Ibrani 11:7 - Tuntu i mPue ri Basa Taa

⁷ Wali i Nuh seja mangaya i Pue Allah pasi yako pangayanya etu see naka ia mampodongeka patiendo i mPue Allah mangkonong palaong to damawali. Nempo ia taware mangkita palaong to ewa wetu, pei ia tiroo mangaya. Ia mampalaika i Pue Allah saba manga’angga Ia, wali ia mangika bangka bae see ia darapalaes sindara-ndara pei samparia tau to maroo ri banuanya. Wali yako pangayanya etu see naka manasa kojo to lino to yusa masipato nahuku i mPue Allah apa sira taa mangaya. Pasi apa saba pangayanya etu, see naka i Nuh mawali seja tau to nato’oka i mPue Allah tare dosanya.

Sura Magali Nuntu Ngkatuwu

⁷ Ua peaya ndaya, i Noho marata petondoni pai patiendo ungka ri Pue Ala kakononya nunjaa anu da mewali ripurinya anu bareʼepa naincani. Ua pedongenya ri Pue Ala, napowia i Noho sambaʼa duanga bangke, anu ripurinya tongawa mancorepaka siʼa sangkani pai somborinya. Ewanceʼemo pahuku i mPue Ala lino seʼi, paikanya i Noho ua peaya ndayanya, siʼa ndaimba i mPue Ala ewa tau anu madago.

Ibrani 11:7 Referans Kwoze

Pomulanya 6:13

Wali see naka i Pue Allah manganto’oka i Nuh, to’oNya, “Aku damampakaja’aka yau samparia to lino, apa sambawo lino ojo palaong to maja’a semo to naika ntau. See naka Aku damampakaja’aka yau sira sindara-ndara pei lino si’i.

1 Petrus 3:20

Wali tau to tonii nsira ratarungku, etu semo tau to taa mampolaika i Pue Allah tempo owi, ri tempo i Nuh. Tempo etu i Pue Allah bae sabaraNya resi sira mangampeas temponya bangka bae roomo napasilonga i Nuh. Pei roo see taa malagi tau to rapalaes apa tau to boros bo’onya mampalaika i Pue Allah. Ojo wayu mba’a tau to rapalaes yako ri samal ue apa sira masua ri raya bangka etu.

Roma 4:13

Wali tempo owi i Pue Allah re’e mamparajanjika i Abraham pasi wiyaanya sira darawaika lino si’i. Naka pei Ia mangika parajanji etu resi i Abraham, si’a saba i Abraham mangalulu porentaNya. Naka pei Ia mangika parajanji etu apa i Abraham rato’o tare dosanya saba yako pangayanya.

Lukas 17:26

“Wali tempo Aku, Wiyaa nto Lino, dama’i damawali Makole ri lino, Aku kodi majoli dama’i ewa palaong to nawali tempo i Nuh tempo owi.

Pilipi 3:9

Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

Galatia 5:5

Pei ane kami to mansarumaka kanoto i mPue Allah, kami nato’o i mPue Allah tare dosa mami. Pasi yako pangaya mami, see naka kami nasawang i Nosa Mapasing mangampeas anu to nasarumaka mami. Etu semo temponya i Pue Allah damampogomboka kami ri tango ntau samparia pei manganto’o, “Komi tare dosamu.”

Ibrani 5:7

Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokai-kaiNya etu.

Roma 3:22

Wali jaya etu semo samparia tau to mangaya i Yesu Kerisitu, tau etu danato’o i mPue tare dosanya. Ia taa mampasisala tau.

Roma 1:17

Apa yako kareba matao i Pue Allah maya manganto’o kita seja tare dosanta ane kita mangaya kareba matao etu. Tare jaya to yusa kasimbalinya yako pangaya, ewa to room ratulis ri raya tuntu i mPue, to’onya, “Tau to nato’o i mPue Allah tare dosanya apa saba ia mangaya, tau etu datuwu.” (Habakuk 2:4) Etu semo gombo to ratulis ri raya ntuntu i mPue.

Matius 3:7

Wali tempo etu re’e seja boros to Yahudi to yau seja mampago danabaptis i Yohanes. Ri oyo ntau etu malagi to aliran Parisi pasi malagi seja to aliran Saduki. Pei tempo i Yohanes mangkita sira ma’i, ia manganseko sira, to’onya, “Gete, komi ewa ule to mampeyaa mampiyaika apu nja’u pada! Wimba, komi bara mampobuuka ane ma’i darabaptis, ane ewa see komi maya mampiyaika huku to danaporata i mPue Allah? Gete, taa mawali ewa wetu, apa ane ojo gombo ngkomi to manoto, nempo roomo rabaptis pei komi tiroo damangarata huku nu dosa ngkomi.

Pomulanya 7:23

Wali ewa wetu naika i mPue Allah mampakaja’aka yau samparia anu to tuwu ri lino, etu semo tau pasi binatang pasi anu to tuwu to mandonggo pasi to manjoyo ri wawo ntana, pasi tonsi, samparia paka rapakaja’aka yaumo. Jamo i Nuh pasi yununya pasi binatang-binatang to re’e resi ia ri raya bangka bae to taa mate yau.

2 Petrus 2:5

Pasi tau to maja’a to tuwu tempo i Nuh tempo owi, sira taa seja raporayang. Apa i Pue Allah mangika samal ue to mangalodong yau samparia to lino to bo’onya mampolaika Ia. Wali ojo i Nuh sira wayu to napalaes i mPue Allah yako ri samal ue etu. I Nuh etu, ia semo to nampakarebaka resi sa’e mangkonong anu to singkonong pei i Pue Allah.

2 Petrus 1:1

Sura si’i yako resi aku, i Simon Petrus. Aku to papolaong i Yesu Kerisitu pasi pomakauNya seja. Wali aku mangantulisika komi to yunu mami to mangaya seja anu to monso mangkonong i Yesu Kerisitu. I Yesu Kerisitu, Ia semo Allah ngkita pasi to Pansompo ngkita. Pasi Ia sangkani mangika anu to singkonong pei i Pue Allah. Wali see naka kita mangaya Ia. Pasi pangaya ngkomi resi Ia etu sewaju ewa pangaya mami to bae kojo batuanginya resi kami.

Ibrani 11:1

Wali ane kita re’e pangayanta, batuanginya kita matantu kojo kita damangarata anu to nasarumaka ngkita. Pasi ane re’e pangayanta, batuanginya kita tansani re’e kojo anu to taa rakita.

Roma 10:6

Wali si’a yako palaong to masuli etu naka pei i Pue Allah manganto’o tau tare dosanya, pei saba yako pangayanya semo. Wali taa masuli! Apa re’e to ratulis ri raya ntuntu i mPue Allah to manganto’o, “Ne’e mampobuuka, ‘Bara i sema tau to nakurang yau nto’u saruga, yau damangkeni mai i Kerisitu see Ia maya mangansawang kita?’ (Ulang 30:12) Pasi ne’e mampobuuka, ‘Bara i sema to nakurang yau lo’u lipu ntau mate, yau damangawangu muni i Kerisitu yako ri kapateNya?’” (Ulang 30:13) Ne’e mampobuuka ewa wetu apa kita taa parluu yau nto’u saruga damangkeni mai i Kerisitu yako ndate ria, apa Ia roomo nama’i resi kita. Pasi kita taa parluu yau lo’u lipu ntau mate damangawangu muni i Kerisitu yako ri kapateNya, apa Ia room mambangu muni yako ri kapateNya.

Roma 4:11

Yako etu panewa ia rasui. Wali rasui etu ojo mawali tondong mampakanasa monso pu’u i Pue Allah manganto’o ia tare dosanya ri temponya ia tawa rasui apa saba pangayanya. Wali yako palaong etu i Abraham mawali pa’a ntau samparia to taa rasui ane tau etu mangaya i Pue Allah. Apa nempo sira taa rasui, i Pue Allah manganto’o seja sira tare dosanya apa pangaya nsira sewaju ewa pangaya i Abraham.

Matius 24:38

Apa ane tempo i Nuh, re’e katawanya samal ue, tempo etu katuwu ntau ojo ewa biasa. Sira re’e mangkoni pasi manginu, pasi sira marongo pasi mampaporongo sa’e. Sira mangika palaong to etu sampe rata temponya i Nuh masua ri raya bangka bae.

Matius 24:25

Wali padongeka kojo, apa Aku roomo mampakanasaka yami komi palaong to damawali ri tempo etu see komi taa daratipu mangkonong temponya Aku dama’i wo’u.

Pomulanya 19:14

Wali ojo pangandonge i Lot gombo ntau dua etu, ia majoli yau njo’u banua ntau to danapomania, etu semo tau to damangoko ananya to we’a dua etu. Ia manganto’oka sira, “Pakajoli, piyai yako ri kota si’i apa danakaja’aka yaumo i mPue Yawe.” Pei tau to danapomania etu, sira taa mampodongeka to nato’o i Lot etu apa sira mampobuuka ia ojo mangika pagele, see naka sira taa yau.

Pomulanya 7:5

Wali i Nuh mangika samparia to nato’oka i mPue Yawe ia etu.

Pomulanya 6:9

Wali si’i semo sarita i Nuh. I Nuh etu, ia togo ananya paka langkai, sanga nu ananya etu i Sem, i Yapet pasi i Ham. Wali ri tempo etu, yako kasamparianya tau to tuwu ri lino, ojo i Nuh semo to lengkonya singkonong pei i Pue Allah, pasi tare lengkonya to masipato rapakasala. Pasi ia tuwu masingkatao pei i Pue Allah.

Roma 9:30

Wali ane ewa see wimba danato’o ngkita? Ewa si’i datato’o. Ane tau to si’a to Yahudi, sira tare mangaliwu jaya mapalaong see danato’o i mPue Allah tare dosanya, pei nempo ewa see re’e sira to nato’o i mPue Allah tare dosanya. Ia manganto’o sira tare dosanya apa saba yako pangaya nsira.

Matius 24:15

Wali roo see i Yesu mampakapolas mampakanasaka wo’u kami to anaguruNya mangkonong palaong to damawali tondong mangkonong kapuranya temponya to si’i. Ia manganto’o, “A’i-a’i, pobuuka palaong to nato’o yami nto pantuntu tuntu i mPue Allah tempo owi, i Daniel. Apa i Daniel etu manganto’o ane ri tempo to darata dama’i samba’a tau to maja’a to damampoanika i Pue Allah. Wali ia damakore ri tampa to nato’o i mPue Allah Iaja puenya, to ndate Yerusalem. Wali see naka tampa etu damawali makarika ri pangkita i mPue Allah, wali danapiyaika yau i mPue Allah pasi darapakaja’aka yau. Wali ane nukita ngkomi palaong to etu, piyaimo komi to re’e ri propinsi Yudea, piyai nto’u tongku.(Wali komi to mangabasa gombongKu si’i, pobatuangka kojo.)

Pomulanya 8:16

“Pasuwu muni yako ri raya bangka bae etu sangkani-ngkani pei indo nu anamu pasi anamu pasi maniamu.

Pomulanya 6:22

Wali i Nuh mampolengkoka samparianya etu. Ewa wimba to nato’oka i mPue Allah ia, ewa wetu semo inikanya.

Matius 2:12

Yako etu sira yore, pei tempo sira yore sira mangipi. Ri raya mpangipinya etu i Pue Allah mampogomboka sira, Ia manganto’o, “Ane mawolili muni komi ne’emo liu njo si Herodes.” Wali tempo sira mayoko dayau muni njo’u lipu nsira, sira mangalulu jaya to yusa.

Ibrani 8:5

Wali to pampue to wiyaa i Lewi, sira mapalaong nja’u raya ntenda i mPue Allah to raika ewa ta’anya pasi ewa sonto ntenda i mPue Allah to ndate saruga. Wali see naka tempo i Musa damangawangu tenda i mPue Allah tempo owi, tempo etu i Pue Allah mampatiendoka ia, to’oNya, “Ne’e kalingan! Ika samparia etu mangalulu kojo sonto to rapaporaoka korom ndate rapa ntongku.” (Posuwunya 25:40) Etu semo gombo i mPue Allah resi i Musa. Wali to pampue mangika palaong nsira ri raya ntenda etu.

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.