Ibrani 10:23 - Tuntu i mPue ri Basa Taa

²³ Wali anu kita mampakaroso pansarumaka to kita mampongakung pasi ne’e kita bata-bata rayanta, apa i Pue Allah semo to mangika parajanji resi kita pasi Ia maya rasarumaka.

Sura Magali Nuntu Ngkatuwu

²³ Mbolimo kita mangkekeni kojo pampomata-mata anu taʼakumo, maka i Pue Ala meawa pai da ndasarumaka, ka-Siranya da mabangani pojanjia.

Ibrani 10:23 Referans Kwoze

1 Tesalonika 5:24

Wali i Pue Allah, to mampokio komi, Ia damangika kojo palaong to etu, apa Ia masipato rasarumaka.

1 Korintus 1:9

Wali i Pue Allah maya rasarumaka. Ia semo to room mampokio komi see komi masingkatao pei AnaNya, i Yesu Kerisitu, Pue ngkita.

2 Tesalonika 3:3

Pei i Pue masipato rasarumaka, pasi Ia damampakaroso pangaya ngkomi pasi damangararamaka komi yako resi Kepala nto pantipu.

Ibrani 6:18

Wali i Pue Allah taa maya mawuti, wali see naka manasa Ia taa mawuti tempo Ia mangika parajanjiNya. Pasi Ia taa seja mawuti tempo Ia mangampake sangaNya mampakatantu parajanjiNya etu. Pasi samparia gombo to ito’okaNya tempo mangika parajanji pasi tempo mampakatantu parajanjiNya etu taa kojo damambali. Wali see naka kita to roomo mampago i Pue Allah darapalaes, kita rapakaroso rayanta see tare pandoonya mansarumaka i Pue Allah pasi mangampeas anu to Ia roomo mamparajanjika, to kita damangarata.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

1 Korintus 10:13

Wali kamonsonya tare panggoda to narata ngkita to taa biasa mawali resi to lino. Pei i Pue Allah masipato rasarumaka. Ia taa damangabiaka kita mangarata panggoda to kita taa takurang mangewa. Apa tempo kita mangarata panggoda, Ia sangkani damangawaika kita jaya damampiyaika panggoda etu. Wali ewa wetu nikaNya mampakaroso rayanta mangainsoka tempo mangarata panggoda.

Pangkita 3:11

Aku majoli dama’i, wali luluka kojo anu to nululuka ngkomi tempo si’i, apa ane komi damangaluluka, tare to maya mangoko yau dale to danurata ngkomi. Dale etu raporapaka ewa so’o mbo’o to meyawa to narata ntau to manang.

Yakobus 1:6

Pei tempo tau etu marapi sawang resi i Pue Allah, to tao-tao ia marapi yako ri aya ndayanya pasi ne’e bata-bata rayanya. Apa tau to bata-bata rayanya, tau etu raporapaka ewa bombang ri tasi to natawuis nu ngoyu njo’u-ma’i njo’u-ma’i.

Ibrani 11:11

Wali indo nu ana i Abraham, i Sara, mangaya seja i Pue Allah. Pasi apa saba pangayanya etu see naka ia nawaika i mPue Allah karoso see damangkayu’uka pei mampoanaka ana nempo ia tu’a kojomo pasi liumo temponya. Palaong etu mawali apa i Sara mampobuuka ane i Pue Allah to mangika parajanji, Ia damawai kojo, apa Ia masipato rasarumaka.

Ibrani 4:14

Wali anu kita mampakaroso pangaya to kita mampongakung, apa kita re’e samba’a to pampue to bae kojo anggaNya. Etu semo i Yesu, Ana i mPue Allah. Ia yau polas nto’u yangi rataka ndate saruga.

Ibrani 3:14

Apa kita samparia mangarata seja samparia to narata i ngKerisitu ane kita mampakaroso pansarumakanta to re’e resi kita tempo owo mula mangaya see tare pombalinya rataka temponya kita mate.

Ratapan 3:23

Pasi pamporayangiNya etu ponto eo sangkani mawali pamporayang to bou. Wali i Pue Yawe Ia madota kojo mangika to Ia room manganto'o see naka Ia maya rasarumaka.

2 Korintus 9:13

Wali palaong to nuika ngkomi etu damampakanasaka resi sa’e monso pu’u komi mampolaika kareba matao mangkonong i Kerisitu. Wali see naka tau damangabarong i Pue Allah, apa sira mangangkita lengko ngkomi to mampongakung mangaya kareba matao, lengkomu etu singkonong kojo pei gombomu. Pasi sira seja damangabarong i Pue Allah apa saba kanoto ndaya ngkomi mangansora sira pasi mangansora samparia tau to yusa.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.