Palaong mPomakau i mPue Yesu 7:38 - Tuntu i mPue ri Basa Taa

³⁸ Wali i Musa ia semo mawali to mamponsaruka to Israel nja’u pada bone. Ia semo to mangandonge gombo mpomakau i mPue Allah to mampogomboka ia ri Tongku Sinai panewa ia wo’u mamporata resi bue-bue ngkita gombo etu. Wali tuntu to mangawaika katuwu yako resi i Pue Allah, tuntu etu rasarumakaka resi i Musa, panewa tuntu etu ia mamporata resi kita.

Sura Magali Nuntu Ngkatuwu

³⁸ I Musa seʼimo anu njau ri tongo-tongo nto Isaraeli ri pada bone mewali porioyoti ri oyo nto Isaraeli pai malaʼeka anu mompau pai siʼa ri Buyu Sinai pai waʼa ntau piamota. Siʼamo anu mantarima ungka ri Pue Ala nuntu ngkatuwu anu ndaparata ri kita.

Palaong mPomakau i mPue Yesu 7:38 Referans Kwoze

Roma 3:2

Re’e kojo! Bae kojo dale to narata nto Yahudi pasi bae kojo batuanginya tau ane rasui. Dale to uyunya narata nto Yahudi etu, etu semo tuntu i mPue Allah to nasarumakaka i mPue kita.

Ibrani 5:12

Wali kamonsonya to tao-tao komi semo to mangampotundeka sa’e si’i-si’i. Pei komi taa nukoto mangampotundeka sa’e. Komi tiroo parluu rapotundeka wo’u mangkonong anu to uyunya kojo rapotundeka komi seore yako tuntu i mPue Allah. Anu to etu raporapaka ewa ue nsusu pasi komi ewa ana kodi to tawa nakoto mangkoni pangkoni to mako’o.

1 Petrus 4:11

Rapanya ane tau to rawaika kapande mampakarebaka sa’e, to tao-tao gombo i mPue Allah semo to ia mampakarebaka etu. Pasi ane tau to rawaika mangansawang sa’e, to tao-tao ia mangika palaong etu yako karoso to nawaika i mPue Allah ia. Wali ika ewa wetu see tau damangkita samparia to nuika ngkomi paka i Yesu Kerisitu pu’unya, see naka sira damangabarong i Pue Allah. Wali masipato ewa wetu apa Ia semo to masipato rabarong pasi to masipato maporenta rataka ri singkasaenya. Amin.

Palaong mPomakau i mPue Yesu 7:53

Wali gete! Komi roomo rawaika porenta i mPue Allah to naporataka mpomakauNya kita, pei nempo ewa see komi mamporayaka mangangewa porenta etu, wali komi semo to sala.” Wali etu semo gombo i nStepanus manganto’o notonya.

Yohanes 1:17

Apa bae batuanginya porenta i mPue Allah to naporataka i Musa bue-bue ngkita tempo owi. Pei nempo bae batuanginya porenta etu, bae wo’u batuanginya kanoto i mPue Allah to napaponsanika i Yesu Kerisitu kita ri tempo si’i. Pasi bae wo’u batuanginya samparia anu to to’oNya mangkonong i Pue Allah, pasi samparia to to’oNya etu paka monso pu’u.

Ibrani 4:12

Wali pakadota apa tuntu i mPue Allah, tuntu etu tuwu pasi maroso. Tuntu i mPue Allah raporapaka ewa wada to mataja dua mbalia to maya mangantuja pasi mangaga’a yau yotus pasi uta mbuku. Pei Tuntu i mPue Allah semo to taja-taja pei wada etu apa tempo kita mangandonge Tuntu i mPue, TuntuNya etu ewa mangantuja pasi mangaga’a yau rayanta pasi toniinta apa mampakanasa see miyala ewa wimba pampobuuka pasi songka ndayanta.

Ibrani 2:2

Wali ane kita taa mangkongko anu to kita mangandonge, kita damangarata huku. Apa lo’a tau tempo owi to mangarata porenta i mPue Allah to naporata mpomakauNya. Porenta etu porenta to monso, pasi samparia tau to taa mangaluluka porenta etu pasi taa mampolaika, tau etu mangarata huku to masipato sira mangarata.

Galatia 3:19

Wali ane ewa see, maka pei i Pue Allah mangawaika tau porentaNya? Kesaa batuanginya porenta i Musa etu? Ewa si’i batuanginya. Porenta i Musa nadugang i mPue Allah see to lino damanasanya mangkonong dosa nsira, etu semo sira mangewa porenta to Ia mangawaika etu. Pei songka i mPue Allah mangadugang porenta etu danalulu ntau sampe rata tempo kama’i mbiyaa i Abraham to mangabanang parajanji i mPue Allah resi i Abraham. Wali re’e pasisalanya tempo i Pue Allah mangawaika tau parajanjiNya pasi tempo Ia mangawaika tau porentaNya. Apa porenta etu nakeni mpomakau i mPue Allah resi i Musa, panewa yako etu i Musa semo mawali to mamponsaruka sira mamporata porenta etu resi tau to tempo etu to damangaluluka porenta etu.

Roma 9:4

Wali ane mangkonong to Israel etu, sira semo to napilis i mPue Allah tempo owi damawali anaNya. Pasi boros wo’u to nawaika i mPue Allah to Israel. Ia re’e maroo resi sira pasi mampaporaoka sira kayawaNya. Ia mangawaika sira parajanjiNya pasi porentaNya. Pasi Ia mangawaika seja sira ada to nalulu nsira mampue mampakabae Ia. Pasi re’e wo’u parajanji matao to nawaika i mPue Allah sira mangkonong ewa wimba sira darapalaes.

Palaong mPomakau i mPue Yesu 7:35

“Wali i Musa etu, ia semo to yau mangansawang bue-bue ngkita to Israel tempo owi, pei sira mampobo’o ia. Sira manganto’o, ‘Sema nangokotaka korom mawali kepala mami pasi mawali to pobotus mami?’ Ewa wetu nato’o nsira, pei kamonsonya i Musa napokau i mPue Allah damawali kepala nsira pasi damawali seja to mangampalaes sira. Pasi tempo ia mangika palaong etu, ia nasawang kojo mpomakau i mPue Allah to rata resi ia seore ri raya njunju to mawea etu.

Palaong mPomakau i mPue Yesu 7:30

Wali i Stepanus manganto’o wo’u, to’onya, “Wali tempo i Musa maroo nja’u tana Midian, ojo kagananya opo mpuyu nto’u wo’u, ma’i samba’a pomakau i mPue rata resi i Musa nja’u pada bone to ri awe nTongku Sinai. Tempo pomakau rata resi i Musa etu, pomakau etu re’e ri raya njunju to mawea.

Yohanes 6:63

Wali gombo to si Aku etu, gombo etu semo mampakanasaka resi komi ewa wimba jayanya komi damangarata Nosa i mPue Allah. Pasi Nosa i mPue Allah, Ia semo to mangawai katuwu. Ane to lino, tare kesaa to maya danaika see damangarata katuwu.