Epesus 4:2 - Tuntu i mPue ri Basa Taa

² Wali lengko to masipato, etu semo ne’e mabae-bae raya ngkomi pasi ne’e seja makasar resi sa’e. Pakabae sabara ngkomi resi sa’e, pasi porayang sa’e naka ne’e majoli masusa resi sira.

Sura Magali Nuntu Ngkatuwu

² Komi da tuwu ri kalauka ndaya, ri kalulu ndaya, pai ri kayombu mponawa-nawa. Ndituju towe ndayami ri pombetulungimi sambaʼa pai sambaʼa.

Epesus 4:2 Referans Kwoze

1 Korintus 13:7

Pasi tau to mamporayang sa’e etu taa mangkitanaka sala nu yununya. Pasi ia sangkani ojo rani mangaya anu to matao mangkonong yununya. Pasi nempo maja’a lengko nu yununya, ia tare pandoonya mansarumaka i Pue see yununya etu damajea yako lengkonya etu. Pasi tau to mamporayang sa’e etu sangkani inso rayanya ane mangarata kasusa.

Roma 15:1

Wali kita to maroso pangayanta to tao-tao mangansabaraka sala ntau to mayu’u pangayanya. Ne’e kita ojo mampobuuka kasanang ndaya ngkita.

Matius 11:29

Lulu anu to Aku mampotundeka komi pei powali anagurungKu, apa Aku taa makasar pasi taa bae-bae rayangKu. Wali ane komi ma’i resi Aku, komi damangarata kalindo ndaya.

1 Timotius 6:11

Pei korom semo tau to i Pue Allah Puenya. Wali see naka pakalongko yako ri palaong to maja’a etu. Pei pakadota mangika lengko to masipato raika pasi to singkonong pei i Pue Allah. Pakaroso pangayamu resi i Pue pei porayang kojo sa’e. Pasi ane nurata ngkorom kasesa, pakaroso rayamu mangalulu i Pue. Pasi ikamo to manoto resi sa’e.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.

2 Timotius 2:25

Pasi ane re’e tau to mangewa kita, ne’e kita makasar mampotundeka sira. Anu kita matao raika mampotundeka sira see tuwu-tuwuja i Pue Allah damangawaika sira temponya majea pasi mangansani anu to monso.

Epesus 1:4

Wali samparia rasi to roomo nawaika i mPue Allah kita etu, singkonong kojo pei pamporani to si Ia yako ri tempo Ia tawa nangampapowali lino si’i. Wali pobuuka to roomo naika i mPue Allah. Re’e katawanya Ia mampapowali lino, tempo etu Ia room mangampilis kita see damawali samba’a pei i Kerisitu. Wali see naka kita rapilis seja mawali tau to i Pue Allah Puenya, pasi Ia manganto’o kita tare salanta. Ia mangamporayang kita, see naka Ia re’e yami songkaNya damangampilis kita damawali anaNya. Wali Ia mangabanangimo songkaNya etu. Wali kita nawalimo anaNya apa saba yako palaong to naika i Yesu Kerisitu. Etu semo pamporani i mPue Allah to mampakasanang kojo Ia.

Palaong mPomakau i mPue Yesu 20:19

Tempo etu aku taa bae-bae rayangku pasi tempo etu aku tongo ngkatumangingku mangika palaong i mPue. Ewa wetu inikangku nempo mangarata soba apa saba songka nto Yahudi to rani mampakaja’a aku.

Markus 9:19

Wali i Yesu mampogomboka tau boros etu Ia manganto’o, “Gete komi to tuwu tempo si’i! Komi taa kojo mangaya. Pei nempo masaemo Aku maroo resi komi pei komi bara tiroowa taa mangaya. Wali masusa rayangKu mampobuuka komi taa kojo mangaya Aku!” Wali yako etu i Yesu manganto’o, “Kenika Aku ana etu.”

Yakobus 1:21

Wali see naka posaka yau songonya lengko to makarika pasi samparia lengko to maja’a to malagi kojo. Ne’e mabae-bae rayamu pei padongeka tuntu i mPue Allah to raporapaka ewa rapomuya ri raya ngkomi. Apa tuntuNya etu re’e kuasa mampalaes komi.

Kolose 1:11

Wali kami mamporapika seja resi i Pue Allah see Ia damangampake samparia kuasaNya damampakaroso raya ngkomi singkonong pei karosoNya anu masipato tabarong. Apa ane ewa see, komi sangkani ndende raya ngkomi pasi mangainsoka mangansabaraka tempo mangarata kasusa.

1 Petrus 3:8

Wali ri lelenya ri kapuranya to si’i aku re’e to rani manganto’oka komi samparia. Etu semo, masipato komi samba’a pampobuuka ngkomi, pasi mangepe seja kandende ndaya pasi kamawo ndaya to naepe nu yunu ngkomi samba’a pei samba’a. Pasi masipato komi masiporayang ewa tau to moa’i. Pasi masipato seja komi ne’e mabae-bae rayamu. Pasi matao seja komi rani mangansawang tau to ri raya ngkasusa.