Ibrani 1:1 - Tuntu i mPue ri Basa Taa

¹ Wali tempo owi i Pue Allah malagi ngkani mampogomboka bue-bue ngkita liu ri nganga nto pantuntu TuntuNya. Pasi mpangaya-ngaya jaya to Ia mangampake mangampogomboka sira etu.

Sura Magali Nuntu Ngkatuwu

¹ Ntongo i owi, maria ngkani i Pue Ala mompau ri waʼa ntau piamota mampoliu waʼa nabi mampake mpengaya-ngaya jaya.

Ibrani 1:1 Referans Kwoze

Lukas 24:27

Wali roo see i Yesu mampotundeka sira dua. Ia mula ri buku to natulis i Musa pasi samparia buku to natulis nto pantuntu tuntu i mPue Allah tempo owi. Wali Ia mangampake samparia tuntu i mPue Allah to ratulis etu mangampakanasaka resi sira dua anu to ratulis mangkonong koroNya. Wali sira ndende rayanya mangandonge anu to napotundeka i Yesu sira etu.

Palaong mPomakau i mPue Yesu 2:30

Pei i Daud ia to pantuntu tuntu i mPue Allah pasi ia mangansani parajanji i mPue Allah. Apa i Pue Allah mamparajanjika kojo ia, to’oNya, ‘Ri tempo to darata Aku damangokotaka samba’a wiyaa ngkorom damawali seja Makole sewaju ewa korom. Wali wiyaa ngkorom etu, Ia semo i Kerisitu, Makole Parajanjingku.’

Palaong mPomakau i mPue Yesu 13:32

“Wali kami si’i-si’i mampakarebaka resi komi kareba matao mangkonong anu to naparajanjika i mPue Allah bue-bue ngkita tempo owi.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Ibrani 2:2

Wali ane kita taa mangkongko anu to kita mangandonge, kita damangarata huku. Apa lo’a tau tempo owi to mangarata porenta i mPue Allah to naporata mpomakauNya. Porenta etu porenta to monso, pasi samparia tau to taa mangaluluka porenta etu pasi taa mampolaika, tau etu mangarata huku to masipato sira mangarata.

Lukas 1:72

Pasi Ia nanganto’o Ia damampaponsanika bue-bue ngkita pamporayangiNya pasi Ia damangabanang parajanji to Ia semo nangika resi sira.

Palaong mPomakau i mPue Yesu 28:23

Wali yako etu kepala-kepala nto Yahudi etu sira mangampilis eonya dasimparata wo’u pei i Paulus. Wali ojo karatanya eonya to rapilis etu, boros kojo tau to siromu nja’u banua i mPaulus. Wali yako kaeonya rao rataka wengi rao i Paulus mampogomboka sira. Ia mampakanasaka sira mangkonong ewa wimba i Pue Allah mawali Makole nto lino. Pasi ia mangabasaka sira yako ri porenta i Musa pasi yako ri buku nto pantuntu tuntu i mPue Allah, panewa yako ri gombo to basanya etu ia mampaponsanika sira mangkonong i Yesu apa ia rani tau etu damangaya seja.

Yohanes 9:29

Kami mangansani i Pue Allah re’e magombo resi i Musa tempo owi. Pei ane ngkai etu, sakowa yako imbare kama’iNya kami taa mangansani.”

Yohanes 7:22

Pei kamonsonya komi seja mangika palaong ri Eo Rapandoo. Apa komi mangansui ngana ngkomi nempo ri Eo Rapandoo apa mangalulu porenta to nawaika i Musa komi. (Pei kamonsonya porenta to etu si’a yako i Musa, apa ri tempo tawa re’e i Musa, tempo etu semo i Pue Allah manganto’oka bue-bue ngkita mangika palaong to etu.)

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Pomulanya 6:3

Wali i Pue Yawe manganto’o, “To lino tempo si’i jamo mangaluluka yau pamporani ndaya to si sira. Wali see naka darata temponya NosangKu tamo damampeyaa mampakakono lengko nsira. Jamo satu pei dua mpuyu nto’u to daKuwaika sira tuwu ri lino si’i panewa Aku damangahuku sira. ” Etu semo to nato’o i mPue Yawe mangkonong to lino to ri tempo etu.

Yohanes 16:13

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

Palaong mPomakau i mPue Yesu 3:21

Wali tempo si’i i Yesu ndatewa ndate saruga. Pasi matantu kojo Ia damaroo ndate ria sampe rata temponya i Pue Allah damangika samparia damawali bou. Palaong etu semo to room nato’oka yami nto pantuntu tuntu to Ia puenya tempo owi.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Ibrani 3:5

Wali i Kerisitu pasi i Musa paka masipato rasarumaka mangika palaong to nawaika i mPue Allah sira. I Musa mampasilonga samparia tau to i Pue Allah Puenya to raporapaka ewa banua i mPue Allah. Ia mangika palaong etu ewa naika nto papolaong. Pasi ia manganto’oka tau boros, “I Pue Allah roomo mampaponsanika aku mangkonong anu to Ia damanganto’o ri tempo to darata.” Ewa wetu nato’o i Musa. Pei ane i Kerisitu, Ia mampasilonga seja banua i mPue Allah, pei Ia mangika palaong etu si’a ewa naika nto papolaong. Ia mangika ewa naika ana ntau pue banua. Wali kita semo to rato’oka banua i mPue Allah etu ane kita mampakaroso rayanta see taa meka-meka, pasi mampakaroso pansarumakanta to mampakandende raya ngkita, see karoso ndayanta pasi pansarumakanta etu maroso rataka ri tempo kapatenta.

Ibrani 5:5

Pasi ewa see seja i Kerisitu. Ia taa seja mangokotaka koroNya mawali to pampue to bae angganya. Pei i Pue Allah semo to mangokotaka Ia, to’oNya, “Korom AnangKu, Seo si’i Aku mawalimo Pa’aMu.” (Masmur 2:7)

Ibrani 9:19

Apa ojo karoonya i Musa mampakarebaka to Israel samparia porenta i mPue Allah, ia mangoko raa nu ana nsapi pasi raa nu bembe pongka sigalo pei ue. Roo see ia mangoko wo’u sangkongko pinumuya to rato’oka hisop pei manganso’oka wuyu domba to mawaa. Panewa ia mangantuika hisop pasi wuyu domba etu la’u raa to sigalo ue pei mampedasaka ri wawo nu buku rayuyu to nja’u ratulis porenta i mPue Allah pasi mampedasaka seja resi tau boros.

Ibrani 11:2

Ane tau tempo owi, re’e to mangaya i Pue Allah, pasi apa saba pangaya nsira etu see naka i Pue Allah manganto’o sira matao.

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.