Palaong mPomakau i mPue Yesu 9:36 - Tuntu i mPue ri Basa Taa

³⁶ Wali tempo etu, nja’u kota Yope re’e samba’a tau we’a ia anaguru i mPue Yesu seja. Tau etu sanganya i Tabita. (Sanganya etu ane ri basa Yunani rato’oka i Dorkas, Dorkas etu batuanginya “lago”.) Wali i Dorkas etu sangkani mangika palaong to matao pasi ia sangkani mangansawang tau to masiasi.

Sura Magali Nuntu Ngkatuwu

³⁶ Ri lipu Yope lau sambaʼa weʼa i Tabita toʼonya, siʼa sambaʼa tau meaya ri Yesu. (Toʼonya ane ri basa Garika i Dorokasi anu posokinya lagiwa.) Maria powianya anu madago mantulungi waʼa ntau kaasi-asi.

Palaong mPomakau i mPue Yesu 9:36 Referans Kwoze

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Titus 2:7

Pei ne’e ojo gombomu mampotundeka sira. Pasi lengkomu seja mampotundeka sira. Ika palaong to matao see sira maya mangaluluka lengko ngkorom. Pasi tempo korom mampotundeka tau, patundeka tau ri kamonso-monsonya, pasi patundeka ewa naika ntau to na’angga nsa’e.

Ibrani 13:21

see Ia damangawaika komi samparia to matao to parluu ngkomi damangika pamporaniNya. Pasi aku makai-kai see yako kuasa i Yesu Kerisitu, i Pue Allah damapalaong ri raya ngkita mangangika anu to mampakasanang Ia. Wali anu kita mangabarong Ia rataka ri singkasaenya. Amin.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Epesus 2:10

Apa kita napapowali i mPue Allah damawali tau to bou. Apa kita samba’a pei i Kerisitu Yesu, see naka i Pue Allah mampapowali kita mawali tau to bou. Naka pei Ia mangika palaong to etu see kita maya mangika palaong to matao to napasigenaka yami i mPue Allah kita.

Palaong mPomakau i mPue Yesu 10:31

Wali tau etu manganto’oka aku, to’onya, ‘Kornelius, pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

1 Tesalonika 4:10

Pasi monso pu’u komi mamporayang samparia pua’i ngkita ri sambawo propinsi Makedonia. Pei kami mamporapika kojo resi komi see kanjo’u-njo’u tiduga-dugang pamporayang ngkomi etu.

Yohanes 15:8

Pasi ane komi bae wua mpalaongimu, ane ewa see sa’e damangabarong Pa’angKu. Pasi re’e wo’u to damawali ane komi bae wua mpalaongimu, etu semo damanasa resi sa’e komi anagurungKu.

Yohanes 15:5

“Wali Aku semo to raporapaka ewa pu’u nu anggur pasi komi ewa ra’anya. Wali i sema tau to maroo masingkatao pei Aku, pasi Aku maroo masingkatao pei ia, tau etu raporapaka ewa ra’a nu anggur to singkenta pei pu’unya see naka maya mawali malagi wuanya. Wali tau to maroo masingkatao pei Aku etu, tau etu dabae kojo wua mpalaonginya. Pei ane komi taa maroo masingkatao pei Aku, komi taa maya mangika bara kesaa to bae batuanginya.

Yunus 1:3

Pei i Yunus ia taa kojo rani mangika palaong to etu, see naka ia miyai yau mampiyaika i Pue Yawe. Ia rani yau njo’u kota Tarsis apa ia mampobuuka ane yau njo’u Tarsis ia maya mampiyaika yau i Pue Yawe. Wali ia yau ruyu njo’u kota Yopa to ri wii ntasi pei mangaliwu bangka to damalayag njo’u kota Tarsis etu. Wali ojo pangaratanya bangka ia mangabayar ongkosnya see maya mapone ri bangka etu. Wali ojo karoonya ia mangabayar, i Yunus mapone ri bangka panewa ia yau lo’u rayanya pei maroo-roo la’u ria. Wali yako etu sira malayag mangampago kota Tarsis.

Kolose 1:10

Naka pei kami makai-kai ewa wetu, see komi damangika lengko ngkatuwu to masipato naika ntau to mangalulu i Pue pasi to sangkani mampakasanang Ia. Apa ane ewa see, boros ngaya palaong to matao to danuika ngkomi. Palaong etu maya raporapaka ewa wua ngkaju. Pasi kanjo'u-njo'u tiduga-dugang anu to komi mangansani mangkonong i Pue Allah.

Palaong mPomakau i mPue Yesu 9:38

Wali yako etu anaguru i Yesu to nja’u kota Yope etu sira mampokau dua mba’a tau to langkai yau resi i Petrus, apa sira re’e mangandonge i Petrus nja’u nja’u kota Lida. Kota Lida etu taa longko yako ri Yope. Wali tau dua to napokau etu sira yau panewa sira dua mangarata i Petrus nja’u kota Lida. Wali tau dua etu mamporapika resi i Petrus see ia majoli yau njo’u kota Yope.

Palaong mPomakau i mPue Yesu 9:42

Wali palaong to etu natikareba juku ri kota Yope panewa boros tau to mangaya i Pue.

Palaong mPomakau i mPue Yesu 10:8

Wali tau togo etu mangampago i Kornelius panewa i Kornelius mangansaritaka sira mangkonong samparia to nawali resi ia etu. Roo see ia mampokau sira togo yau njo’u kota Yope.

Palaong mPomakau i mPue Yesu 10:23

Wali ojo pangandonge i mPetrus gombo ntau etu ia manganto’oka sira, “Pasua pei yore rire.” Wali sira masua ri raya banua etu. Wali yako etu, ojo kaeonya rao i Petrus sira opo mayoko dayau njo’u kota Kaisarea. Pasi re’e seja sawei mba’a yunu nsira to samba’a pangayanya yako ri kota Yope, yau mangalulu sira opo etu.

Palaong mPomakau i mPue Yesu 11:5

“Re’e seore aku tongo mpakai-kaingku nja’u kota Yope. Tempo etu aku re’e pangkitangku, wali aku mangkita anu to ewa kain to bae katawaanya to raloe ponto sunonya opo. Anu etu ratudumaka yako ri yangi tudu ri tangongku.

Palaong mPomakau i mPue Yesu 11:13

Roo see tau etu mangansaritaka kami mangkonong tempo ia mangkita samba’a pomakau i mPue Allah makore ri raya banuanya. Pomakau etu pei manganto’oka ia, ‘Pakau tau njo’u kota Yope damangkeni mai i Simon to rato’oka wo’u i Petrus.

Matius 25:17

Pasi ewa see seja naika nto papolaong to nawaika mpuenya doi dua nsowu ngkomba. Doi to si ia etu tidugang seja dua nsowu ngkomba.