Ibrani 10:34 - Tuntu i mPue ri Basa Taa

³⁴ Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Sura Magali Nuntu Ngkatuwu

³⁴ pai komi mamposiepe pari ndaya ntau anu ndapari ntarunggu. Pai ri sindara aga-agami narampa ntau, katepewalinya ewanceʼe nditarima ri karodo ndaya, maka yonto ndipaincani komi ntongo mampotumpu aga-aga anu meruu ngkadagonya pai anu bareʼe da magero rantani masae-sae.

Ibrani 10:34 Referans Kwoze

1 Petrus 1:4

Pasi apa saba kita re’e katuwu to bou etu, see naka re’e tila to naparajanjika i mPue Allah kita to anaNya damangantima. Tilanta etu taa maya rapakaja’aka yau pasi taa daboo yau pasi taa seja dapaya yau kayawanya. Wali tilanta etu nakalisoka i mPue Allah kita ndate saruga.

2 Timotius 1:16

Pei i Onesiporus taa mampiyaika aku. Wali aku mamporapika resi Pue see Ia mampaponsanika samparia tau to maroo ri raya banua i Onesiporus etu pamporayangiNya. Apa ia mandudu ngkani mampakaroso rayangku, pasi tempo aku ratarungku ia taa mea ma’i mayunu resi aku.

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

Ibrani 13:3

Pasi ne’e seja kalingan yunu ngkomi to ratarungku. Porayang sira ewa nuporani sa’e mamporayang komi ane ratarungku seja sindara-ndara pei sira. Pasi ne’e mangkalingan tau to nasesai nsa’e, apa komi re’e seja koro to maya nasesai nsa’e.

Epesus 6:20

Apa aku pomakau i ngKerisitu to mangawakil Ia mangkeni kareba matao etu. Pasi saba aku mangika palaong to etu, see naka aku ratarungku si’i-si’i. Wali pokai-kaika aku see aku taa meka rayangku mampakareba kareba matao etu, ewa to masipato aku mangika.

Lukas 12:33

Wali pobalu ngaya-ngaya ngkomi pei waika doinya resi tau to masiasi. Panewa poromung kasugi to ndate saruga, apa kasugi to etu maya raporapaka ewa dompet to taa dapura yau bananginya. Pasi ndate ria tare to palima to masua damangoko yau kasugimu pasi taa seja re’e ane to mampakaja’aka yau kasugi etu.

1 Yohanes 3:2

Wali ngana-ngana to kuporayang, kita roomo mawali ana i mPue Allah. Pei kita tawa rapaponsanika bara ewa wimba kamonsonya kita ri tempo to darata. Pei re’e sangkodi to kita mangansani, etu semo ane ratamo temponya i Kerisitu ma'i muni, tempo etu kita damawali ewa Ia. Naka pei kita damawali ewa Ia apa kita damangkita Ia ri kamonso-monsonya.

Ibrani 11:16

Pei tana to naporani nsira, tana etu to tao-tao pei tana to napiyaika nsira etu. Tana etu semo tana to ndate saruga. Wali see naka i Pue Allah taa mea ane sira manganto’oka Ia Allah nsira. Pasi Ia mampakanasa Ia Allah nsira apa Ia roomo mampasigenaka sira kota ndate saruga.

1 Timotius 6:19

Apa ane sira mangika ewa see, sira re’e mamporomung kasugi ndate Saruga. Ojo kasugi to etu to bae batuanginya ri tempo to darata. Wali ane sira mangika ewa see, sira maya mangangkongko katuwu to monso pu’u.

Kolose 1:5

Wali naka pei komi mangaya pasi mamporayang ewa wetu, apa saba anu to nusarumaka ngkomi to rapasigenaka komi ndate saruga. Anu to rapasigenaka komi etu rapakanasaka seja resi komi seore tempo tau mampakarebaka komi anu to monso, etu semo kareba matao.

Pilipi 1:7

Wali masipato aku mampobuuka ewa wetu mangkonong komi, apa aku kuporayang kojo komi. Pasi i Pue Allah semo matamanasa mangkonong ewa wimba kawongko ndayangku resi komi. Apa aku kuporayang komi, pasi pamporayangku etu i Yesu Kerisitu semo pu’unya. Naka pei aku kuporayang komi apa saba komi mangarata seja kanoto i mPue Allah sewaju pei aku. Ia mangansawang aku nempo aku ri raya ntarungku, pasi tempo aku yau mampakanasaka kojo tau kareba matao pasi mangewa tau to bali ngkareba matao etu.

Epesus 4:1

Wali apa saba etu, si’i paposia to si aku to ratarungku apa saba palaongingku resi i Pue. Aku manganto’oka komi ika lengko ngkatuwu to masipato naika ntau to napokio i mPue Allah apa monso pu’u Ia room mampokio komi.

Epesus 3:1

Wali saba etu, aku, i Paulus, makai-kai resi i Pue Allah mampokaika komi. Aku ratarungku si’i-si’i apa saba aku mangika palaong i ngKerisitu Yesu resi komi to si’a to Yahudi.

Palaong mPomakau i mPue Yesu 21:33

Roo see kepala ntentara to sansowu etu yau mangansoko i Paulus panewa manganto’oka joanya mangampunguka i Paulus rante dua mbiyaa. Panewa roo see ia mampotanaka resi tau boros, to’onya, “I sema tau si’i pasi kesaa salanya?”

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Lukas 10:42

Pei taa boros palaong to bae kojo batuanginya, ojo samba’aja to bae kojo batuanginya, etu semo to napilis i Maria. Wali anu to matao to ia mangampilis etu taa kojo darayali yau yako resi ia.”

Matius 19:21

Wali i Yesu mangansono, Ia manganto’o, “Ane korom rani mawali masilonga kojo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”

2 Timotius 2:9

Wali apa saba aku mampakarebaka kareba matao etu see naka aku rasesai pasi rapunguka rante ewa tau maja’a. Pei kuasa ntuntu i mPue Allah taa maya rapunguka rante.

2 Korintus 5:1

Wali kami taa mosa mangika palaong i mPue Allah apa kami mangansani koro ngkita raporapaka ewa tenda to napake ngkita ri lino si’i. Wali kami taa mawali mayu’u raya mami apa kami mangansani ane mate yau koro ngkita, ane ewa see, koro ngkita si’i danabolosika i mPue Allah koro to tamo damate. Koro to etu raporapaka ewa banua to singkasaenya to si’a naika nto lino, pei to naika i mPue Allah ndate saruga.

Palaong mPomakau i mPue Yesu 28:20

Wali see naka aku mamporapika dasimparata pei komi damampogomboka komi. Apa naka pei aku rapunguka rante si’i apa saba aku mansarumaka seja Makole parajanji i mPue Allah sewaju ewa to Yahudi samparia.”

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Lukas 9:25

Apa kesaa batuanginya resi tau nempo kasuginya ri lino samparia paka ia puenya pei ane ia taa mangarata katuwu to singkasaenya pei ojo mangarata huku? Tare batuanginya!

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

Ibrani 13:14

Apa ri lino si’i kita tare tampa to datakaroos rataka ri singkasaenya. Pei kita mangampeas kota to darata.