Ibrani 10:22 - Tuntu i mPue ri Basa Taa

²² See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.

Sura Magali Nuntu Ngkatuwu

²² Inceʼe pai naka maʼimo kita mantimosuki i Pue Ala ri kayoa ndaya pai ri peaya ndaya anu maroso, ri peaya ndaya anu roo ndapakagali ungka ri salaa, pai koro anu roo ndawusoʼika ue anu magali.

Ibrani 10:22 Referans Kwoze

Yohanes 3:5

Wali i Yesu mangansono, Ia manganto’o, “Si’a pangampoana to etu to Aku manganto’o. Pei Aku manganto’oka korom, monso pu’u tare tau to maya mawali tau to i Pue Allah Makolenya ane ia taa rapoanaka yako ue pasi yako i Nosa Mapasing.

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

Epesus 5:26

Naka pei Ia mangkapateka kita see kita damawali i Pue Allah puenya. Pasi ia mampakayongongika raya ngkita yako dosanta. Anu to Ia mangampake mampakayongongika raya ngkita, etu semo tuntuNya anu raporapaka ewa ue to rapake mangariu tau.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Ibrani 7:19

Apa ane porenta i Musa, taa nakurang mampasilonga bara kesaa. Wali porenta etu rabolosika anu to matao wo’u to kita maya mansarumaka, see kita maya mosu resi i Pue Allah.

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

Ibrani 4:16

Wali ne’emo kita meka-meka rayanta mangampago i Pue Allah. Ia maporenta yako ri kanoto ndayaNya, wali ane kita mangampago Ia, Ia damampaponsanika kita pamporayangiNya. Pasi tempo kita parluu rasawang, Ia damangansawang kita yako ri kanotoNya. Wali etu semo batuanginya kasanang ndaya to raporapaka ewa masua ri tampa rapandoo sindara-ndara pei i Pue Allah.

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Titus 3:5

Wali Ia mampalaes kita. Naka pei Ia mampalaes kita apa Ia mamporayang kita, si’a apa saba kita mangika palaong to masipato raika. Ia mampakayongo raya ngkita see tonii ngkita datuwu, pasi i Nosa Mapasing mangawali katuwu ngkita pasi raya ngkita. Etu semo jaya i mPue Allah mampalaes kita.

1 Petrus 1:2

Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

Epesus 3:12

Wali saba kita samba’a pei i Kerisitu Yesu pasi saba kita mangaya Ia, see naka kita taa meka pasi taa seja bata-bata raya ngkita mampotango i Pue Allah.

Yakobus 4:8

Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.

Ibrani 9:19

Apa ojo karoonya i Musa mampakarebaka to Israel samparia porenta i mPue Allah, ia mangoko raa nu ana nsapi pasi raa nu bembe pongka sigalo pei ue. Roo see ia mangoko wo’u sangkongko pinumuya to rato’oka hisop pei manganso’oka wuyu domba to mawaa. Panewa ia mangantuika hisop pasi wuyu domba etu la’u raa to sigalo ue pei mampedasaka ri wawo nu buku rayuyu to nja’u ratulis porenta i mPue Allah pasi mampedasaka seja resi tau boros.

Matius 3:11

Panewa ia manganto’oka wo’u tau boros, to’onya, “Aku mangabaptis komi mangika tondong komi majeam. Wali tempo aku mangabaptis komi etu, aku mangampake ue. Pei re’e tau to dama’i wo’u yako aku si’i, Ia semo to bae-bae kuasaNya pei aku. Ia bae kojo anggaNya, see naka aku mangepe aku nempo ojo mangangkeni sapatuNya taa masipato. Wali tau to dama’i etu taa damangabaptisika komi ue. Re’e komi to Ia damangabaptisika i Nosa Mapasing batuanginya Ia damampaporoo i Nosa Mapasing ri raya ntau etu. Pei re’e wo’u komi to danabaptisika apu batuanginya Ia damamposaka tau to etu ri raya nu apu.

Yakobus 1:6

Pei tempo tau etu marapi sawang resi i Pue Allah, to tao-tao ia marapi yako ri aya ndayanya pasi ne’e bata-bata rayanya. Apa tau to bata-bata rayanya, tau etu raporapaka ewa bombang ri tasi to natawuis nu ngoyu njo’u-ma’i njo’u-ma’i.

Ibrani 11:28

Pasi yako pangayanya, see naka ia mangika Roa Paskah pasi manganto’oka to Israel mampedasaka raa ri wombo banua nsira. Ia mangika ewa wetu see pomakau i mPue Allah to mampopate yau ana to tu’angi ntau, taa damampopate yau seja ana to tu’angi nto Israel.

Ibrani 10:19

Wali a’i-a’i, apa saba raa i Yesu, see naka kita tamo meka-meka rayanta masua ri raya nsongi to mapasing kojo damampotango i Pue Allah.

Ibrani 9:10

Apa sora pasi pampue etu ojo singkonong pei porenta mangkonong pangkoni pasi anu to rainu pasi porenta to mpangaya-ngaya mangkonong anu to raposo’i. Pasi samparia porenta ngkatuwu nto lino etu, nawaika i mPue Allah tauNya danapake nsira sampe rata temponya Ia mangika jaya ngkatuwu to bou.

1 Timotius 4:2

Wali tau to manganto’o gombo to yako ri measa etu, sira tau to mawuti pasi to ojo gombonya manoto. Sira tamo mangepe sira sala, apa raya nsira room mawali yau ewa pela ntau to maronu apa kono wubu mapoi panewa mawali maroyo to makumba pasi male.

Pangkita 1:5

pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makole-makole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.

Epesus 6:5

Wali komi to napowatua ntau, palaika songka ntau to pue ngkomi ri lino si’i. Angga kojo tau to pue ngkomi pasi pomoruka sira, pasi palaika sira ewa nuika ngkomi mampolaika i Kerisitu yako ri kabuya ndaya ngkomi.

Palaong mPomakau i mPue Yesu 8:21

Korom taa masipato mangika seja palaong to kami mangika si’i, apa rayamu taa singkonong pei i Pue Allah.

Yohanes 8:9

Wali ojo pangandonge ntau to mangkeni tau we’a gombo to nato’o i Yesu etu, sira mangansani monso pu’u sira paka madosa. Wali see naka sira miyai samba’a pei samba’a, mula yako ri tau to tu’anginya rataka sira samparia miyai yau. Yako etu jamo i Yesu sira dua tau we’a to nja’uwa nja’u ria.

TADUMPANYOMBA 16:4

Roo mansambale yau sapi pasi domba etu, ia damandiu. Roo mandiu, ia damamposunsuka pake Palaong nto Pampue to ojo to pampue semo mangampake. Wali uyunya kojo ia damamposunsuka selana podo to raika yako kain lena, roo see ia damamposunsuka wo’u baju to marade, pasi salipi, pasi songko. Wali samparia pake nto pampue to ia mamposunsuka etu paka raika yako kain lena.

Lukas 1:1

Pa’a Teopilus to kutabea, malagi tau to roomo mampeyaa mangantulis sarita mangkonong palaong to bae batuanginya to nawalimo ri oyo ngkita. Palaong etu mangkonong i Pue Yesu.

Palaong mPomakau i mPue Yesu 22:16

Wali kesaa wo’u to nupeas ngkorom? Pambangu pei rabaptis. Porapika resi i Pue see korom daralapas yako ri dosamu.’ Ewa see gombo i Ananias resi aku seore.

Ibrani 6:11

Wali komi madota kojo samba’a pei samba’a mangika palaong to etu, wali ewa wimba kabaenya kadota ngkomi etu, ane ewa pamporani mami, ewa see seja kadota ngkomi rataka ri tempo ngkapate ngkomi, see komi damangarata anu to rasarumaka i Pue damangawaika komi.

Ibrani 10:1

Wali porenta i Musa ojo ewa lengke to taa mayoas mangkonong anu to matao to darata, pei porenta etu taa sewaju pei anu to darata etu. See naka porenta etu taa maya mampasilonga tau to mangangkeni pampue nsira mangampago i Pue Allah. Nempo ponto-ponto to’u sira mandudu ngkani naika mampampueka Ia pampue to sewaju-waju etu, pei palaong etu taa mampasilonga sira.