Palaong mPomakau i mPue Yesu 9:39 - Tuntu i mPue ri Basa Taa

³⁹ Wali ojo pandonge i mPetrus gombo nsira dua, ia mampakaroso panewa ia mangalulu sira. Ojo karata nsira nja’u banua ri kota Yope, I Petrus nakeni ntau nto’u songi to ndate juya to kadua ntampenya nakare’e ntau mate etu. Ndate ria siromumo samparia tau to balu, wali ojo karata i mPetrus ndate ria, sira mampago ia panewa makore tiku ia. Sira tumangi pei mampaporaoka ia baju-baju pasi pake to yusa to naikaka i nDorkas sira tempo ia tuwuwa.

Sura Magali Nuntu Ngkatuwu

³⁹ Meoko i Peturu nalulu tau anu maʼi mampeboo siʼa, kajelanya njairia ndapoyunu siʼa ri lincu anu ri wawonya. Nalimbumo waʼa mbeʼa bemba i Peturu. Tau seʼe motumangi, natujumo ntau seʼe waʼa baju pai waʼa juba anu ndajauka tau seʼe ntongo tuwupa i Dorokasi.

Palaong mPomakau i mPue Yesu 9:39 Referans Kwoze

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Epesus 4:28

Pasi ane tau to malima, ne’emo malima. Pei kasimbalinya yako etu to tao-tao ia mapalaong. Tempo ruyu ia mangampake palenya malima, pei si’i-si’i to tao-tao ia mangampake palenya etu mangika palaong to matao. Wali ane ia mangika ewa wetu ia damangarata gana anu to rapake wali ia maya mangawaika seja santila resi tau to masiasi.

1 Yohanes 3:18

Wali ngana-nganangku, ne'e kita mamporayang sa'e ojo ri gombo ngkita, pei anu kita mamporayang sa'e ri lengkonta seja. Pasi ne'e kita mamporayang sa'e ojo ri nganga ngkita, pei anu kita mamporayang ri kamonso-monsonya.

1 Tesalonika 4:13

Wali a’i-a’i, kami rani komi manasa kojo mangkonong palaong to mawali resi tau to mangaya to namatemo, to raporapaka ewa tau to yore. Naka pei kami rani komi manasa see kamawo ndaya ngkomi taa dasewaju pei kamawo ndaya ntau to tare pansarumakanya.

2 Korintus 8:12

Apa ane buya raya ngkomi mangawai sora imba pata mpangkurang ngkomi samba’a pei samba’a, i Pue Allah masanang mangantima. Kita taa sewaju-waju pangkurang ngkita mangawai, pei taa mawei, apa to bae batuanginya resi i Pue Allah kita mangawai singkonong pei anu to re’e resi kita samba’a pei samba’a, si’a singkonong pei anu to tare.

Palaong mPomakau i mPue Yesu 20:35

Wali samparia palaong to aku mangika etu mawali tondong resi komi, see komi mangansani seja ewa wimba raika mapalaong see mangansawang yunu ngkita to ri raya ngkasusa. Pobuuka kojo gombo i mPue Yesu to manganto’o, ‘To sanang-sanang mangansora sa’e sakowa tau to rasora.’”

Palaong mPomakau i mPue Yesu 9:41

Wali i Petrus mangkongko palenya mangansawang ia see ia makore. Roo see i Petrus mampokio tau balu pasi tau to i Pue Allah puenya to yusa panewa ia manganto’oka sira, to’onya, “Si’i yunu ngkomi, ia tuwu muni.”

Palaong mPomakau i mPue Yesu 6:1

Wali yako etu kanjo’u-njo’u tiduga-dugang wo’u kaborosinya to Yahudi to mangaya i Yesu. Tau etu sira singga’a basanya basa Yunani panewa singga’a basanya basa Ibrani. Wali ri tempo etu to Yahudi to basanya basa Yunani sira mangkambumbuka yununya to basanya basa Ibrani. Sira masusa rayanya apa doi pasi pangkoni to biasa ratilaka samparia tau to balu, tau balu to basanya basa Yunani etu sira taa mangarata.

Yohanes 17:12

Tempo Aku tiroowa siwaka pei sira ri lino si’i, tempo etu Aku semo to mangararamaka sira mangampake kuasa to nuwaika ngKomi Aku. Wali sira to Aku mangararamaka etu, tare to rapakaja’aka yau kasimbalinya yako samba’a tau to taa maya taa darapakaja’aka yau. Wali palaong etu mangabanang gombo to ratulis ri raya ntuntu ngKomi.

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Markus 14:8

Wali masipato kojo palaong to naika ntau we’a si’i, apa ia re’e mangawubu minya to magaya waunya etu ri wawo mbo’ongKu apa ia mampasilonga yami korongKu darapongkeli, apa tamo masae Aku damate pasi darapongkeli yau. Wali ojo patanya palaong to etu to ia nakurang mangikaka Aku.

Matius 26:11

Monso pu’u matao seja ane mangansawang tau to masiasi, pei komi tiroo boros yoa damangansawang sira apa tau to masiasi sangkani re’e ri oyo ngkomi. Pei ane Aku, Aku taa dasingkasaenya maroo ri lino si’i sindara-ndara pei komi.

Matius 17:17

Wali i Yesu mampogomboka tau boros etu Ia manganto’o, “Gete komi to tuwu ri tempo si’i! Komi taa kojo mangaya. Pasi komi pusa, taa mangalulu jaya to monso. Pei nempo masaemo Aku maroo resi komi pei komi bara tiroowa taa mangaya. Wali masusa rayangKu mampobuuka komi taa kojo mangaya Aku!” Wali yako etu i Yesu manganto’oka ngkai to masaki ananya, to’oNya, “Kenika Aku ana etu.”

Palaong mPomakau i mPue Yesu 1:13

Wali tempo sira rata muni nja’u Yerusalem, sira mangampago banua to nakaroos nsira ri rayanya mangampeas sora to naparajanjika i mPue Allah, singkonong ewa to nato’oka i Yesu sira etu. Nja’u banua etu re’e wo’u songi to kadua ntampenya wali sira mapone ndate ria pasi siromu ndate ria semo. Sanga nsira to siromu etu i Petrus, i Yohanes, i Yakobus, i Andreas, i Pilipus, i Tomas, i Bartolomeus, i Matius, pasi re’e wo’u i Yakobus, ana i Alpeus, i Simon to mangangewa to Roma to mangamporentang to Yahudi, pasi i Yudas, ana i Yakobus.

1 Timotius 5:3

Wali mangkonong tau balu to we’a, ewa si’i raika. Pakabae pasi piara kojo tau balu to taa kojo re’e tau to mampiara ia.

1 Timotius 5:5

Pei ane tau balu to taa kojo re’e tau to mampiara ia, tau balu etu jamo mansarumaka kojo i Pue Allah. Pasi ia madota kojo wuri eo makai-kai resi i Pue Allah marapi sawang resi Ia.