Ibrani 11:27 - Tuntu i mPue ri Basa Taa

²⁷ Wali yako pangayanya, see naka i Musa mampiyaika tana Mesir pasi taa napokeka kaja’a ndaya makole Mesir. Ia maroso rayanya apa ia raporapaka ewa tau to mangkita i Pue Allah to kamonsonya taa maya nakita nu mata nto lino.

Sura Magali Nuntu Ngkatuwu

²⁷ Ua peaya ndayanya, i Musa mampalaika tana Masiri ri kabareʼepanya napokarau i datu. Paikanya jaʼewa yosamo nakita i Pue Ala anu bareʼe ndakita mata setu.

Ibrani 11:27 Referans Kwoze

Ibrani 11:13

Wali i Habel, i Henokh, i Nuh, i Abraham pasi indo nu ana i Abraham, samparia tau to etu paka mangaya i Pue Allah rataka tempo ngkapate nsira. Pasi tempo etu sira tawa mangarata anu to naparajanjika i mPue Allah sira, pei sira ewa mangangkita nja’u longko. Wali taa bata-bata raya nsira, sira masanang kojo. Pasi sira mampongakung ane ri lino si’i sira ojo ewa tau to rata yako lipu to longko pasi ewa tau to maroo ri oyo ntau to yusa.

2 Korintus 4:18

Wali kami taa mosa mangika palaong mami, apa re’e to mampakaroso raya mami. Wali ewa si’i, si’a anu to rakita to kami mampobuu-buuka, kami mampobuu-buuka anu to taa rakita. Apa anu to rakita, anu to etu taa singkasaenya, pei anu to taa rakita, etu semo to singkasaenya.

Ibrani 11:1

Wali ane kita re’e pangayanta, batuanginya kita matantu kojo kita damangarata anu to nasarumaka ngkita. Pasi ane re’e pangayanta, batuanginya kita tansani re’e kojo anu to taa rakita.

Yakobus 5:11

Pobuuka! Apa kami manganto’o, “Masanang tau to mangansabaraka kasesa.” Wali pobuuka seja i Ayub, apa komi re’e seja mangandonge mangkonong kasabara to si ia. Pasi komi mangansani seja ewa wimba naika i mPue mampakasanang i Ayub tempo ia roomo rasoba. Wali naka pei i Pue mangika ewa wetu apa Ia bae kojo kanotoNya pasi pamporayangiNya. Wali masipato kita mangansabaraka tempo mangarata kasesa.

Posuwunya 11:8

Roo see i Musa manganto'oka wo’u ia, to’onya, "Darata temponya samparia joamu to ri awemu si’i sira dama'i resi aku damambokotu pei madungku yau ri wawo ntana ri tangongku pei mamporapi resi aku, to’onya, “Gete, Pa’a, piyai yako ri lipu mami si’i pei keni yau samparia joamu!' Etu semo to danaporapi nsira. Wali roo see aku dayau ewa pamporani nsira." Wali i Musa ia mapoi kojo rayanya pei ojo karoonya ia manganto’o gombo etu, ia mampiyaika i Makole.

Posuwunya 4:19

Wali yako etu, tempo i Musa tawa mayoko yako ri tana Midian dayau lo’u tana Mesir, tempo etu i Pue Yawe mampogomboka wo’u ia pei manganto'o, "Inta ruyu. Pawolili muni ruyu lo'u tana Mesir apa tau to rani mampopate yau korom seore paka samparia namate yaumo."

1 Petrus 1:8

Wali kamonsonya tempo si’i komi tawa mangkita i Yesu Kerisitu etu, pei nempo ewa see komi tiroo mamporayang Ia. Pasi nempo komi tawa seja mangkita Ia, komi tiroo mangaya Ia, wali see naka ndende raya ngkomi. Pasi bae kojo kandende ndaya ngkomi etu. Wali taa gana ane ojo gombo ngkita to lino damampakanasa kabaenya kandende ndaya etu.

Ibrani 10:32

Wali endo tempo ruyu, tempo komi owo mangantima kareba to monso to mangkeni reme. Tempo etu komi malagi ngkani mangarata kasesa pei komi ojo mangainsoka wali kasesa etu taa manganangi komi.

1 Timotius 1:17

I Pue Allah Ia Makole to singkasaenya, pasi Ia taa damate, pasi taa rakita. Ojo Ia semo i Pue Allah, pu’u ngkapande. Wali anu kita manga’angga pasi mangabarong Ia rataka ri singkasaenya. Amin.

1 Korintus 13:7

Pasi tau to mamporayang sa’e etu taa mangkitanaka sala nu yununya. Pasi ia sangkani ojo rani mangaya anu to matao mangkonong yununya. Pasi nempo maja’a lengko nu yununya, ia tare pandoonya mansarumaka i Pue see yununya etu damajea yako lengkonya etu. Pasi tau to mamporayang sa’e etu sangkani inso rayanya ane mangarata kasusa.

Matius 10:22

Pasi ane komi, samparia tau damaja’a nakita komi apa saba komi mangalulu Aku. Pei i sema-sema tau to mangainsoka kasesa to ewa wetu sampe rata tempo ngkapuranya, tau etu darapalaes.

Ibrani 6:15

Wali yako etu i Abraham bae sabaranya mangampeas panewa ia mangarata anu to naparajanjika i mPue Allah ia etu.

1 Timotius 6:16

Apa ojo patanya i Pue Allah semo to tare kapateNya, pasi Ia maroo ri raya ngkareme to taa maya napomosuk ntau. Wali tare pasi samba’a tau to re’e mangkita i Pue Allah, pasi taa seja re’e tau to nakurang mangkita Ia. Wali pakabae Ia pei patimonso kuasaNya anu to singkasaenya. Amin.

Palaong mPomakau i mPue Yesu 2:25

Etu semo batuanginya gombo to natulis yami i Makole Daud tempo owi. Gombo to ia mangantulis etu manganto’o, ‘Aku sangkani mangangkita i Pue Ia re’e resi Aku. Ia re’e ri awengKu tondo ngkana, wali see naka Aku rodo rayangKu.

Markus 13:13

Pasi komi seja, boros kojo tau to maja’a danakita komi apa saba komi mangalulu Aku. Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.”

Matius 24:13

Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.

Masmur 16:8

Wali aku tare pandoonya mampobuuka Komi, i Pue Yawe. Komi sangkani re’e ri awengku, see naka aku re’e karodo ndayangku.

Posuwunya 12:50

Yako etu sira dua mamporataka resi yunu nsira to Israel porenta i mPue Yawe etu. Wali tau Israel samparia mangaluluka porentaNya etu.

Kolose 1:15

Wali i Pue Allah taa rakita, pei AnaNya ewa gambar to mampakanasaka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia semo to re’e ri katawanya samparia to yusa rapapowali, wali Ia semo to bae-bae anggaNya pei samparia to etu.