Palaong mPomakau i mPue Yesu 5:41 - Tuntu i mPue ri Basa Taa

⁴¹ Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Sura Magali Nuntu Ngkatuwu

⁴¹ Malaimo waʼa ncuro ungka ri Majalisi Agama setu, mawongko-wongko rayanya maka ndapasingkanamo i mPue Ala tau seʼe da ndapetikodi mamponcuruka i Yesu.

Palaong mPomakau i mPue Yesu 5:41 Referans Kwoze

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

Lukas 6:22

Masanang komi ane sa’e maja’a nakita komi, pasi bo’onya mampogalungika komi, pasi ane sira mangarowis komi pasi manganto’o maja’a komi apa saba komi mangaya Aku, Wiyaa nto Lino.

Pilipi 1:29

Wali ane mangkonong kasesa, seore komi re’e mangkita aku mangarata kasesa apa saba mampasimbalika kareba matao. Pasi komi roomo mangandonge kareba to manganto’o tiroowa ewa wetu resi aku. Pasi tempo si’i komi seja mandasai mampasimbalika kareba matao sewaju ewa aku. Apa kita nawaika i mPue Allah sora apa saba i Kerisitu. Etu semo Ia mangawaika kita mangaya i Kerisitu. Pei si’a ojo etu soraNya. Apa Ia mangawaika seja kita mangarata kasesa apa saba kita mangaya i Kerisitu etu.

Yohanes 15:21

Pei to lino to maja’a nakita komi, sira damangansesai komi apa saba komi Aku puenya. Naka pei sira damangika ewa wetu apa sira taa mangansani Ia to nampokau Aku.

2 Korintus 12:10

Wali see naka aku masanang rayangku mangarata kasesa apa saba mangika palaong i ngKerisitu. Aku masanang mangarata kayu’u pasi kasiasi, pasi kasusa. Pasi aku masanang ane narunes ntau pasi ane nasesai ntau. Apa tempo korongku mayu’u, tempo etu semo aku napakaroso i ngKerisitu.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Roma 5:3

Pei si’a ojo pansarumakanta etu naka pei kita ndende rayanta. Kamonsonya nempo mangarata kasusa kita ndende seja rayanta, apa kita tansani yako ri kasusa to kita mangarata etu kita mawali maroso wo’u rayanta manta’amaka pansoba.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Palaong mPomakau i mPue Yesu 5:21

Wali sira mampolaika gombo mpomakau i mPue etu. Ojo kaeonya rao sira yau njo’u banua i mPue Allah panewa mampotundeka tau nja’u ria. Tongo-tongonya sira mangika palaong etu, kepala nto pampue to bae angganya pasi joanya mampasiromunaka songonya to pobotus nto Yahudi pasi samparia tau tu’a nto Yahudi. Panewa sira mampokau to papolaonginya njo’u tarungku, to’onya, “Inta pei oko tau to soko mami wengi pei kenika kami.” Sira manganto’o ewa see apa sira mampobuuka nja’uwa tau etu nja’u tarungku.

Palaong mPomakau i mPue Yesu 21:13

Pei tempo etu i Paulus mangansono, to’onya, “Maka pei komi tumangi mampakamawo rayangku? Apa aku nempo si’a ojo ratarungku, aku nempo rapopate yau nda’a Yerusalem apa saba mangalulu i Pue Yesu, aku buya rayangku.”

3 Yohanes 1:7

Apa naka pei sira yau, etu semo damampakarebaka mangkonong i Pue Yesu. Pasi ri raya mpalinjanya etu, sira taa mamporapi bara kesaa resi tau to taa mangaya.