Ibrani 1:9 - Tuntu i mPue ri Basa Taa

⁹ Komi mamporayang kojo anu to singkonong pei Aku, pasi Komi maja’a Nukita anu to maja’a. Wali see naka Aku, AllahMu, roomo mangokotaka Komi mawali makole. Wali angga ngKomi to bae-bae pei angga nu yunuMu. Pasi tempo Aku manga’angga Komi etu, Aku mangawubu minya ri wo’o ngKomi mangika tondong kandende ndaya. (Masmur 45:7,8) Wali palaong to etu mampakanasaka resi samparia tau Aku manga’angga Komi.” Wali ewa wetu gombo i mPue Allah resi AnaNya.

Sura Magali Nuntu Ngkatuwu

⁹ Siko mampokono kayoa, nupobanciika anu modenggo; inceʼe painaka i Pue Ala, Pue-Mu, mampilisi siko pai mawaika siko katetubunaka anu mampareʼe wongko ndaya, meruu ungka ri waʼa yunumu.”

Ibrani 1:9 Referans Kwoze

Masmur 23:5

Wali tempo Komi mampakalindo aku ri raya ngkasusangku etu, palaong etu raporapaka ewa Komi mampasigenaka aku roa ri pangkita nu balingku. Pasi tempo Komi mampalinggona aku, tempo etu Komi ewa mangampalasika minya ri wo’ongku manga’angga aku ewa naika ntau pue banua manga’angga linggonanya. Wali bae kojo kandende ndayangku, raporapaka ewa sangkir to rabanang sampe njeemo.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Lukas 4:18

“Nosa i mPue re’e resi Aku, apa Ia roomo mangampilis Aku damampakarebaka kareba matao resi tau to masiasi. Pasi Ia nampokau Aku damampolindo tau to masusa kojo rayanya pasi damampaponsanika resi tau to nata’amaka nsa’e sira daralapa muni. Pasi Ia nampokau Aku damampaponsanika resi tau to buta sira damangkita muni rao. Pasi Ia nampokau Aku damangansawang tau to rapakasusa,

1 Yohanes 1:3

Wali anu to nakita mami pasi to nadonge mami etu, etu semo to kami mampakarebaka resi komi. Naka pei kami mampakarebaka resi komi, see komi to mangaya komi seja tuwu masingkatao pei Pa'a ngkita pasi AnaNya, i Yesu Kerisitu sewaju ewa kami. Apa monso pu'u kami tuwu masingkatao pei Pa'a ngkita pei AnaNya etu.

1 Petrus 1:3

Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.

Ibrani 7:26

Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Pilipi 2:9

Wali see naka i Pue Allah mangokotaka Ia pei mangawaika Ia pangka to bae-bae pei samparia pangka to yusa. Pasi i Pue Allah mangawaika Ia sanga to bae wo’u batuanginya pei samparia sanga to yusa.

Epesus 1:3

Wali anu kita mangabarong i Pue Allah, etu semo Allah pasi Pa’a i Yesu Kerisitu, Pue ngkita. Apa Ia mangawaika tonii ngkita rasi. Ia mangawaika kita songonya samparia ngaya nu rasi yako ri raya nsaruga, saba kamonsonya kita tau nsaruga apa kita samba’a pei i Kerisitu.

1 Korintus 1:9

Wali i Pue Allah maya rasarumaka. Ia semo to room mampokio komi see komi masingkatao pei AnaNya, i Yesu Kerisitu, Pue ngkita.

Yohanes 20:17

Wali i Yesu manganto’oka ia, “Ne’e kongko Aku, apa Aku tawa mawolili muni resi Pa’angKu. Pei inta resi anagurungKu pei porata resi sira gombongKu si’i, manganto’o, ‘Tempo si’i Aku damawolili muni resi Pa’angKu, AllahngKu semo. Ia seja Pa’a ngkomi pasi Allah ngkomi.’ Wali etu semo gombo to danuporata ngkorom resi anagurungKu.”

Yohanes 1:41

Wali i Andreas ia mansaka yau mangaliwu i Simon etu. Ojo pangaratanya, ia manganto’oka i Simon, “Kami re’emo mangarata i Mesias!” (Ane Mesias etu batuanginya i Kerisitu, Makole parajanji i mPue Allah.)

Pangkita 2:15

Pasi re’e seja ri oyo ngkomi to mangaluluka anu to napotundeka nu joa i Nikolaus.

2 Korintus 11:31

Wali i Pue Allah, Allah pasi Pa’a i Yesu Kerisitu, Pue ngkita, Ia masipato darabarong rataka ri singkasaenya. Pasi Ia mangansani aku taa mangawutis komi. Monso pu’u aku taa gana karoso ndayangku ane taa nasawang i mPue.

Roma 12:9

Wali ne’e dua-dua rayanta mamporayang sa’e. Anu kita mangandolika tangonta yako ri lengko to maja’a pei mangkongko kojo lengko to matao.

Palaong mPomakau i mPue Yesu 10:38

Wali komi mangansani mangkonong i Yesu to Nasaret. I Pue Allah mangampilis Ia pasi mangawaika Ia i Nosa Mapasing pasi mangawaika seja Ia kuasa. Wali i Yesu etu mangalinjak tana Israel pasi imba nakanjo’u Ia mangika palaong to matao, pasi Ia mampakatao muni samparia tau to nakuasang i maja’a. Samparia to nikaNya etu Ia nangika apa i Pue Allah re’e resi Ia.

Palaong mPomakau i mPue Yesu 4:27

O Pue, tibanang kojo gombomu etu apa i Makole Herodes pasi i Pontius Pilatus sira siromu ri kota si’i seore sindara-ndara pei tau to Yahudi pasi to si’a to Yahudi. Tempo etu sira mansongka mangewa i Yesu, to papolaong ngKomi to mapasing to nupilis ngKomi damawali Makole.

Yohanes 3:34

Apa Ia to ma’i napokau i mPue Allah, Ia mangamporata gombo i mPue Allah, apa i Pue Allah re’e mangawaika Ia i Nosa Mapasing damangansawang Ia. Pasi si’a ojo tempo-temponya Ia nasawang i Nosa Mapasing, tare pandoonya Ia rasawang.

Ibrani 2:11

Wali i Yesu mangika see tau mawali i Pue Allah Puenya. Wali Ia to mangika palaong etu pasi kita to inikaNya mawali i Pue Allah Puenya etu, kita paka samba’aja Pa’anta. Wali see naka Ia taa mea manganto’oka kita pua’iNya.

Yohanes 10:17

“Wali Pa’angKu mamporayang Aku apa Aku buya rayangKu mate yau mangkapateka tau to rato’oka dombangKu etu. Wali Aku damate yau, apa ane Aku taa damate yau Aku taa maya datuwu muni yako ri kapatengKu etu.

Palaong mPomakau i mPue Yesu 4:26

Makole-makole nto lino mampakaroso damamusu, pasi samparia tau to mangkuasang to lino sira siromu damangewa i Pue pasi i Kerisitu, Makole parajanji i mPue Allah.’ (Masmur 2:1,2)

Ibrani 2:9

Pei to kita mangansani, parajanji i mPue Allah etu rabanangimo apa saba i Yesu semo. Etu semo jaya to napake i mPue Allah mangabanang parajanjiNya etu. Kamonsonya, tempo i Yesu ma’i ri lino si’i, Ia rapakakodi pangkaNya see kodi wo’u sangkodi pei pangka mpomakau i mPue Allah. Ia mawali ewa wetu see Ia maya mangarata kasesa sampe mate yau mangkapateka samparia tau, apa saba kanoto i mPue Allah. Roo see, apa saba Ia buya rayaNya mate yau ewa wetu, see naka tempo si’i Ia nawaika i mPue Allah pangka to meyawa pasi to ra’angga.