Epesus 2:4 - Tuntu i mPue ri Basa Taa

⁴ Pei i Pue Allah bae kojo kanotoNya resi kita pasi Ia mamporayang kojo kita.

Sura Magali Nuntu Ngkatuwu

⁴ Paikanya bangke kojo kapande ndaya i mPue Ala! Anu tongawa ri ndapampotowe kita,

Epesus 2:4 Referans Kwoze

1 Petrus 1:3

Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

Roma 5:8

Pei ane i Pue Allah Ia yusa. Si’a apa saba kita matao naka pei Ia mampaponsanika kita ewa wimba kabaenya pamporayangiNya resi kita. Tempo kita tiroowa tau madosa, tempo etu semo i Kerisitu mangkapateka kita.

Epesus 2:7

Wali naka pei i Pue Allah mangika palaong to etu see ane ri tempo to darata Ia maya mampapokitaka samparia to lino pasi pomakauNya ndate saruga ewa wimba kabaenya kanotoNya resi kita. Bae kojo kanotoNya etu. Ia mamporayang kojo kita apa saba kita samba’a pei i Kerisitu Yesu.

Roma 10:12

Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.

1 Timotius 1:14

Palaongingku etu maja’a, pei kanoto i mPuenta bae kojo resi aku, pasi bae seja pangaya pasi pamporayang to nawaika i ngKerisitu Yesu aku.

2 Timotius 1:9

Apa Ia semo to room mangampalaes kita. Pasi Ia room mampokio kita mawali tau to Ia Puenya, to mangika palaongiNya. Si’a yako palaong ngkita to matao naka pei Ia mangampalaes pasi mampokio kita. Naka pei Ia mangika palaong etu apa saba kanotoNya pasi apa singkonong pei songka to si Ia. Apa yako tempo owi, tempo lino si’i tawa rapapowali, i Pue Allah mansongka damampaponsanika kita kanotoNya apa saba kita samba’a pei i Kerisitu Yesu.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Roma 9:23

I Pue Allah mangika ewa wetu see mampaponsanika ewa wimba kabaenya kayawa to Ia mangawaika tau to Ia mamporayang, etu semo tau to Ia mampasigena yami damangarata kayawaNya etu.

Roma 2:4

I Pue Allah Ia manoto kojo, pasi Ia bae sabaranya apa Ia taa mansaka mangahuku komi. Pei ne’e komi mampobuuka, “Nempo kami taa majea taa mawei.” Ne’e mampobuuka ewa wetu apa naka pei i Pue Allah manoto pasi bae sabaraNya resi komi apa Ia mangawaika komi tempo see komi damajea.

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

Lukas 1:78

Naka pei i Pue Allah damangika ewa wetu apa Ia bae kojo pamporayangiNya resi kita.Wali see naka to Pansompo to dama’i yako saruga darata resi kita. Ia raporapaka ewa eo to owo lambu.