Epesus 2:3 - Tuntu i mPue ri Basa Taa

³ Wali tempo kita tawa mangaya, tempo etu kita samparia sewaju pei tau to taa mampolaika i Pue Allah etu. Apa tempo etu kita seja ojo mangaluluka yau pampobuuka ngkita to masae. Pasi kesaa to mampakasanang koro ngkita pasi pampobuuka ngkita, etu semo to kita mangika. Wali tempo etu kita masipato nahuku i mPue Allah sewaju pei tau to yusa, apa saba lengko ngkita to maja’a etu.

Sura Magali Nuntu Ngkatuwu

³ I owi kita seʼe siwia pai waʼa ntau seʼe; kita tuwu malulu engko ngkatolinota, tapowia nunjaa anu pepokono ndayata pai nawa-nawata anu majaʼa. Ri tempo setu kita woʼu tesua ri waʼa ntau anu ndapokarau i mPue Ala siwia pai waʼa ntau ntaninya.

Epesus 2:3 Referans Kwoze

Titus 3:3

Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.

1 Petrus 1:14

Wali komi seja ana i mPue Allah, see naka masipato komi mangampolaika songka to si Ia. Pasi ne’e mangalulu pamporani ndaya to maja’a to nululu ngkomi tempo komi tawa mangansani kareba matao.

Epesus 4:22

Wali posaka yaumo tau ngkomi to masae. Tau ngkomi to masae etu semo to komi mangaluluka yau tempo ruyu. Apa tau ngkomi to masae etu kanjo’u-njo’u tiduga-dugang kaja’anya apa anu to naporani etu mangantipu yau. Wali see naka posaka yau tau ngkomi to masae etu ewa naika ntau mangawonsu yau baju to masae.

Roma 13:14

Pei anu kita mangika ewa wimba lengko i mPue Yesu Kerisitu. Ne’e kita ojo mampobuuka ewa wimba dataika mangabanang pampobuuka ngkita to masae.

Roma 6:12

Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.

1 Yohanes 2:16

Apa samparia palaong to maja'a to re'e ri lino si'i si'a Pa'a ngkita pu'unya. Rapanya pamporani ngkoro ngkita to maja'a, pamporani nu mata to kaloo mangkita anu ri lino, pasi lengko ngkita to tabaro apa saba kasuginta pasi pangkanta. Wali samparia palaong to ewa wetu si'a Pa'a ngkita pu'unya, lino semo pu'unya.

Epesus 2:2

Lengko ngkomi tempo etu ojo mangaluluka yau lengko nto lino anu to maja’a. Pasi tempo etu komi mangampolaika i Kepala Measa. I Kepala Measa ia matunda ri rao, wali yako ri rao etu ia mangamporentang raya ntau samparia to taa mampolaika i Pue Allah.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

1 Korintus 4:7

Wali gete komi to manganto’o ewa wetu, sema nangokotaka komi mawali to bae batuanginya? Kesaa to re’e resi komi to si’a i Pue Allah nangawai? Tare. Samparia anu to re’e resi komi paka i Pue semo mangawaika. Wali maka pei komi tabaro ewa tau to mangarata kasugi yako ri palaong to si iaja?

Roma 7:18

Apa aku kunsani ane ri rayangku, etu semo ri pampobuukangku to masae, tare pasi sangkodi to matao. Apa aku rani kojo mangika palaong to matao, pei aku taa kukurang.

Markus 4:19

pei sira taa mangaluluka kojo apa sira ojo moru-moru mampobuuka katuwunya ri lino si’i, pasi sira mampobuuka kojo kasugi pasi anu to yusa to naporani nsira. Wali pangaya nsira ri tuntu i mPue Allah ewa pinumuya to taa mawua.

Pomulanya 6:5

Wali i Pue Yawe mangkita bae kojo kaja’a nto lino apa samparia songka to yako ri pampobuuka nsira ojo maja’a semo, tare to matao.

Roma 11:30

Wali komi tempo ruyu mangewa pamporani i mPue Allah pei si’i-si’i komi re’e mangarata pamporayang i mPue Allah apa saba to Yahudi mangewa Ia.

Roma 9:22

Wali ewa see seja i Pue Allah. Masipato Ia mangika ewa wimba pamporaniNya resi kita to lino apa Ia semo to nampapowali kita. Kamonsonya i Pue Allah rani mangahuku tau to maja’a pasi mampaponsanika tau kuasaNya. Pei nempo ewa wetu pamporaniNya pei Ia tiroo mansabaraka kojo tau maja’a to masipato mangarata huku etu pasi to masipato darapakaja’a yau.

Yohanes 1:13

Wali tau to mawali ana i mPue Allah etu, sira mawali anaNya si’a ewa pangampoana nto lino. Apa tau tempo rapoanaka ri lino, sira rapoanaka yako pamporani ndaya ntau tu’anya pasi yako songka mpa’anya. Pei tau mawali ana i mPue Allah yako kuasa i mPue Allah semo.

Yesaya 53:6

Wali kita samparia paka raporapaka ewa domba to roomo masepi yau yako ri jaya to monso. Kita ojo mangaluluka yau jaya to naporani ngkita samba’a pei samba’a. Pei i Pue Yawe roomo mangawaika yau resi to PapolaongiNya etu mamponsaruka yau huku nu dosa ngkita.

Pomulanya 8:21

Wali pampue etu matao waunya resi i Pue Yawe pei mampakasanang kojo rayaNya, see naka Ia mampobuuka, “Yako si’i Aku tamo damangantanaa wo’u lino apa saba lengko nto lino to maja’a. Kamonsonya pampobuuka nsira sangkani maja’a yako dakodiwa, pei nempo ewa see Aku tamo damampakaja’aka yau songonya anu to tuwu ewa to owo roomo inikangKu.

2 Petrus 2:14

Sira sangkani rani masala ane mangalo’aka tau we’a. Pasi sira tare pandoonya mangika dosa. Sira mangakal tau to taa maroso pangayanya. Pasi raya nsira sangkani mamporani anu nsa’e. Wali sira natanaa yau i mPue Allah.

1 Timotius 6:9

Pei tau to ojo rani sugi, tau etu daragoda pasi daraakal. Anu to mangagoda pasi mangaakal ia, etu semo pamporani ndayanya to bea pasi to maja’a. Wali pamporani ndaya to etu damampakaja’a katuwu ntau etu pasi damampopate yau ia.

Galatia 3:22

Pei porenta taa maya mangawaika kita katuwu. Apa porenta to ri raya ntuntu i mPue Allah, porenta etu semo to mampakanasa samparia to lino paka ri ara ngkuasa nu dosa. Wali naka pei i Pue Allah mangawaika tau porentaNya see manasa kojo resi kita ojo samba’a jaya daralapa yako ri kuasa nu dosa. Etu semo mangantima sora to Ia roomo mamparajanjika resi tau to mangaya i Yesu Kerisitu. Wali ojo tau to mangaya semo to mangarata parajanji etu.

Roma 1:24

Wali apa saba to lino bo’onya mangabarong i Pue Allah, see naka Ia ojo mangabiaka sira mangaluluka yau pamporani ndayanya to maja’a. Wali sira mangika mpangaya-ngaya palaong to ojo mangarunes koro nsira, apa sira mangika palaong to maja’a kojo resi yununya, palaong to masipato napokea ntau.

1 Yohanes 2:8

Pei porenta to kutulisika komi si'i, nempo si’a to bo’u pei ewa porenta to bou resi komi. Porenta etu semo to naluluka i mPue Yesu ri raya ngkatuwuNya, pasi komi seja mampolengkoka lengko to inikaNya. Wali manasa porenta etu porenta to monso. Pasi manasa komi masiporayang mangalulu porenta to monso etu, apa palaong to maja’a to raporapaka ewa anu to mawuri, to etu ewa dapaya yau. Pasi yako ri lengko ngkomi masiporayang etu, see naka sa’e mangangkita komi mangalulu porenta to monso. Wali lengko ngkomi etu ewa mampakareme raya nsira.

Palaong mPomakau i mPue Yesu 14:16

Wali tempo owi i Pue Allah ojo mangabiaka yau komi to si’a to Yahudi mangalulu pamporani ndaya to si komi.

Pomulanya 5:3

Wali yako etu, ojo kagananya i Adam satu pei togo mpuyu nto’u, tempo etu ia re’e ana to langkai. Ananya etu sewaju kojo ta’anya ewa lengke mpa’anya. Wali i Adam mangansangaka ananya etu i Set.

Roma 2:14

Tau to si’a to Yahudi sira taa nansani porenta i Musa, pei tempo-tempo sira re’e mangika lengko to singkonong pei porenta etu apa raya nsira mangansani pasisalanya lengko to matao pasi to maja’a. Wali nempo sira tare porenta i Musa to ratulis etu, raya nsira semo mawali ewa porenta i mPue Allah resi sira.

Roma 5:9

Wali matantu yako raa i ngKerisitu tempo Ia mangkapateka kita etu see naka kita rato’o tare dosanta. Wali ane ewa see matantu wo’u i Kerisitu damampalaes kita see kita tamo danahuku i mPue Allah.

Roma 5:10

Pasi matantu tempo ruyu kita bali i mPue Allah, pei apa saba kapate nu AnaNya see naka kita rawali see maya masingkatao pei Ia. Wali ane kita roomo masingkatao pei i Pue Allah, wali matantu wo’u saba yako katuwu nu AnaNya see naka kita darapalaes see tamo danahuku i mPue Allah.

Kolose 1:21

Wali seore komi longko yako resi i Pue Allah, pasi komi bali i mPue Allah apa saba pampobuuka pasi lengko ngkomi to maja'a.

1 Tesalonika 4:13

Wali a’i-a’i, kami rani komi manasa kojo mangkonong palaong to mawali resi tau to mangaya to namatemo, to raporapaka ewa tau to yore. Naka pei kami rani komi manasa see kamawo ndaya ngkomi taa dasewaju pei kamawo ndaya ntau to tare pansarumakanya.

1 Tesalonika 5:6

Wali ane ewa see, ne’e kita mangika ewa tau to yusa to raporapaka ewa tau to ojo yore-yore. Anu kita mangika ewa tau to manaa pasi to nakurang manganta’amaka rayanya.