Epesus 3:1 - Tuntu i mPue ri Basa Taa

¹ Wali saba etu, aku, i Paulus, makai-kai resi i Pue Allah mampokaika komi. Aku ratarungku si’i-si’i apa saba aku mangika palaong i ngKerisitu Yesu resi komi to si’a to Yahudi.

Sura Magali Nuntu Ngkatuwu

¹ Inceʼe puʼunya painaka yaku, i Paulu, tau anu ndatarunggu ua mamponcuruka i Kerisitu Yesu, tilami komi anu banya to Yahudi.

Epesus 3:1 Referans Kwoze

Kolose 1:24

Wali si'i-si'i aku mangarata kasesa saba mangika palaong to etu resi komi. Pei nempo korongku rasesai, aku tiroo ndende rayangku. Apa i Kerisitu mangkasesaka tau to rato'oka koronya. Etu semo samparia tau to mangaya Ia. Wali aku mangarata seja santila kasesa to narata i ngKerisitu etu, pasi to tiroowa narata ngkita.

Epesus 4:1

Wali apa saba etu, si’i paposia to si aku to ratarungku apa saba palaongingku resi i Pue. Aku manganto’oka komi ika lengko ngkatuwu to masipato naika ntau to napokio i mPue Allah apa monso pu’u Ia room mampokio komi.

2 Timotius 1:8

Wali ne’e mea mampakarebaka tau mangkonong Pue ngkita. Pasi ne’e seja mampokea aku to re’e ratarungku apa saba mangika palaongiNya. Kasimbalinya yako etu, pakaroso apa korom damangarata seja kasesa sindara-ndara pei aku apa saba korom mangangkeni kareba matao mangkonong Pue. Pasi tempo korom mangarata kasesa etu sarumaka karoso to nawaika i mPue Allah korom.

Epesus 6:20

Apa aku pomakau i ngKerisitu to mangawakil Ia mangkeni kareba matao etu. Pasi saba aku mangika palaong to etu, see naka aku ratarungku si’i-si’i. Wali pokai-kaika aku see aku taa meka rayangku mampakareba kareba matao etu, ewa to masipato aku mangika.

Pilipi 1:7

Wali masipato aku mampobuuka ewa wetu mangkonong komi, apa aku kuporayang kojo komi. Pasi i Pue Allah semo matamanasa mangkonong ewa wimba kawongko ndayangku resi komi. Apa aku kuporayang komi, pasi pamporayangku etu i Yesu Kerisitu semo pu’unya. Naka pei aku kuporayang komi apa saba komi mangarata seja kanoto i mPue Allah sewaju pei aku. Ia mangansawang aku nempo aku ri raya ntarungku, pasi tempo aku yau mampakanasaka kojo tau kareba matao pasi mangewa tau to bali ngkareba matao etu.

Pilemon 1:1

Sura si’i yako resi aku, i Paulus. Aku ratarungku apa saba mampakarebaka tau mangkonong i Kerisitu Yesu. Pasi sura si’i yako resi i Timotius, a’i ngkita anu samba’a pangaya. Wali kami mangantulis sura si’i resi korom, i Pilemon. Korom mangika seja palaong to kami mangika pasi kami mamporayang kojo korom.

Palaong mPomakau i mPue Yesu 23:18

Wali kepala ntentara etu mangkeni pinuana i mPaulus resi kepalanya. Ia manganto’o, “I Paulus to nja’u tarungku etu, ia mampokio aku pei manganto’oka aku mangkeni ngkai si’i resi komi, apa re’e to ia rani manganto’oka komi.”

Lukas 21:12

Wali yako etu i Yesu manganto’oka wo’u anaguruNya, to’oNya, “Ewa wetu palaong to damawali, pei tempo tawa mawali palaong to etu, komi danasoko pasi danasesai ntau. Komi darabotus nja’u banua-banua to napampotunde nto Yahudi pasi komi daratarungku. Pasi komi darakeni ri tango makole-makole pasi ri tango gubernur-gubernur apa saba komi mangaya Aku.

Pilemon 1:23

Wali i Epapras rani aku manganto’oka komi ia taa mangkalingan komi. Ia seja ratarungku sindara-ndara pei aku apa saba mangaya i Kerisitu Yesu.

Palaong mPomakau i mPue Yesu 26:29

Wali i Paulus manganto’o, “Aku makai-kai resi i Pue Allah see bara majoli bara damasaewa komi damawali seja tau Kristen sewaju ewa aku. Pei si’a ojo komi, pasi samparia tau to mangandonge gombongku seo si’i. Ojo rante to rapunguka aku si’i to aku taa rani komi mangarata.”

2 Timotius 1:16

Pei i Onesiporus taa mampiyaika aku. Wali aku mamporapika resi Pue see Ia mampaponsanika samparia tau to maroo ri raya banua i Onesiporus etu pamporayangiNya. Apa ia mandudu ngkani mampakaroso rayangku, pasi tempo aku ratarungku ia taa mea ma’i mayunu resi aku.

Kolose 4:18

Wali aku, i Paulus, taa seja mangkalingan komi. Pasi gombo to mangantabea komi si'i aku semo mangantulis. Wali ne'e kalingan aku re'e ri raya ntarungku si'i-si'i. Pasi aku makai-kai resi i Pue Allah see Ia damampaponsanika komi kanotoNya. Amin. Ungkanyamo ruyu gombongku si'i.

Kolose 4:3

Pasi pokai-kaika seja kami see i Pue Allah damangawaika kami jaya damampakarebaka tau tuntuNya to mampakanasa songkaNya to tawa nansani ntau. SongkaNya etu mangkonong i Kerisitu semo. Wali pokaika aku see aku maya mampakanasaka kojo resi tau tempo aku mampakarebaka songka i mPue Allah etu. Apa masipato aku mangika ewa wetu. Kamonsonya aku re'e mampakarebaka resi tau mangkonong i Kerisitu, see naka aku ri raya ntarungku si'i-si'i.

2 Korintus 11:23

Wali monso pu’u gombongku si’i ewa gombo ntau to bea, pei aku tiroo mampakapolas gombongku to tabaro si’i. Apa ane tau etu manganto’o, “Kami to papolaong i ngKerisitu,” kamonsonya aku semo to manganangi sira mangika palaong i ngKerisitu. Apa aku semo to roso-roso mapalaong, pasi aku semo to mapari kojo naika ntau mangawotu-wotu, pasi aku semo to malagi ngkani ratarungku, pasi to malagi ngkani mosu rapopate yau.

2 Korintus 10:1

Wali re’e to yusa to aku rani manganto’oka komi. Apa aku rani kojo mampaposiaka komi si’i-si’i. Ane ewa panto’o ntau, ane aku siwaka pei komi aku meka-meka rayangku, pei ane longko yako resi komi aku makoje rayangku magombo. Ewa see nato’o ntau. Pei si’a ewa see, apa i Kerisitu Ia taa mabae-bae rayanya pasi taa makasar resi sa’e. Wali ewa wimba lengko i ngKerisitu etu, ewa see seja aku damangika mampaposiaka komi apa aku taa seja damakasar resi komi.

Palaong mPomakau i mPue Yesu 21:33

Roo see kepala ntentara to sansowu etu yau mangansoko i Paulus panewa manganto’oka joanya mangampunguka i Paulus rante dua mbiyaa. Panewa roo see ia mampotanaka resi tau boros, to’onya, “I sema tau si’i pasi kesaa salanya?”

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Epesus 3:13

Wali see naka aku mamporapika resi komi ne’e mayu’u raya ngkomi mampobuuka kasesa to aku mangarata apa saba palaong to inikangku resi komi. (Aku buya rayangku mangarata kasesa etu apa aku manga’angga komi. Wali see naka tau to yusa mangangkita komi masipato ra’angga.)

Galatia 5:11

Wali a’i-a’i, ane ewa pampobuuka ngkomi, maka pei aku tiroo nasesai nto Yahudi? Ane aku bara mangampotundeka tau manganto’o kita to mangaya tiroowa parluu rasui mangalulu ada nto Yahudi, ane ewa see tare to Yahudi to masusa resi aku. Sira ojo masanang resi aku. Pei sira maja’a kojo rayanya resi aku apa aku mampakarebaka mangkonong kapate i Yesu Kerisitu ri kaju pasape, aku manganto’o kapateNya etu gana kojo. Tamo daradugang wo’u.

Galatia 5:2

Wali padongeka! Aku, i Paulus, manganto’oka komi, ane komi rasui mangalulu ada nu agama nto Yahudi apa mampobuuka etu semo jaya danato’o i mPue Allah tare dosamu, ane ewa see i Kerisitu tamo re’e batuanginya resi komi.

Palaong mPomakau i mPue Yesu 9:15

Pei i Pue manganto’oka wo’u i Ananias, to’oNya, “Inta, apa Aku roomo mangampilis ia damangika palaongingKu. Wali ia damampakarebaka mangkonong Aku resi to Israel pasi tau to si’a to Israel pasi makole-makolenya.

2 Korintus 1:6

Wali ane kami mangarata kasesa, re’e batuanginya resi komi. Apa yako kasesa to kami mangarata etu, see naka kami mangansani ewa wimba daraika tempo komi mangarata seja kasesa. Etu semo, kami mangansani ewa wimba daraika mampakaroso raya ngkomi pasi mangampalaes komi ri raya ngkatuwu ngkomi. Wali bae kojo batuanginya resi komi. Pasi ane kami napakaroso i mPue Allah raya mami, re’e seja batuanginya resi komi. Apa yako etu manasa resi komi i Pue Allah seja damampakaroso raya ngkomi. Wali see naka komi maroso rayamu mangansabaraka kasesa to sewaju ewa kasesa to narata mami.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Epesus 3:11

Wali i Pue Allah mangika samparia palaong to etu mangalulu songka to inikaNya yako singkasaenya. Pasi Ia mangampake i Kerisitu Yesu, Pue ngkita, mangabanang songkaNya etu.