Epesus 4:5 - Tuntu i mPue ri Basa Taa

⁵ Wali kita samba’aja Puenta, pasi samba’aja pangayanta, pasi samba’aja seja batuanginya naka pei kita samparia rabaptis.

Sura Magali Nuntu Ngkatuwu

⁵ Maka podo sambaʼa-mbaʼa Pue, sambaʼa-mbaʼa peaya, sambaʼa popariu,

Epesus 4:5 Referans Kwoze

1 Korintus 8:6

Pei nempo ewa see, ane resi kita samba’aja i Pue Allah, Pa’a. Ia semo pu’unya samparia anu to re’e. Pasi naka pei kita tuwu see kita damawali Ia Puenya. Pasi samba’aja seja i Pue, etu semo i Yesu Kerisitu. Wali Ia semo to nawaika i mPue Allah mampapowali samparia anu to re’e, pasi yako resi Ia semo naka pei kita re’e katuwunta.

1 Korintus 12:13

Apa kita nabaptis i Nosa Mapasing anu samba’aja etu darapasimba’a mawali yau samba’a koro. Kita nempo to Yahudi, nempo si’a to Yahudi pasi nempo watua nempo si’a watua, samparia mawali samba’a koro. Pasi kita samparia mangarata i Nosa Mapasing anu samba’aja etu maroo ri raya ngkita. Wali palaong etu raporapaka ewa malagi tau to manginu yako mata nue to samba’aja.

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

Roma 3:30

Apa ojo samba’aja i Pue Allah. Ia semo to manganto’o to Yahudi tare dosanya apa saba yako pangaya nsira, pasi Ia seja manganto’o tau to si’a to Yahudi tare dosanya apa saba yako pangaya nsira.

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

1 Korintus 1:13

Wali wimba i Kerisitu, Ia bara tiga’a-ga’as? Wimba, bara aku, i Paulus, to mangangkapateka komi ri kaju pasape? Pasi wimba komi, bara rabaptis see sa’e mangansani komi i Paulus puenya? Gete taa!

I Yudas 1:3

Wali a’i-a’i to kuporayang, aku re’e mansongka mangantulisika komi sura mangkonong samparia to nawaika i mPue Allah kita tempo Ia mampalaes kita. Wali tongo-tongonya aku mansongka damangantulis sura to ewa wetu, aku mangepe taa maya taa mangantulisika komi sura to mangawaika komi paposia. Etu semo see komi mampoewaka anu to kita mangaya to nasarumakaka i mPue Allah kita to Ia Puenya. Ia sangkanija mangawaika kita pangaya etu see kita mangajagai rataka ri singkasaenya.

2 Korintus 11:4

Wali see naka aku moru-moru rayangku. Maka pei komi ojo mangabiaka nempo bara kesaa to napakarebaka ntau to rata resi komi? Ane sira mampakarebaka mangkonong i Yesu pei gombo nsira yusa pei to napakarebaka mami, komi ojo mangabiaka. Pasi ane sira manganto’oka komi mangantima nosa to si’a Nosa to roomo nurata ngkomi seore, komi ojo mangabiaka. Pasi ane sira mampakarebaka resi komi kareba to si’a kareba matao to nutima ngkomi seore, komi ojo mangabiaka seja. Wali maka pei komi masanang mangantima gombo nsira etu? Wimba, komi bara mampobuuka sira to bae-bae angganya pei aku?

Pilipi 2:11

Pasi tare to taa damampatimonso i Yesu Kerisitu Ia semo i Pue. Wali yako palaong to etu i Pue Allah, Pa’a, darabarong.

Epesus 4:13

Wali palaong etu mawali sampe rata temponya kita samparia mawali samba’a pampobuuka apa saba kita mangaya pasi mangansani Ana i mPue Allah. Tempo si’i kita raporapaka ewa ngana mayunu pei tempo kita mawali samba’a pampobuuka etu, kita damawali ewa tau bose tu’a. Pasi tempo etu kita damasilonga kojo sewaju pei i Kerisitu.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

1 Korintus 12:5

Pasi palaong to naika ngkita resi i Pue mpangaya-ngaya, pei i Pue samba’aja.

1 Korintus 1:2

Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.

I Yudas 1:20

Pei a’i-a’i anu kuporayang, pakaroso raya ngkomi. Ewa naika ntau mangawangu banua ri wawo mpondasi to maroso, ewa see seja naika ngkita mampakaroso rayanta apa pondasi ngkita semo pangaya ngkita resi i Yesu Kerisitu. Wali pangaya ngkita etu singkonong kojo pei i Pue Allah. Pasi a’i-a’i, anu kita makai-kai resi i Pue Allah mangaluluka ewa wimba nato’oka i Nosa Mapasing kita.

Ibrani 13:7

Wali ne’e kalingan yau penatua ngkomi to mamporataka komi tuntu i mPue Allah tempo ruyu. Pobuuka kojo lengko ngkatuwu nsira rataka tempo ngkapate nsira, pasi rapasiwajuka pangaya nsira. Apa sira mampotundeka komi mangkonong i Yesu Kerisitu, pasi

Ibrani 6:6

Wali tau to ewa wetu, ane mampiyaika yau samparia to etu, taa kojo re’e jaya mangkeni muni sira damajea. Apa yako palaong etu sira mawali ewa tau to nangampaku Ana i mPue Allah ri kaju pasape pasi mangarunes Ia ri pangkita ntau boros.

Titus 1:4

Wali aku mangantulis sura si’i resi korom, i Titus. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a, pasi i Pue Yesu Kerisitu, to Pansompo ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

Titus 1:1

Sura si’i yako resi aku, i Paulus. Aku semo to papolaong i mPue Allah pasi pomakau i Yesu Kerisitu. Wali palaong to nawaika i mPue Allah aku etu semo mampakaroso pangaya ntau to napilis i mPue Allah, pasi mampotundeka tau see sira manasanya mangkonong anu to monso. Apa yako anu to monso etu see naka sira damangansani ewa wimba raika mampolengkoka lengko to singkonong pei i Pue Allah.

Pilipi 3:8

Pei kamonsonya si’a ojo palaong to etu to aku mampobuuka tare batuanginya. Ane ewa pampobuuka to si aku, samparia anu to re’e paka tare batuanginya resi aku. Apa to bae kojo batuanginya resi aku, etu semo aku masinsani pei i Kerisitu Yesu, Puengku. Wali saba Ia naka pei aku roomo mampiyaika yau samparia palaong to bae batuanginya resi aku seore. Pasi tempo si’i aku mampobuuka palaong to etu ewa wusu to makarika see aku kanjo’u-njo’u ojo tiduga-dugang pansarumakangku resi i Kerisitu.

Palaong mPomakau i mPue Yesu 10:36

Wali komi bara roomo mangandonge mangkonong kareba matao to napakarebaka i mPue Allah resi to Yahudi. Etu semo kareba to manganto’o tau maya masingkatao pei i Pue Allah apa saba palaong to naika i Yesu Kerisitu, Pue nto lino samparia. Pasi komi mangansani seja mangkonong palaong to mawali mula ri propinsi Galilea rataka sambawo propinsi Yudea. Palaong etu namula ri tempo i Yohanes to Pombaptis roomo mampakarebaka resi tau manganto’o, ‘Pojeamo pei rabaptis.’

Palaong mPomakau i mPue Yesu 2:36

“Wali a’i-a’ingku to Israel, aku mampaponsanika komi samparia see manasa kojo i Yesu to nupaku ngkomi ri kaju pasape etu, Ia semo to naokotaka i mPue Allah mawali Pue pasi mawali Makole to naparajanjikaNya.”

2 Petrus 1:1

Sura si’i yako resi aku, i Simon Petrus. Aku to papolaong i Yesu Kerisitu pasi pomakauNya seja. Wali aku mangantulisika komi to yunu mami to mangaya seja anu to monso mangkonong i Yesu Kerisitu. I Yesu Kerisitu, Ia semo Allah ngkita pasi to Pansompo ngkita. Pasi Ia sangkani mangika anu to singkonong pei i Pue Allah. Wali see naka kita mangaya Ia. Pasi pangaya ngkomi resi Ia etu sewaju ewa pangaya mami to bae kojo batuanginya resi kami.

Yakobus 2:18

Pei ane re’e tau to damangabanta gombongku etu, manganto’o, “Malagi njaya pampobuuka ntau mangkonong pangaya. Apa samba’a tau ojo pangaya to re’e resi ia, pei ane tau to yusa, ojo palaong to matao to re’e resi ia.” Wali ane bara re’e tau to manganto’o ewa wetu, si’i semo sonongku. Aku damanganto’oka ia, “Ane ojo pangaya to re’e resi korom, wimba danuika mampakanasaka resi sa’e mangkonong pangayamu etu? Pei ane aku, aku damangika palaong to matao see damampakanasaka resi sa’e mangkonong pangayangku.