggona! Pakajoli oko tepung to matao kojo samba’a karu pei ika roti maliongu danakoni nsira.”

Pomulanya 47:9

Sono i Yakub, “Aku si’i satu pei togo mpuyu nto’u, Pa’a. Ane bue-buengku tempo owi, sira masae katuwunya pasi masanang. Pei aku si’i si’a ewa wetu. Tawa masae katuwu to si aku, pasi boros kasusa to kurata ri raya mpalinjangku njo’u-ma’i, njo’u-ma’i ri tana ntau to yusa.”

Pomulanya 21:34

Wali yako etu i Abraham maroo-roo malagi nto’uwa ri tana nto Pilistin etu.