Palaong mPomakau i mPue Yesu 7:35 - Tuntu i mPue ri Basa Taa

³⁵ “Wali i Musa etu, ia semo to yau mangansawang bue-bue ngkita to Israel tempo owi, pei sira mampobo’o ia. Sira manganto’o, ‘Sema nangokotaka korom mawali kepala mami pasi mawali to pobotus mami?’ Ewa wetu nato’o nsira, pei kamonsonya i Musa napokau i mPue Allah damawali kepala nsira pasi damawali seja to mangampalaes sira. Pasi tempo ia mangika palaong etu, ia nasawang kojo mpomakau i mPue Allah to rata resi ia seore ri raya njunju to mawea etu.

Sura Magali Nuntu Ngkatuwu

³⁵ I Musa seʼimo Musa anu bareʼe naʼaku nto Isaraeli, pai napantoʼo, ‘Ara isema anu malanti siko da mewali topombawanaka mami pai da mantadulakoni kami?’ Paikanya siʼamo anu ndapokau mPue Ala da mewali tadulako pai da mewali toponcorepaka, pai da natulungi malaʼeka anu rata ri yopo ndui anu tenunju setu.

Palaong mPomakau i mPue Yesu 7:35 Referans Kwoze

Lukas 19:14

“Roo see tau etu mayoko dayau njo’u tana to longko. Pei tau to maroo ri lipu to si ia, sira maja’a nakita ia. See naka sira mampokau tau yau mangalulu ri payunya panewa ojo karata nsira nja’u tana to longko etu sira damampotango seja tau to damangawaika ia kuasanya. Sira damanganto’oka tau etu, ‘Kami taa rani tau si’i mawali makole mami!’ Wali pomakau nsira etu yau mangika ewa wimba nato’o nsira etu.

Posuwunya 14:19

Wali yako etu, pomakau i mPue Allah yako ri Saruga, to re’e ri tango ntau Israel ri raya mpalinjanya, ia malimba wo’u ri payu nsira. Pasi limu to ewa tinja ta’anya to matiruyu pei sira ane bae eo etu, limu etu malimba seja ri payunya.

Pangkita 15:3

Wali tau to makore ri wii ntasi etu, sira mamponyanyika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!

Ibrani 2:2

Wali ane kita taa mangkongko anu to kita mangandonge, kita damangarata huku. Apa lo’a tau tempo owi to mangarata porenta i mPue Allah to naporata mpomakauNya. Porenta etu porenta to monso, pasi samparia tau to taa mangaluluka porenta etu pasi taa mampolaika, tau etu mangarata huku to masipato sira mangarata.

Kolose 1:15

Wali i Pue Allah taa rakita, pei AnaNya ewa gambar to mampakanasaka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia semo to re’e ri katawanya samparia to yusa rapapowali, wali Ia semo to bae-bae anggaNya pei samparia to etu.

Palaong mPomakau i mPue Yesu 7:51

Wali i Stepanus manganto’oka wo’u kepala-kepala etu, to’onya, “Gete komi mako’o wo’omu! Komi taa kojo rani mampalaika bara mampodongeka kareba yako resi i Pue Allah. Komi sangkani mangewa i Nosa Mapasing ewa naika bue-bue ngkita tempo owi.

Palaong mPomakau i mPue Yesu 7:30

Wali i Stepanus manganto’o wo’u, to’onya, “Wali tempo i Musa maroo nja’u tana Midian, ojo kagananya opo mpuyu nto’u wo’u, ma’i samba’a pomakau i mPue rata resi i Musa nja’u pada bone to ri awe nTongku Sinai. Tempo pomakau rata resi i Musa etu, pomakau etu re’e ri raya njunju to mawea.

Palaong mPomakau i mPue Yesu 5:31

I Pue Allah mangokotaka i Yesu etu pei mamposaka Ia ri ri tampa to bae angganya ri aweNya tondo ngkana. Wali si’i-si’i Ia semo Kepala ngkita pasi to Pansompo ngkita. Wali naka pei i Pue Allah mangika ewa wetu see kita to Israel maya mangandolika tangonta resi Ia see daralapas dosa ngkita.

Palaong mPomakau i mPue Yesu 3:22

Apa pobuuka gombo i Musa, samba’a to pantuntu tuntu i mPue Allah tempo owi etu, tempo etu ia magombo mangkonong i Yesu, ia manganto’o, ‘I Pue Allah damangampilisika komi samba’a to pantuntu tuntuNya to yako ri oyo ngkomi. To pantuntu tuntu etu ewa aku si’i. Wali padongeka kojo samparia anu to nato’oka ntau etu komi.

Palaong mPomakau i mPue Yesu 2:36

“Wali a’i-a’ingku to Israel, aku mampaponsanika komi samparia see manasa kojo i Yesu to nupaku ngkomi ri kaju pasape etu, Ia semo to naokotaka i mPue Allah mawali Pue pasi mawali Makole to naparajanjikaNya.”

Yohanes 19:15

Pei sira sakaboo, manganto’o, “Pate yau Ia! Pate yau Ia! Paku yaumo Ia ri kaju pasape!” Wali i Pilatus mampotanaka resi sira, ia manganto’o, “Gete komi, bara monso pu’u komi mamporani aku mangampaku makole ngkomi ri kaju pasape?” Wali kepala-kepala nto pampue manganto’o, “Ojo patanya i Kaisar semo makole mami. Tare to yusa!”

Yohanes 18:40

Pei sira maroso loonya sakaboo, manganto’o, “Ne’e ralapa ngkai etu. I Barabas semo to kami rani!” Wali i Barabas etu, naka pei ia ratarungku apa ia samba’a tau to mangewa kojo pamorenta.

Posuwunya 14:24

Wali ojo kamosueonya i Pue Yawe mangalo'aka to Mesir etu yako ri raya ntinja to ewa apu pasi limu. Ia mangkita sira ratamo ri tongo ntasi, wali Ia mampakasusa raya nsira.

Posuwunya 2:14

Pei tau etu mangansono, ia manganto’o, "Gete, tare tau to mangokotaka korom naka pei korom maya mangkuasang pasi mangabotus kami! Wimba, korom bara rani seja mampopate yau aku ewa nuika ngkorom mampopate yau to Mesir wengi?" Etu semo to nato’o nto Ibrani etu resi i Musa. Wali ojo pangandonge i Musa gombo ntau etu, ia meka rayanya. Ia mampobuuka, "Gete! Nansanimo ntau palaong to inikangku wengi etu."

Markus 12:26

Pei mangkonong tau mambangu muni yako ri kapatenya, wimba, komi bara tawa re’e mangabasa nja’u raya ntuntu i mPue to natulis i Musa tempo owi mangkonong sarita tempo i Pue Allah mampogomboka i Musa yako ri raya njunju to mawea? Ia magombo mangkonong i Abraham sira togo i Ishak pasi i Yakub. Pei tempo Ia magombo mangkonong sira etu, tempo etu sira togo paka masaem kapatenya yau. Pei nempo ewa wetu Ia tiroo manganto’oka i Musa, Ia manganto’o, ‘Aku semo Allah to napue i Abraham, pasi to napue i Ishak, pasi to napue seja i Yakub.’ (Posuwunya 3:6) Etu semo gombo i mPue Allah resi i Musa tempo owi.