Ibrani 11:3 - Tuntu i mPue ri Basa Taa

³ Wali kita seja mangaya i Pue Allah, pasi yako pangayanta etu see naka kita tansani lino pasi yangi napapowali i mPue Allah ojo yako gomboNya. Wali gombo i mPue Allah, etu semo to mangika see samparia to rakita paka raika yako ri anu to taa rakita.

Sura Magali Nuntu Ngkatuwu

³ Ua peaya ndaya painaka tarata ndaya lino pai yangi seʼi ndapapewali nu nuntu i mPue Ala; mewali nunjaa anu takita, ndapareʼe ungka ri anu bareʼe takita mata.

Ibrani 11:3 Referans Kwoze

2 Petrus 3:5

Pei kamonsonya lino si’i tamo sewaju ewa tempo owo rapapowali, apa i Pue Allah roomo mangahuku to lino tempo owi. Pei tau to manganto’o lino si’i tare pombalinya, sira mamporayaka ewa taa mangansani palaong i mPue Allah tempo Ia mampakaja’aka yau to lino mangampake samal ue. Wali manasa resi kita tempo i Pue Allah mampapowali yangi pasi lino ojo kuasa nu gomboNya to Ia mangampake. Tempo etu Ia mangika ue ruyu panewa tana masuwu yako la’u raya nue etu. Pasi saba yako ue etu see naka mawalimo tongku pasi lemba singkonong pei ewa wimba pamporani i mPue Allah. Pei yako etu i Pue Allah mangampake wo’u ue tempo Ia mampakaja’aka yau lino. Wali saba yako huku i mPue Allah, lino monso pu’u re’emo pombalinya.

Yohanes 1:3

Pasi tempo i Pue Allah nampapowali samparia, tempo etu Ia mangampake i Tuntu semo mangika palaong to etu. Wali tare anu to napapowali i mPue Allah to si’a i Tuntu to mangika.

Roma 4:17

Wali etu singkonong pei gombo i mPue Allah resi i Abraham to nja’u ratulis ri raya ntuntuNya. Ia manganto’o, “Aku roomo mangika korom mawali pa’a ntau malagi bansa.” (Pomulanya 17:5) Etu semo gombo i mPue resi i Abraham. Wali i Abraham ia pa’a ngkita samparia ane ri pangkita i mPue Allah. I Pue Allah semo to naaya i Abraham pasi Ia semo to mangawangu muni tau yako ri kapatenya, pasi to re’e kuasa to yako ri gomboNya mampapowali anu to tawa re’e see dare’emo.

Palaong mPomakau i mPue Yesu 17:24

“Wali i Pue Allah anu nampapowali lino pasi samparia bananginya, Ia semo Pue nu yangi pasi Pue nu lino. Ia taa maroo-roo ri banua-banua to naika ntau.

Pangkita 4:11

“Komi semo Pue mami pasi Allah mami. Masipato Komi rapakabae, ra’angga pasi nato’o ntau makuasa. Apa Komi semo to nampapowali samparia anu to re’e. Wali samparia etu re’emo pasi rapapowali apa etu semo pamporani ngKomi.”

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Pomulanya 1:1

Wali tempo owi, tempo pomulanya semo, tempo etu i Pue Allah mampapowali yangi pasi lino.

Palaong mPomakau i mPue Yesu 14:15

“Gete komi! Maka pei komi mangika palaong si’i? Kami si’i ojo to lino seja sewaju pei komi. Naka pei kami ma’i resi komi ma’i mangangkenika komi kareba matao, see komi maya mangandolika tangomu yako ri pue to tare batuanginya si’i pei maya mampue mampakabae i Pue Allah anu to tuwu. Etu semo i Pue Allah anu nampapowali yangi, lino, tasi, pasi samparia bananginya.

1 Korintus 2:7

Pei kapande to kami mampakarebaka etu, etu semo kapande i mPue Allah anu tawa nansani nto lino tempo ruyu. Apa re’e katawanya i Pue Allah mampapowali lino Ia mansongka yami Ia damampaponsanika kita to mangaya kapandeNya see kita dara’angga. Pei Ia mangawuni kapandeNya etu rataka ri tempo si’i.

1 Timotius 4:5

Apa pangkoni etu room nato’o i mPue Allah maya rakoni. Wali yako ri gombo i mPue Allah etu pasi yako ri pokai-kai ngkita manganto’oka Ia tarima matao, see naka pangkoni etu mawali matao resi kita.

Ibrani 6:5

Pasi tau etu roomo mangepe Tuntu i mPue Allah matao kojo, pasi room seja mangepe kuasa to danapaporaoka i mPue Allah tau ri tempo to daratamo.