Epesus 1:10 - Tuntu i mPue ri Basa Taa

¹⁰ Wali songka i mPue Allah, etu semo ane ratamo temponya to room napakatantu, Ia damampasiromunaka samparia anu to re’e ndate saruga pasi to re’e ri lino. Pasi samparia anu to rapasiromunaka etu paka i Kerisitu, Makole parajanji i mPue Allah, damangkuasang.

Sura Magali Nuntu Ngkatuwu

¹⁰ Pepokonoa inceʼemo da naka pura-pura madago anu ri suruga bara anu ri lino, mewali sambaʼa-mbaʼa pai i Kerisitu anu mewali tadulako. Pai inceʼe da ndapakatumumpu i mPue Ala ane jelamo ri temponya.

Epesus 1:10 Referans Kwoze

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Kolose 1:16

Apa Ia semo nampapowali samparia anu to re'e. Etu semo anu to ndate saruga, pasi to ri wawo lino, to rakita pasi to taa rakita. Ia nampapowali samparia anu to nato'o ntau pue, pasi samparia makole, pomarenta pasi anu to yusa to re'e kuasanya. Wali samparia anu to re'e etu paka napapowali nu Ana i mPue Allah pasi yako pamporani to si Ia naka pei re'e.

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.

Epesus 3:15

Pasi aku seja manganto’oka Ia Pa’a. Naka pei aku manganto’oka Ia Pa’a, apa kita samparia, nempo to ndate saruga pasi to re’ewa ri sambawo lino, kita samparia samba’a Pa’a.

Pangkita 5:9

Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

Epesus 1:22

Wali samparia anu to re’e, i Pue Allah mangawaika i Kerisitu mangkuasang. Pasi Ia to nawaika i mPue Allah kuasa etu, Ia semo to napilis i mPue Allah mangkapalang samparia kita to mangaya to rato’oka tauNya.

1 Korintus 11:3

Pei re’e wo’u to aku rani mampaponsanika komi. Wali ewa si’i. Ane tau to langkai kepalanya i Kerisitu, pasi to we’a kepalanya to langkai, pasi i Kerisitu kepalaNya i Pue Allah.

Pomulanya 49:10

“O Yehuda, korom pasi wiyaamu semo to damamporentang bansa Israel. Wali kuasa ngkomi sambiyaa etu taa daraoko yau rataka ri singkasaenya. Wali yako wiyaa ngkorom etu, re’e samba’a to darata, Ia semo to masipato rato’oka Makole to monso. Wali Makole etu danapalaika ntau yako samparia bansa.

Ibrani 11:40

Naka pei sira tawa mangarata parajanji etu apa i Pue Allah re’e mangika songka to matao wo’u to kono seja kita. Wali songka i mPue Allah etu, sira mangampeas kita panewa darapasilonga sindara-ndara pei kita.

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

1 Korintus 10:11

Wali naka pei samparia palaong etu mawali resi sira see damawali tondong resi kita. Pasi samparia palaong etu ratulis see mawali patiendo resi kita to tuwu ri tempo to mosumo kapuranya temponya to si’i.

Matius 25:32

Pasi tempo etu tau samparia bansa darapasiromunaka ri tangongKu, panewa Aku damangaga’a sira ewa naika nto pangkampang domba mangaga’a domba pasi bembe.

Ibrani 9:10

Apa sora pasi pampue etu ojo singkonong pei porenta mangkonong pangkoni pasi anu to rainu pasi porenta to mpangaya-ngaya mangkonong anu to raposo’i. Pasi samparia porenta ngkatuwu nto lino etu, nawaika i mPue Allah tauNya danapake nsira sampe rata temponya Ia mangika jaya ngkatuwu to bou.

Epesus 3:2

Wali komi bara re’e mangandonge mangkonong palaong to nasarumakaka i mPue Allah aku. Etu semo mampakarebaka resi komi to si’a to Yahudi mangkonong kanotoNya.